試玩: 玩具反斗城之新登場獨家精選玩具!

apr 6

續上文, 「反斗城哥哥」出黎介紹最新款既復活節精選玩具, 哲哲一見到介紹美國隊長, 第一個舉手話要試!

哲哲正在試美國隊長飛彈防護盾. 身為白戰士, 點都要有個「硬野」上手黎執行戰隊要務, 呢個防護盾好型, 拉下制會發射子彈, 好型呀!

跟住哲哲又試左avigo滑板, 呢個係反斗城獨家發售, 一路踩一路有led燈發光, 他日哲哲踩住呢塊板出街, 應該會惹來不少羨慕既目光~

仲有呢個巨型玩樂棋, 哲哲由「反斗城哥哥」介紹果陣已經好有興趣, 到試玩的時候果然一個馬步, 要同我即場鬥一翻!

比劉生兩下省手又贏左我喇, 話時話點解玩親呢類board game都輸比佢架呢...

仲有好多好多精選玩具, 男孩子都係比較鐘情lego同遙控飛機, 不過女孩子都有barbie同其他玩具屋

嘩!! 多謝玩具反斗城既公關送左份禮物比我地回家同屋企人一齊玩, 公關姐姐好有心, 知道我們家還有細佬, 連細佬都有玩具玩耶~~

唔講唔知, 原來反斗城既signature icon長頸鹿叫geoffrey, 失覺晒!

返到屋企, 哲哲急不及待話要拆禮物, 唔知公關姐姐送左d咩比哲哲呢...

太好了! 原來係哲哲最想要既snakes ladders, 睇下哲哲幾開心!

遊戲好簡單, 淨睇圖都明, 見到梯就上, 碰到蛇就落, 最快去到終點就贏. 平時同哲哲玩board game好多時因為太細而很易唔見d棋子, 又或者係紙制而玩多幾次就撕爛, 呢款巨型棋係軟墊黎, 唔洗擔心玩多幾次就報銷, 玩到倦仲可以好似哲哲同細佬咁訓低抖陣先XDDD

除左試玩禮物之外, 仲有個bossini x mickey mouse索袋仔同kfc既可愛膠錶和小食劵, 正當奇怪以上兩者同玩具反斗城有咩關係時, 原來用玩具反斗城張星卡會有以下優惠:

- 在kfc堂食買滿$35憑星卡可獲一客萄撻 (哎呀, 閒閒地買兩個餐已經可以換到個, 真係蝕鬼晒, 枉我平時加錢買黎同哲哲兩份慳住食tim!)

- 憑星卡在bossini買mickey mouse系列正價有八五折 

玩具反斗城多左咁多新玩具, 可以約埋朋友仔復活假時開party交換禮物lu~~