【裝修】搬屋記 (下)

搬屋後的第一晚, 可能冷氣機太舊(牌子還是national...), 開了幾個鐘還是很熱, 整晚睡不好. 哲哲同細佬反而訓得不錯, 哲哲沒有因為一個人一間房, 訓生保上格床而不慣, 反而好開心晚晚有冷氣嘆, 哈哈

而我和哲爸最開心的, 是晚上兩位劉生在房訓了, 可以好爽咁在廳食薯片睇master chef, 睇到夜一夜都吵唔到任何人~

又忙碌了一整天, 家中的物件還原得八八九九, 淨下來的不會用到就由它吧. 哲哲和細佬很快已經適應了這個家, 識得摷返bowling黎碌返場!

表面上睇好似間屋幾唔錯咁, 住左一晚後陸續發現好多問題...

廁所個洗水盤底漏水, 滴到下面個木櫃濕晒; 廁板無左螺絲上實, 成塊脫落跌出黎; 淋浴間壆位做太矮, 沖沖下涼d水去唔切會湧出不單止, 水流不是斜向去水位, 而是相反的流向大廳

大門既鐵閘鎖唔到, 木門鎖個彈簧老化了, 關門也lock唔實對門, 安全成疑, 屋內完全要靠防盜鏈lock門

還有廳房的幾部冷氣, 開極都唔涼; 廚房個抽油煙杯d油漬核突到嚇死人, 真係想問句, 係咪住左咁多年完全無洗過呢? 上一手唔通幾個月都唔煮飯咁忍得手? 見到黃共黑黑結成硬塊, 極度嘔心, 完全唔想煮飯...唔想動手去清理

諗諗下呢D短租都幾好搵, 吉屋一間咩都唔洗提供, 一次過收晒幾個月既租金唔怕走數, 而且有咩事都要租客自己買料換自己搞掂, 搞到好似黎幫業主維修清潔整屋咁

可幸的是廳中有窗, 光線充足而且間屋很通爽, 入黑後才開廳燈絕對無問題, 天氣熱上黎, 開個窗開大風扇還不算太悶熱. 還有的是, 地點實在太方便, 住在商場的上蓋, 到任何地方都不用淋雨帶遮, 有時落雨帶住大小劉生想落街買野食飯, 都唔洗顧慮咁多咁狼狽

想起即將要在這裡住三個月, 希望舊屋裝修可以順順利利. 過兩天舊屋正式開波拆屋, 要去影張最後的合照留為回憶先!