may 31
多翻考慮, 最後決定餘下既磁磚在家合居的馬可波羅買, 網上既評論大多說馬可波羅既磚質素有保證, 而葉小姐給我們既感覺對磚很熟悉, 而且選擇多價錢平, 所以也不想考慮其他鋪頭/牌子了
廁所
喜歡這隻流水磚的花紋, 打算用作廁所的地/牆磚
我和哲爸一致覺得啡色比較特別, 假如整個廁所的地牆磚都用這一款, 恐防太亂會眼花, 見到店內鋪了灰色水泥牆身既牆磚, 拼上啡色流水磚感覺頗順眼, 於是就決定了這款磚了
廁所牆身, 帶點粗獷水泥的感覺, 簡單得來每塊又有小變化30x60 rmb15 (香港賣$45)
廁所地磚, 哲爸說是行雲流水既感覺, 岩晒用落廁所30x60 rmb17 (香港賣$53)
睡房
睡房有一邊牆近窗, 為怕下雨天的時候窗邊滲水, 我們決定近窗的牆邊也鋪磚, 免得浸濕牆身發霉
反正兩間房都會給床擋住, 所以揀什麼磚都不影響, 本來打算揀最普通最平的白磚算, 不過哲爸喜歡這個樹心的連紋30x60 rmb22, 也就順哲爸意, 用這款磚鋪睡房牆身
廚房
不見光的牆身就用最普通最平的磚, 這款米白色淺紋有點文化石的感覺30x60 rmb15 (香港賣類似既$38)
之前參考了很多書, 廚房通常都用易清潔既淨色玻璃/磚做壁面, 又或者用花磚/馬賽克營造鄉村風的廚房
四月的時候在旺角永佳看到這款西班牙花磚後就念念不忘, 可是價錢太貴了($590/25pcs, 另加$7/pcs鑽石磚), 要砌晒整幅壁面一定超出預算
本來想在馬可波羅揀一款便宜又喜歡的代替心頭好, 可是找來找去都沒有心水, 心大心細想買這款花磚, 最後決定豪少少, 揀左相近的一款花磚來做廚櫃中間的壁面20x20cm $18, 價錢嘛...就當在家合居慳來的錢給我任性一下(多謝哲爸成全~)
除左廚房花磚仔, 其餘一次過在馬可波羅買好磚, 葉小姐可以幫我們聯絡之前買左既樓蘭磚同運輸方面做集運, 價錢仲可以唔洗斷噸起跳tim~
全屋地磚
馬可波羅既木紋磚睇唔岩, 在樓蘭總店睇中了一款高清木紋磚「帝皇絲橡」. 越看越喜歡, 淺啡同深啡都很喜歡, 個人偏向深啡色, 職員說這個系列的木紋是高清噴墨出來, 算是樓蘭中比較top的系列, 看看價錢果然和其他系列不一個檔次XDDD
回到家合居, 最後揀定右邊較深的顏色200x1000 rmb27 (香港賣$55). 溫小姐價錢企得很硬, 只減了一蚊給我們, 後來我們發覺原來在馬可波羅買仲平多dd tim!
終於落實全屋磁磚, 先付一半訂金落單, 餘款在送貸的時候連同運費交給司機. 所有磚隨時都可以送價, 和葉小姐交帶好六月中就可以運送到家了
好期待! 歷時幾個月既睇磚活動可以告一段落, 希望d磚順順利利, 無崩無爛無比錯咁落黎香港~~
小小分享:
- 以我為例, 在家合居睇過d鋪頭同磚後, 一心決定在家合居馬可波羅買磚, 先到香港旺角的馬可波羅睇睇有邊款磚岩心水(當然香港既磚無家合居咁多款, 但可縮窄範圍揀左心水先, 上到去再有心水先再衡量要邊隻), 問左價錢同所需既尺寸後, 可以既就影張相, 抄低型號同size(不過型號有可能係自己鋪內部定, 不是官方的), 或者拎一小塊樣板. 上到家合居比葉小姐望望, 通常葉小姐都可以話到你知係邊款磚同幾錢. 咁自己再睇下有無更合心水既磚, 無就可以直接幫襯葉小姐, 慳返d揀磚時間
- 件數方面最好在香港叫裝修師傅幫你計定, 唔好完全信晒大陸既鋪頭職員, 有可能計錯數, 萬一出入太多, 補磚/退錢比較麻煩, 所以最好叫師傅計定, 好讓心裡有個預算
- 家合居可以刷卡(銀聯)或付現金, 職員有可能游說你付全數, 要保障自己緊係先付一半先, 餘款等貨到叫裝修師傅即場每盒抽幾塊磚驗, 驗過無問題先比
- 揀定左心水款之餘, 最好再睇多一兩款做後備, 點解? 我們揀的米白色廚房不見光磚, 落單後幾日收到葉小姐電話, 說批磚趕唔切運落黎, 叫我們轉款. 我們不會為了區區一款磚上多大陸一轉, 幸好之前有睇定幾款, 再到旺角馬可波羅影張相send比葉小姐, 隔空揀款改單, 最後轉左一款差唔多紋理同價錢既米白色磚
- 家合居既價錢都企得好硬, 買得多通常象徵式面價減多一蚊半毫. 感覺上面既職員好清楚香港賣磚既價錢, 所以唔好預殺價可以殺得太多
- 香港賣磚既鋪頭, 通常會sell左有牌子磚既先, 因為熟知香港人要穩陣信牌子既心理, 相反, 大陸會sell左你特價雜乜牌子, 因為利潤最大. 個人認為要清晰鎖定, 非大陸名牌樓蘭/馬可波羅不選, 但要有心理準備, 比起平到可以個位數既雜乜磚黎講, 有保證既樓蘭/馬可波羅磚起跳至少廿蚊人仔. 就算同款, 都會分左優等同次等, 所以落單時要確實(以及送貨包裝盒上)係優等/AAA磚
- 最後個人認為實用面積少於400呎既都係香港買算, 運費上樓費, 周旋嘔血既時間, 車錢, 搵磚時間都係成本, 除非返大陸買勁平果d, 不過就算有大家都應該唔敢買...
沒有留言:
張貼留言