【裝修】八卦岭馬可波羅。樓蘭陳列室揀磚記

apr 18

既然決定買樓蘭木紋磚, 為怕家合居賣次貨,我們上淘寶商城問清楚樓蘭的官方銷售點, 客服建議我們先到八卦岭的陳列室看, 那裡的款式最齊

一連四日復活假, 我們選擇第一天上深圳, 真係同踩地雷無誤. 出閘塞, 過e道塞, 過關也塞, 就連搭的士都大排長龍. 總共花了個多小時才甩身, 痛苦...

這次我們也是搭的士, 從羅湖火車站乘的士約需rmb27, 因為馬可波羅的旗艦店也在附近(在國安居斜對面啊), 我們先到馬可波羅看看

樓高兩層非常大的一個旗艦店, 可以一次過陳列晒所有磁磚, 價格比樓蘭貴(質量比較好), 看到價錢已經知道不會幫襯了

快步過隔離街的樓蘭, 我們花了點時間去找, 找來找去都找不到一個像樣的入口. 終於鼓起勇氣走入一間很舊的工廈撞撞運氣

430就在眼前, 但大堂水牌卻又看不到有關樓蘭的字眼, 害我們像個傻仔四圍找入口

lift門打開, 嘩...好平實好貨倉的感覺, 和剛才的馬可波羅, 氣派堂皇多位職員服侍遞茶又遞水既感覺差好遠

也許平常是真的沒有人會到來(後來看到有deisgner同師傳到來, 我想一般香港人返大陸買磚應該不會像我們搵得咁徹底吧, 哈哈), 陳列室只亮了部份燈和冷氣, 職員見我們到來, 也沒有多招呼, 只是替我們亮了全個陳列室的燈和冷氣而已

款式真的好多好多, 所有磚都擺晒出黎, 可以睇到實物鋪出黎既效果, 比起家合居那小小的一塊空想像好太多, 在這裡真的有很多不同風格系列的磁磚啊

上次在家合居看中喜歡的款式, 今天再看覺得無甚特別. 花多眼亂, 實在有更多更多的心水, 懊惱了很久, 終於將範圍縮窄為二揀一. 「皇家橡木」這個系列不錯, 遠睇近看都很心水, 這隻啡色有點似古舊的皮沙發, 顏色帶點啡啡黃黃

有很多系列第一眼看就喜歡, 可是再看又覺得不算太鐘意. 「帝皇絲橡」是越看越喜歡, 淺啡同深啡都很喜歡, 個人偏向深啡色, 在此之前我是target淺色木紋磚, 可是這款磚的實物比相片好看太多, 近看質感一流. 職員說這個系列的木紋是高清噴墨出來, 算是樓蘭中比較top的系列, 看看價錢果然和其他系列不一個檔次XDDD 

再三比較, 還是喜歡「帝皇絲橡」. 問了價錢, 見職員沒有打了太多的折頭就走了(當然囉, 陳列室的折頭和分銷商怎能比? 黎集中睇辦好喇!), 只記下了這個系列的型號, 打算回家合居格下價, 再打電話比jack, 睇下邊度平就邊度買

好肚餓! 一路行都唔見有餐廳, 就算見到都烏燈黑火落場唔做生意, 見有間類似「七仔」既便利店就殺入去醫肚先. 好既一餐, 唔好既又一餐, 咁樣食都幾有風味~ 

食飽後, 我們原本打算搭的士, 但下午茶時間在大街截的士很困難, 同一時間有好多人同我地爭的士之餘, 仲要無咩的士兼停都唔停下, 今日睇黎出師不利...等到倦唯有四周睇下可以搭咩車去家合居. 幾經辛苦, 終於等到巴士去家合居

到步第一時間殺上樓蘭, 究竟「帝皇絲橡」呢隻磚擺左係邊呢? 點解上次睇唔到?

地方有限, 溫小姐沒有將這個系列掛在當眼處, 難怪我錯過了! 再次拼回一看, 其實深淺色都很喜歡, 不過我較為喜歡深啡色, 近看紋路比較有層次和質感, 可是擔心間了房後, 大廳完全沒有自然光, 鋪深色會再暗一點(因為現場用了很強的射燈, 所以看上去較淺色), 屋子不大加上深色磚, 怕空間感更差, 另一個考慮原因是隻色太像小強的顏色, 要是家裡有小強, 可能成了保護色看不到吧(別打我!) 

鋪裡還有其他款式啊~

和溫小姐咬價錢, 溫小姐只能減一蚊人仔, 老實說真的有少少失望, 我們想再考慮一下, 於是走到頂層睇燈飾, 打下價做個參考, 再四圍看看龍頭潔具以及五金手抽給自己過一過冷河

睇到大約8:30p.m., 溫小姐打黎話佢地就快收鋪, 想我們快一點下決定落訂, 哲爸認為既然都要買, 早點落訂可以了結一件事. 這晚就落了五百蚊人仔訂, 雖然顏色未定, 但可以稍後電話覆實

呼, 花左咁多時間睇磚, 終於都扑鎚買左全屋佔最多面積既地磚. 今日好充實, 去左好多地方睇左好多野, 返屋企真係要鬆鬆對腳先得...