味覺小實驗

回家的時候, 路經一間廚藝學校, 傳來陣陣烤香味...

「唔! 我聞到陣好香既煎牛扒味」

「哲哲個鼻好靈喎, 咁都聞得出係煎野既香味, 咩你唔係鼻塞咩味都聞唔到架咩?」

「緊係唔係啦, 係香既味我一聞就聞到喇」

再和哲哲閒聊, 原來人的眼耳口鼻五官很奇妙, 互相獨立合作之餘, 也相互有影響. 如鼻塞傷風的時候, 味覺會變得遲鈍, 吃什麼也會怪怪. 哲哲聽完覺得很好奇, 說回家要第一時間做個實驗

所謂既實驗, 其實即係哲哲可以攞正牌食糖XDDDD

「媽咪, 我想試珍寶珠得唔得呢?」「唔得」

「點解呀? 珍寶珠大粒d可以試耐少少丫嘛...」

「唔...粒朱古力食落又真係...無平時咁甜...」

「哲哲, 你試下食粒棉花糖丫, 包你食落似食緊擦膠呀」

傻豬哲哲係咁揑實個鼻, 好努力咁揑到個鼻紅晒做實驗XDDDD

「媽咪, 食落粒棉花糖真係怪怪地好鞋咁呀」

嘩卡卡卡, 哲哲話好神奇, 我說下次可以試埋蒙眼試食甜酸苦辣, 蒙住眼只靠嗅覺味覺也會吃到亂七八糟呢~