再到兒童探知館

aug 6

尋日和朋友仔完左最後一天的小學適應課, 結伴到沙田的香港文化博物館搞搞震~

夏熱天時, 除左游水同去展館(主要是有冷氣, 嘻嘻), 真係無咩好去. 剛好今天星期三, 當然要把握免費入館的優惠, 得半日時間, 去科學館肯定唔夠時間玩, 決定吃完午飯出沙田可以慢慢玩個夠

雖然是平日, 但暑假撞上星期三, 人潮一點都不少, 今期主題展館做「請坐。請坐」的椅子活動, 也有宮崎駿動畫手稿展, 想睇都要大排長龍, 唯有先到兒童探知館玩

形形色色既櫈, 唔知哲哲最鐘意邊張呢? 我就最鐘意果張「送藥必吃的陳皮梅」櫈, 覺得好特別

哲哲來過好幾次, 都不怕人多和朋友仔自己玩了. 細佬同朋友仔第一次來, 見到所有東西都很新奇, 唔洗齋睇有得落手玩, 不知幾開心!

「嘩, 好重, 好重」

「媽咪, 請你食農村既餸丫」

一個扮店小二, 一個扮鄉民, 入型入格!

懷舊玩具館入面仲有好多兒時既玩意, 咁巨型既棋, 哲哲好好奇問我點樣玩, 象棋我就識, 呢款我唔識bor...

襯哲哲同朋友仔玩巨型飛行棋時, 我同細佬去玩其他野, 比較靜態既玩意哲哲通常都無興趣, 掂兩下就走, 反之細佬比較有耐性會嘗試, 兩兄弟性格真係好唔同

細佬見到蜻蜓對眼有萬花筒效果, 驚到唔肯揸住黎影相, 好細膽XDDD

哲哲好比心機砌緊隻怪鳥. 點解係怪鳥? 因為一個身有兩個頭囉=.=

「細佬, 襟多幾下啦, 聽唔到雞仔聲喎」

一開始細佬唔肯入呢個魚缸度, 見到要捐入又黑又窄既隧道, 屎都唔肯入, 後黎見好多小朋友, 又有我陪同之下先肯入. 可以見到佢最鐘意既紫藍色魚魚游得咁近, 好開心好興奮!

樓上開左李小龍展館咁耐都未有時間去睇, 今日順帶入去望望, 估唔到細佬比哲哲更喜歡功夫, 眼都唔眨咁睇住d片段, 出到黎仲示範點樣踢點樣打壞人tim! 等你夠三歲即刻捉你去學功夫先!

除左李小龍展館之外, 仲有個粵劇館. 朋友仔年紀細細卻對粵劇有興趣, 本來以為入面會好悶五分鐘走人, 點知班馬餾係入面竟然都玩左成個鐘, 究竟佢地玩d咩呢...?

有個類似wii既感體遊戲, 揀左自己喜歡既粵劇角色, 個公仔就會跟住你黎移動

企定定幫你化妝先~

幾個傻瓜就係咁都玩一大餐, 不過見到花旦or文武將咁威武嬌俏既造型比佢地既古靈精怪動作搞到咁好笑, 又真係幾搞鬼既XDDD

路過, 哲哲話自己好似個巨人咁~

宮崎駿個展館好多人棒場, 可惜哲哲不是太認識, 如果唔係都想入場見識一下~

吃完晚飯, 又到玩具反斗城運吉之後, 個個都玩到上足電返歸囉, 仲有一個月既暑假, 繼續玩, 唔好停!