apr 12
戰隊又殺入迪士尼啦!
今次有幸可以入去迪士尼玩德仔「飛」常特訓 (萬歲!), 大人細路未出發先興奮, 襯人齊影張大合照先!
入園後pr姐姐帶我們四處走走, 來到大街的時候, 演藝人員拎出特別設計既影相框比我地拍照留念, 我地班靚媽唔執靚, 第一時間揀個靚靚既黎影先!
一身橙衣既aidan搵到屬於佢既顏色相框, 好醒神!
襯我地興奮合照的時候, 班細路做緊咩呢? 等埋位時無野好做, 樂園入面既演藝姐姐拎出一本本圖畫簿出黎, 一人一頁就在大街中坐定定畫上數十分鐘, 有畫迷宮, 連字遊戲, 過三關, 找錯處, 好玩到個個細路唔願走
因為要開始德仔既旅程, 唯有快步繼續行落去
迷離莊園丫...哲哲行過話呢度好靚, 好想一陣入去參觀下, 如果有時間既話...
未食飯, 手軟腳軟一陣點進行特訓呢? 先來個lunch吧, 小朋友的lunch set好精美, 不過最令我好奇既係, 點解杯野發光既?
原來入面有粒會發光既冰粒! 我同哲哲都覺得好新奇, 未飲完杯野已經急不及待伸手拎粒冰出黎睇. 哲哲仲發現到入面有粒星星既啫喱/椰果(?), 又有星又有光, 好似一個小宇宙咁!
哲哲個雞脾餐, 唔洗一陣就食得七七八八lu~~
食飽有氣力, 開始旅程啦! 我地行到去動畫藝術教室見到地下有撒花...
以為係歡迎我地既字眼, 仲諗住叫哲哲訓低影張相, 點知原來係園內有人求婚! 是求婚"will u marry me"的節奏!
wow! 能夠在咁夢幻既樂園入面求婚, 我諗係女孩子一定會既驚且喜, 很感動吧...
「同德仔影張相先!」
特訓前一人一袋「德仔」, 班男仔未開始就已經開始拆入面既小玩意, 係咁貼貼紙同玩小遊戲
特訓正式開始! 入去畫室先搵個靚位先...
跟著繪畫師一筆一筆既教學之下, 畫功不佳的哲哲竟然頗有心機的慢慢畫
即使畫到有d倦, 在旁的畫室姐姐引導下, 最終都能完成自己既「德仔」喇!
小戰隊人人高舉自己既「德仔」, 個個都畫得好唔錯喎!
相比畫畫, 男孩子更鐘意落手落腳製作手工, 繪畫師帶住小朋友設計同製作自己既「德仔」. 嘩, 哲哲即時兩眼發光, 不停苦惱點幫「德仔」上色, 貼咩貼紙去隻紙飛機度
完成lu~ 哲哲第一時間同「德仔」試飛, 都飛得幾遠架
第二個主題活動又開始了! 我們跟住飛航員去到見真既德仔, 一路行哲哲一路問, 真既德仔究竟係點既呢? 迪士尼入面有機場同真既飛機架咩?
第一個任務要將飛機投放入不同分數既目標, 哲哲你既眼界...err...睇黎要再多d特訓先得喇XDDD
另一個任務要班小朋友夾手夾腳砌個模型機出黎, 齊齊合作繞過不同的障礙物, 班男孩子好認真咁你一言我一語「睇住機翼唔好撞到丫」「機頭唔好行太快喎」
完成任務! 同班戰友影張大合照先!
大熱天時玩左兩粒鐘, 係時候抖返陣嘆杯冰凍飲品先! 呢杯係新推出既「芒果都樂梳打」, 上面既雪糕好幼滑, 特別之處係完全無奶既成份, 對奶品有敏感既小朋友可以放心飲用, 爽呀!
pr姐姐帶左我地去玩馳車天地, 超正呀! 平時想玩但見到條人龍真係無晒心機, 今日難得可以試玩, 極速既感覺真係好痛快, 怪唔得哲哲玩完一次話第日一定要考車牌買車做司機囉~
特訓進行到尾聲, 要同pr姐姐道別啦! 黎到「影相位」既城堡前, 樂園今年新增了這些特別設計的頭飾同帽子做道具, 哲哲鐘意高飛, 第一時間話想要高飛帽, 其實bow-tie都好可愛姐, 唔洗咁執著, 笑下啦~
活動完結後, 我地再殺去灰熊山谷挑戰極速礦車!
估唔到哲哲又幾勇敢肯陪我玩bor! 雖然玩真既時有點驚驚青青, 落到黎「影相位」時鬼咁風騷, 不停扮唔同既驚樣要我影低佢XDDD
****************************************************************
相關資訊from disney官網
| 德仔「飛」常特訓 | |
| 價目 | 每組(一位小童及一位16歲或以上的賓客)港幣$1,688*， 每位額外小童港幣$1,088 |
| 名額 | 此團需與其他賓客一同參與，每團最多為60位賓客。 |
| 導賞語言 | 廣東話 |
| 適用日期 | 2014年3月22至23日、29至30日； 4月5至6日、12至13日、18至27日； 5月1日、3至4日、6日、10至11日、17至18日 |
| 啟程時間 | 行程約2小時，於下午2:00開始 |
| 行程包括 |
|
沒有留言:
張貼留言