唉...勁黑仔, 6月生平第一次入院做手術洗左17K, 但公司同自己份保險都claim唔足, 只係claim返around 10K, 點知無啦啦傷風都要入院住幾日, 咁又唔見左7K la~~話說病左個幾禮拜, 原來自己一直發緊高燒但自己唔知law, 有生以來第一次吊鹽水, 好痛呀, 而且仲感覺到D冰涼感覺逐少逐少湧進體內, 感覺好怪...
不過開心既係住院時, 咁耐冇見民祥, 佢打比我話來睇我, 我以為佢講下jer, 點知佢真係來, around 7:15p.m.我食完飯休息緊, 就有個男仔好快咁衝左入房, 哈, 佢真係來睇我, 估唔到咁耐冇見, 4年多了, 之前約極都不了了之, 再見返面時, 竟然係醫院!! 但開心既係佢好有心啦, 7點幾陪我陪到10點幾呀, 仲買左好多雜誌比我, 佢話依家D雜誌咁多廣告, 一本唔夠wor, 所以有咩雜誌佢都掃左比我...好細心呢~~
之後醫生話我有乙型流感, 要隔離wor, 迫我入獨立房, 悶死我啦!!搞到仲住左2日, 我以後都唔想再入院, 咁辛苦又悶又貴!!
不過我真係唔想再病落去, 我要好返, 我要身體好呀!!!
