【裝修】落實全屋電制插蘇位 (day 15)

jun 14

今日約左裝修師傅傾實全屋電制插蘇位, mark位前諗住早d上舊屋, 實地咁傾會清楚d, 點知幾位師傅已經準時開工

哲房門上的分體式冷氣位也做好了, 師傅正在做喉嗎?

襯師傅w未上黎, 影多幾張先

每次見到全屋唯一一排大窗要用牆永久封死就覺得可惜, 廳無左自然光入屋, 個人都無咁醒神, 兩個仔開始大, 始終都係要間返間房比佢地有私人空間, 唯有個廳整多幾盞燈補光

本來想將個熱水爐調個更好既位置, 不過煤氣公司完全唔比郁, 唯有保留原來位置, 馬桶位變相無得郁, 淋浴間同馬桶之間既空位好窄, 師傅w建議馬桶要買個小一點的比較穩陣 

好, 師傅w到, 事前已經同哲爸傾過好幾次, 亦上網睇書參考過很多資料, 電制插蘇位置, 高度同數量有一定既主意, 今日當面同師傅w傾好晒, 唔洗再拖住班師傅開唔到工

電制單蘇$520, 孖蘇$570, 全屋約需33個插頭, 成日聽人講「制到用時方恨少」, 有做多就無做錯, 卻又怕做太多得個擺, 根本無實質需要, 同哲爸再三商討, 哲爸認為足夠, 因為某些地方不需要多做幾個電制, 可以用萬能插蘇解決, 一來慳了錢, 二來也不會見到屋細細但處處都係電制位咁奇怪

有關電制插蘇的概念有以下分享:

• 先用紙筆記列出家裡所有電器, 以及未來要用到的, 才能預算到真的需要多少電制插頭. 不要空想, 特別是廚房和客廳, 往往是想像不到的多. 插頭寧多莫缺, 花錢全屋裝修, 也不想新居入伙後到處都是拖板電線吧
• 預算好插頭的數量後, 還要安排好家具擺放的位置. 留意插頭的位置會否被日後既傢私/電器所阻擋?
• 某些家電如電視, 雪櫃, 洗衣機等等的插頭則可藏在後方, 外觀看上來更整齊, 但也要預留適當既高度及位置
• 先在草圖畫標記, 再到現場用鉛筆直接畫在牆壁上, 看看高度及位置是否適合順手. 畫完後走一圈, 模擬一次日常生活及預料各種情況, 看看是否有實質需要
• 除左針對插頭及開關位置, 另一樣也要考慮的是動線. 動線即是指日常行動路線, 如你從客廳走到飯廳, 再走到廚房. 由房間走到廁所再到客廳等等路線, 因為常走動, 每天都要走上數十次, 插頭及電制的設置擺放會變得非常重要
• 預算同一時間內會使用幾多個插頭, 如在客廳中, 有可能同時開風扇, 用手提電腦及吸塵, 咁就要考慮是否夠足夠的插頭用
• 盡量每個角落都有插頭, 特別是常移動傢私的人, 否則日後會限制了傢私的擺放
• 當所有電制喉位已做好, 請叫裝修師傅比返一份全屋電線圖作為紀錄, in case日後要鑽牆或者拉線入屋都可以知道在邊個位

有關電制插頭我和哲爸是真的想了很久很久才落實, 不知是心理作用還是什麼, 我還是覺得插頭不夠, 要是將來多了什麼什麼影音新產品或房裡有什麼改動, spare出來的就是不夠, 可是哲爸就是說屋子細細怎可能用得著這麼多插頭, 但願真的是我過慮吧~