住在密室裡的魚

apr 25

這晚想吃油麥菜, 油麥菜非得配豆豉鯪魚才行, 於是叫哲哲到超市買. 愛吃魚的哲哲, 竟然不知道什麼是豆豉鯪魚!

說起來也是, 我們絕少吃罐頭, 又貴又無益, 所以哲哲根本不知道一罐罐裡頭裝的是什麼

「哲哲, 你知唔知道世上有一種魚, 佢住o係密室入面架?」

「密室? 密室係咪上次用網球殺人果套, 果間房咩都無果d?」

「係呀, 無門無窗既密室呀」

「下? 乜有d咁既魚架咩? 魚唔係住o係水度架咩?」

「有, 嗱, 條魚就係你面前啦, 你試下搵下啦」

因為不知道什麼是豆豉鯪魚, 所以哲哲亂找一通. 油浸吞拿魚, 沙甸魚, 找來找去就是找不到傳說中密室裡的豆豉鯪魚

「搵到喇!」

哲哲拎住罐豆豉鯪魚嚷著拍照, 細佬見到哥哥咁既樣, 莫名奇妙笑到卡卡聲, 跟著哥哥將手上既檸檬又放頭上一齊影, 呢兩兄弟真係好傻好可愛呢~

回到家, 哲哲很好奇不停叫我快點打開個罐頭想睇下條魚係咩樣. 終於等到晚上, 哲哲親自打開, 驚覺一條$17.9既魚咁細條既?

聞下咩黎先~

豆豉! 賣飛佛~~ 開左罐豆豉鯪魚兩兄弟開始你一啖我一啖咁食d豆豉, 再唔收埋一陣渣都無, 哈哈

是晚煮好豆豉鯪魚炒油麥菜, 我同哲爸食得好開心. 記得細個時屋企煮親豆豉鯪魚, 我同牛姨總會爭住食條鯪魚骨, 脆卜卜, 魚連骨食落肚不知幾好味

當我夾左一條細魚骨比哲哲試試時, 哲哲有點好奇:「骨都食得? 係咪真架?」, 食過之後都覺得好好食, 不過食到魚肉就唔識欣賞喇, 話硬掘掘又有怪味, 仲話豆豉鯪魚咁細條咁怪味都要賣咁貴, 都係鐘意食新鮮魚多d呢~