迪士尼生日之旅

feb 28

哲哲五歲生日, 本來想辦個小型的生日會, 後來朋友告知迪士尼在工聯會做優惠, 成人門票只是$250/位, 想起這些年一到聖誕電視賣廣告, 哲哲總是說想去迪士尼玩, 於是問哲哲:

「哲哲, 這年的生日你想有個生日party還是去迪士尼玩呢?」

「迪士尼!」哲哲想也不想就答

既然如此, 迪士尼生日之旅開始了!

雖說是生日之旅, 卻要等到二月尾才正式慶祝. 門票的條件是有指定的日子, 不過哲哲沒有介意, 其實有得玩, 是不是生日正日的慶祝節目又有何所謂呢? (實情是媽媽太孤寒, 要不是這次有優惠而且太久沒有去, 也許哲哲要再等等了~)

乘搭米奇列車, 終於到左啦! 相隔三年沒來迪士尼, 哲哲心情興奮到極點 (其實我地都係!), 不停說要即刻入樂園不要拍照, 等等咪心急啦, 玩完出返黎天都黑晒, 就咩都影唔到囉~~

細佬也是很好奇, 看到噴水池已經O嘴呆定了XDDDDDD

這天的戰略是盡量玩晒園內可以玩的遊戲設置, 前一晚看過地圖, 幻想世界最集中了最多好玩的東西, 所以第一站就到這裡. 來個熱身先, 旋轉木馬齊齊玩, 細佬好叻叻無喊, 就是有點好奇嘛...

米奇幻想曲...記得哲哲快兩歲時, 還不習慣坐定定戴眼鏡睇足全場, 也不明白看的是什麼. 這次大個仔了, 乖乖戴3D眼鏡, 見到米奇同特技彈出來時會伸手去抓 (結果抓到坐前排那位女的頭髮XDDD), 還說唐老鴨成日撞板好似佢而愛上左呢~

場內比較黑而且音響比較大, 細佬一開始是有點扭計怕陌生, 後來有音樂聽畫面又有趣, 也就乖乖坐大脾一齊睇了

玩到呢個時候, 細佬倦極而睡. 之前winnie the pooh的fast pass時間到, 同哲哲去拍下拖先!

之後輪到哲哲同爸爸去玩飛越太空山, 巴斯光年射槍, 仲玩到呢個次次要排長龍等好耐既馳車天地, 幸運地這天人很少, 所有遊戲設施不用等, 等得最耐的就是這架車, 等了四十五分鐘啊!

時間剛剛好, 哲哲一玩完細佬就醒了, 即刻衝上去玩太空飛碟, 細佬不知幾開心!

可愛既史迪怪, 可愛既米妮XDDDD

巡遊開始了! 我們看了一會兒, 見哲哲不是太感興趣, 於是再到winnie the pooh同細佬玩多次! 咁得意既遊戲又唔洗等, 緊係要同細佬玩多次喇!

然之後, 就是四圍的影相囉...

哈哈, 細佬超好奇的不停望住米奇, 叫極都唔望鏡頭丫))))))

三點三, 吃茶點, 我們帶來好多小食, 有麵包有餅乾有生果, 細佬最喜歡的就是士多啤梨. 睇下為左食, 拍晒手伸晒脷, 好可愛^^

還有另一個可愛的士多啤梨寶貝~

噢, 扭計扭成咁, 讚壞了...

時間實在太有限, 才五時太陽開始下山. 襯還有時間我們趕到反斗奇兵大本營, 這裡是我們之前沒來過的, 到處都好有趣, 影相個效果好靚啊!

哲哲比爸爸勇敢, 夠膽玩跳降傘, 叻仔!

細佬都唔執輸, 轉轉彈弓狗捉到實一實, 好有安全意識XDDDD

玩完一輪, 哲哲同爸爸去坐小鎮列車到處觀光, 圓了哲哲想坐車的心願; 而我推住訓著覺的細佬在小鎮大街閒逛, 精品比想像中便宜, 有些還很漂亮, 好想買回家喔~

待到晚上煙花盛放, 細佬趕得及醒來齊齊觀賞, 以往從不覺得煙花是如此漂亮, 幾年前看過迪士尼的煙花後, 令我覺得能夠和最愛的人在煙花底下看煙火, 是一件幸福又浪漫的事

入夜了, 旅程要結束, 依依不捨呢...

天公造美, 一整天都沒下雨, 天氣也不凍; 遊人又少, 遊戲不用等; 最開心的是細佬好合作, 無扭計驚驚唔敢玩, 總在適當既時侯訓, 又在適當既時間醒來玩

哲爸還說細佬咁細入到迪士尼無野玩唔識野, 如果親身在場的話, 就會知道, 細佬的眼神及反應是異常的興奮, 會手舞足動, 會好奇的指來指去, 外星話說不停. 我深信細佬是知道的, 只是我們不明白他想表達想說的是什麼吧

「媽咪, 我地幾時可以再黎丫...?」

「等爸爸努力d賺多d錢, 我地下次再黎時住埋酒店囉, 好嗎?」

(爸爸在旁滴汗無語...XDDDD)