在網上的討論區常聽說「Canon的單反相機影人像色水夠靚, 而且操作非常user-friendly」, 對於我呢d日影夜影都係影細路既家長黎講, 一部易用又影得靚既相機真係好重要
日前有幸參加了Canon EOS 700D blogger event, 除左介紹最新的入門級700D單反相機之外, 仲有著名星級親子攝影師Jenny Leung以playgroup型式分享拍攝孩子「最真」既技巧, 完全唔需要考慮即刻應承喇, 哈哈
去到現場, 收到pr姐姐遞過來的700D, 第一感覺: 「咦? 咁輕既? 係咪比錯部demo機我影大合照咋?」
插過SD卡, 是但影張試下先...
真機黎架喎! 唔係demo機, 未set任何white balance ISO同光圈情況下, 意外地拍到細佬兔仔牙既趣怪樣, 全auto情況下唔錯bor~
簡易操作配合輕巧機身 隨時輕鬆拍下嬰兒趣緻一面
對於我呢d經常一拖二既全職媽媽黎講, 一個人拎三個人既野出街等閒事, 想帶部單反出街影靚相又怕重, 帶部普通dc仔又唔能夠捕捉到兩隻小鬼動感既一面 (往往照片最後成為鬼影...), 700D輕巧既機身就絕對滿足到我既需求
一入會場還未放下行裝, 見到細佬好奇踩高望窗外的這一刻, 唔理三七廿一舉機就影. 換轉是平常用的單反, 可能抆槍(機)出黎無咁瀟灑, 亦未必會影得切了
3.0吋輕觸式LCD螢幕 輕鬆應付各種高低特別拍攝角度
700D除左機身輕巧, 最方便新手爸媽就是這個可以轉動既反mon, 好似細佬細細粒咁, 要牛高馬大既哲爸烏低身影到盡真係好辛苦, 拍攝既角度亦唔理想. 依家700D既螢幕可以靈活轉動, 又可以touch screen即拍, 就算細佬邊坐邊爬都能夠輕易影到, 連拍效果仲好唔錯tim!
先進光學技術 影像重現細緻膚質
以前唔識影相見環境黑就會開閃光燈, 嬰孩既眼睛仲係發育中, 閃光燈的光太刺激, 絕對不適宜使用. 在昏暗或者室內環境下就好需要推高ISO來保持畫質及氣氛. 700D提供由100去到12800既感光範圍以增強拍攝既靈活性
老實講, 平常影哲哲同細佬最高只用到1600就已經接受唔到個畫質, 粗糙得令人可怕, 可是700D ISO3200既效果絕對無令人失望, 細佬既皮膚同頭髮細節...還算秀色可餐吧 XDDDD
更先進的即時顯示模式 清晰捕捉每個表情動作
哲哲係出晒名既「UFO」, 影都唔見, 極其難影, 雖然細佬比哲哲略為地球人一點, 但一d重要既親子畫面係一張都不能缺
700D 有多達31點自動對焦, 仲支援人臉偵測及追蹤對焦, 好似我呢d攝影初哥唔識對焦, 都能輕易拍到, 好難得影到細佬笑到咁開心既一刻, 萬歲!
多種拍攝模式創意濾鏡 輕鬆應付拍攝不同場景
唔識執相但又想學人影到懶有意境, 700D有內置既創意濾鏡, 我最鐘意黑白粗粒同玩具相機效果, 好好玩呀~
沖曬出黎個效果比睇mon既更佳!
全高清短片拍攝 珍貴紀錄嬰孩成長歷程
700D提供一按即錄, 拍出黎個效果好有電影感, 由於哲爸拍的那條片太....長! 所以在此不放出來給大家欣賞喇~
大會很貼心, 中場提供了好味的小點, 用700D拍出來的感覺氣氛就是不一樣
休息過後, 用Jenny教的技巧不停的應用, 拍了好多有趣的照片呢:
做咩我個肚腩變大左既?!
是廢紙箱還是細佬的專屬波波池?
給我一個Like吧~
「行快d行快d」「去邊呀?」「去見我既cherry呀!」
三角關係?
狹路相逢!
有部又輕對焦又快既相機, 好輕鬆就影到好多有趣既場面, 好開心呀. 大會仲提供selphy 可以無限量咁即場打印照片, 師奶既我已經將以上所有精彩既照片一一print晒返屋企放檯頭! 插張卡, 督幾下, print相就係咁簡單喔~
今日真係好多謝大會邀請我地試玩canon新推出既700D, 期望有日能夠擁有, 帶佢出街影靚相!
沒有留言:
張貼留言