城市綠洲。金鐘添馬公園

may 19

假日在鬧市金鐘一帶活動, 到處都是工人姐姐, 這天難得享受未被佔領既城市綠洲, yahoo!

這晚約了哲公公婆婆到金鐘試一家好味又抵吃的越南菜, 下午的時候到了新政府總部的添馬公園遊樂. 聞說這裡有大草地, 可以玩彩虹傘, 可以野餐, 玩各類球類活動都不會被趕. 這點很吸引! 因為平常在馬鞍山公園的草地是不允許玩任何球類活動, 哲哲聽到第一時間叫好~

穿過海富中心往天橋直行, 就會看到一大片草地盡在眼前...

左手邊有條大鎖匙, 添馬公園是政府建的一個「地常綠」公園, 廿四小時開放希望都能給市民享用這片大草地, 這條鎖匙你揸實啦, 隨時都黎得架~

這個又是什麼東東? 忘了...

張樹葉櫈幾得意bor!

這裡的環境很優美, 設計亦好簡單, 哲公公婆婆說這裡沒什麼玩樂設施, 太空曠有點浪費地方, 我說正正是一大片草地, 先可以自由自在咁奔跑, 跑得倦了可以躺臥休息, 或者慢步細看四周的風景, 小朋友只要帶個波, 點玩都咁開心. 睇下哲哲急不及待已經帶波走人了XDDDD

呢日天氣認真麻麻, 時晴時雨, 剛剛鋪好地墊吃茶點, 轉個頭又下了場雨, 不過無阻各人的雅興, 有遊人擔住遮咁自彈自唱, 好民歌王子feel啊~

雖然是鬧市中建出來的草地, 但環境好開揚, 360度既景致都好靚, 處身其中個感覺好奇妙, 石屎森林的『綠地毯』...都係唔識點形容, 唯有去片, 睇下哲哲同細佬玩得幾開心!

足球小將!

細佬都學哲哲咁踢波, 不停叫波!波!波!

公公婆婆又係一副有孫萬事足既樣, 呢隻衰豬又真係幾識嗲人哄人開心既...

曬下又落幾陣雨, 走鬼呀~~好在附近有d涼亭, 在櫈上小休依啖蛋糕先~

好肚餓咁wor!

踢完波輪到玩波波槍, 地方太大啦, 追波追到細佬傻左呢...

「波!波! 無?! oh...」

無電lu...訓低抖下先...要不是草地剛下雨濕晒, 訓落靚草地就好似訓軟軟既大床咁, 好舒服呢~

走的時候見到有間餐廳, 環境不錯幾寫意, menu價錢不貴, 看wiki才知道 iBakery Gallery Café 是東華三院屬下專門聘用及訓練殘疾人士的社會企業, 咁有意思既餐廳, 下次黎一定要幫襯食個tea

時候不早了, 唯有拍個合照起行到越南菜館等哲爸放工吃晚飯. 添馬公園很大, 我們只是到了前方的一小角坐坐玩玩, 哲哲說喜歡這裡, 踢波未夠盡興, 反正我們還未到其他角落走走, 下次一定要再來