【裝修】砌牆完成 (day 14)

jun 11

今日出席哲哲畢業禮無時間去舊屋望望, 早兩日明明仲未有野睇, 今晚上去原來已經砌好兩間房中間既牆, 而廁所牆都砌得七七八八了!

眼見磚與磚之間都填得幾密, 只係有少少窿, 即晚問師傅點解填唔滿係咪有咩原因, 師傅都有解釋同叮囑班兄弟補補返d英泥 

jun 13

又隔左日, 送完哲哲返學, 諗住朝早師傅唔係度可以上去慢慢睇下有咩執, 點知九點鬆d兩個師傅就已經開緊工, 咁勤力真係讚丫~

廁所內外牆塗上了一層厚厚既不知名物料, 唔知果d係封牆既英泥還是防水料呢? 已經再三叮囑師傅要加多幾層防水, 因為背面就係沙發牆同哲哲放衣櫃既牆, 都怕防水做唔夠第日會潮濕發霉

原來的天花燈位師傅幫我們依整個廳取個中位, 不過我們想飯廳的燈位想再移出少少, 這天上來看到師傅已經重新整理過了

本來想問師傅, 不過細佬在場搞搞震, 場內咁多利器機器仲咁大塵, 要睇住佢都唔易. 其實心裡還有好多疑問, 師傅依家做緊到咩工序呢? 師傅鋪英泥用既料係d咩? 防水又會塗幾多層? d牆咁快起好, 會唔會唔穩陣好易裂? 仲有d喉又係咩喉?

自己唔識又怕問咁多好似「叉能全」班師傅會唔喜歡, 哲爸又晚晚做到好夜唔得閒上舊屋視察, 只靠哲爸一星期上一日去望細節野, 都怕睇漏恨錯難返. 現在每日都只能上黎望兩望, 拍幾張照update下哲爸個進度, 放低飲品比師傅飲用就算

有三個月足夠既時間比師傅慢慢做靚佢, 要對師傅有信心!