sep 29
不經不覺, 歷時一個月的「Canon IXUS 咔嚓童盟」拍攝終於完結, 曲終人散, 真係有點捨不得...
雖然大家只是相處了一個月的時間, 但小童盟一個個都很可愛又乖, 一星期拍一兩次, 每次見到他們玩得挺熟絡, 覺得有d似拍「愛回家」既感覺, 哈哈
2013年9月30日 星期一
2013年9月29日 星期日
【備戰升小】自行收生
sep 27
終於收到了, 是時候要作出抉擇了. 究竟要揀一間必入但不算最心儀的, 還是揀一間很喜歡卻又機會很微的學校呢?
經過這幾個月的時間, 不停的思索怎麼樣的學校最適合哲哲? 每一次得出的決定都在推翻自己前一刻的想法
我自己本來不是太著重升中派位這方面, 主要是近屋企, 校風純樸, 老師有愛心耐性, 學生質素不太差, 學術中上, 帶點活動性比較適合哲哲, 大熱既不敢揀, 所以心裡一直意屬雨川, 而且這所學校也是哲爸的母校, 無宗教背景下, 在區內算是次熱, 手執廿分校長說穩入
身邊有部份朋友和舊同事都在這區長大, 不約而同大部份都出身於沙田中的名英中, 小學也是有名的那幾間, 所以她們異口同聲都建議, 無論如何都要揀馬主, 沙呂, 培基的來讀, 為的當然是很優越既升中派位
反覆思索, 就算馬主我有廿分, 前面還有一大堆廿五分同我爭, 雖然校風嚴謹重紀律是我杯茶, 但這麼催谷的學校, 不知道哲哲受不受, 要是自行不入, 大抽獎自問無命水, 一派派到第八九個志願隨時有我份, 叩門更是零把握, 如此冒險還是放棄了
馬循是最心儀的, 可是我們只有十五分, 更是無望
想來想去, 還是堅定自己的意願, 選雨川吧. 哲爸說雖然雨川派位很一般, 但起碼自行穩入可以定一定個心, 這半年時間盡最後努力裝備哲哲, 最後階段能叩門既就叩, 叩不成就隨緣, 起碼雨川在本區好歹也算是頭三四熱門小學
要不就再花一年時間, 升小二再到處叩門, 不過太長遠了, 或許到時哲哲真的讀得不錯又識到新同學, 他自己也不想轉校吧
既然如此, 別再多心想其他, 我相信雨川會是一所好學校, 能給哲哲順利過渡小學生生涯
2013年9月28日 星期六
【新加坡親子自由行】day 2: singapore zoo
aug 28
這天的行程到北區的singapore zoo, 因為地點鄰近我們的house, uncle john同auntie alice(奶奶的朋友)很客氣的車我們前往, 所以比較有充足既時間在樓下的餐廳吃早餐
在超市買飲品時, 看到「三色益力多」(SG7.5), 在當地才有的特別口味, 所以買了一排來試試
2013年9月27日 星期五
2013年9月26日 星期四
【奶媽日記】抗體, 請賜我力量!
sep 17
餵人奶的關係, 一直來細佬都比較少病, 發燒既次數, 往往都是打針後才發出來, 至今是四隻手指都數得出, 就算作病狂打乞次, 餵密d, 不用吃藥, 都可以兩三天自然痊癒
細佬一歲後轉了早晚兩餐奶, 自覺奶量比以前減少了, 每次啜啜的時候, 很快就軟扒扒, 然後就有點懷疑, 夠不夠奶供應之餘, 我的抗體有少到嗎?
終於細佬這早打完歲半針, 中午過後就發燒, 一燒就燒了六日. 以往都沒有睇醫生餵藥水, 這次因為燒太厲害, 所以還是乖乖給了藥
病了, 變得特別痴人, 就算正在發燒熱辣辣也要痴住爸爸訓
2013年9月25日 星期三
【新加坡親子自由行】day 1: 夜觀marina bay sands wonderfull show。merlion park
aug 27
從house出發到city hall, 朋友之前給的ez-link卡可以出場啦!
一開始我們沒有為哲哲買張小童卡, 所以就散買一次車票, 新加坡的MRT很方便, 看圖示連哲哲也知道怎樣買
「Canon IXUS 咔嚓童盟」見報啦!
sep 22
上星期canon錄製外景節目時有蘋果日報的記者來採訪, 這天報導出街啦, 一早就有朋友whatsapp告知蘋果的動新聞及副刊見報, 於是第一時間走落街, 買返份報紙睇下先!
2013年9月24日 星期二
怪獸都市
(本文內容偏激, 如果你發現疑似講緊你你你抑或你, 請勿對號入座, 不喜勿插)
一到開學的日子, 四處都有家長為子女報名面試n班, 近日雙重夾擊, 還要操心哲哲升小的事宜. 報名報名報名, 排隊排隊排隊的資訊四方八面地洗版:
訓街排通宵遞報名表, 限收四百份, 每份表mark上號碼次序來顯示你對該校既「誠意」;
傳聞某幼稚園分國際班和本地班, 選擇國際班每月比多一千蚊學費可優先享用新玩具及較大規模既課室資源, 玩夠用淨先輪到本地班, 即使月費八千仍大有人讀
歲半人仔面試三國語言仲要識講自己全名, 本應k1才學的東西認讀a-z 顏色分類揸筆書寫推前至歲半面試就要做到, 為既就是要挑選精英之中既精英;
報十間面試算少了, 報夠二三十間, 全港九新界儲齊一set application form還要是親身交表格才是常理;
識人好過識字, 有熟人搭路拍肩頭, 話之你走後門, 面試過程喊足全場, 申請表格眼尾都無望就叫你比留位費確認學位;
因為想增加入心儀小學的勝算, 現在受洗既受洗, 準備信主既信主, 為求兩三年內盡快成為主既兒女;
種種荒唐, 究竟係有怪獸學校先定有怪獸家長先? 返學求知識, 現在反成了先求知識再上學, 這是什麼道理? 那我還要上學老師教什麼?
本來還在好奇這些名幼稚園有什麼過人之處, 了解過這種種變態教學理念及處事手法, 絕對可以講byebye了
某d家長幫子女報了一間返上午班的幼稚園, 因為比較催谷, 所以決定再報另一間較為活動既幼稚園作中和, 返兩間學校, 個多小時的放學時間在車內換校服食午飯再返學, 真的是中和嗎? 小朋友真的夠精神學習到, 會愉快嗎?
先別說細佬「贏在起跑線」這一話, 明顯已輸在起跑線的哲哲升小一事更令人鬱悶
本來一心的打算入讀某小學, 哲哲既底子有多少, 我們心裡都很清楚, 七十分的小孩揀八十分學校, 有進步空間之餘又不會太打壓學習既信心及能力, 可是總有人你一句我一句: 「你果間升中派位唔掂喎, 只有xxx和xxx才是一等一的好學校, 讀我母校啦, 好野黎架」「你讀呢類學校, 將來入唔到好既中學, 入唔到好既大學, 無份好工...」「唔襯細個谷勁d, 第日中學唔受谷架喇」「功課多d深d好, 等佢地無時間鬆懈無得出街學壞丫」
望子成龍, 為人父母有邊個唔想? 可是自己的孩子有多少斤兩, 做娘的很清楚, 不是勉強催谷入讀名校對孩子就是好; 再者我也不認為讀唔到名校會世界未日
某雜誌專欄說得好:「整個社會既文化都講求競爭力, 甚至投射在教育及對小朋友的期望上, 要求他們成為某類精英學生, 評估制度比較單一, 似乎要同一個模倒出來的才算合格. 孩子不是倒模出來, 每個小朋友都有自己既特質優點, 當孩子無法達到大人預期既期望, 會漸漸失去自信及自學能力, 潛質亦無從發揮」
依家既學校, 現今既家長, 似乎重視小朋友學術成績多於身心發展, 放長雙眼睇, 就算將來成績幾好, 高薪厚績, 但高分低能, 要不就精神焦慮, 都是這個社會做成的
慢的教育, 似乎和香港還有一段很遠既距離
2013年9月23日 星期一
2013年9月21日 星期六
【新加坡親子自由行】day 1: 我們的住宿。上網卡。travel agent買套票
aug 27
坐了四個小時飛機, 終於來到新加坡了
聞說樟宜機場是五星級機場, 可惜來到的時候太忙於會合朋友, 走的時候又差點上不了機, 完全沒機會好好了解一下!
2013年9月20日 星期五
星期三之友一聚 @清水灣游水
jul 14
夏日炎炎, 約埋班朋友仔去大清游返轉先!
這幾天落大雨, 出發前都擔心水質多垃圾, 又怕水太冷, 可是難得約好了一起游水, 所以心口寫個勇字, 游左先講啦!
2013年9月18日 星期三
【新加坡親子自由行】day 1: 機場出發
aug 27
終於到左出發既日子啦, 相隔兩年再搭飛機, 莫講哲哲, 我自己都好興奮! 準時九點到達機場, 先找jetstar的counter check-in先!
大家有無發覺張相出什麼問題嗎?
2013年9月16日 星期一
2013年9月15日 星期日
【新加坡親子自由行】行程。準備
這次奶奶請我們一家大小去旅行, 心情著實非常興奮, 地點是我們從來沒計畫過的新加坡. 新加坡以往給我的印象是人很親切, 樂於助人, 地方乾淨(特別是廁所乾淨又無難聞氣味, 讚!), 是親子遊的好選擇, 但無咩特色, 很悶似的. 朋友的意見也是好壞參半:
「下? 新加坡? 無野玩無咩地方行咋喎, 四日咩都夠啦」
「上次我去新加坡玩五日都唔夠喉, 你地至少都要去過五六日, 唔係唔夠時間玩晒咁多野丫」
「依家去新加坡紙水好貴喎, 果度無平野架, 食又貴, 住又貴, 連搭車錢都貴過人! 咁既價錢去轉日本啦」
網上略略看機票及酒店的價格, 嘩, 真的是一點都不便宜, 暑假旺季去價錢更是搶錢, 要不是奶奶的同事取消大假可以延遲個多星期出發的話, 原來的日子只是來回機票都要過三千蚊一個人(小童同價), 好嚇人!
2013年9月12日 星期四
「我們這一家」的信用卡
咁靚既信用卡, 又點捨得用黎日碌夜碌呢?
早陣子哲爸收到銀行寄來的信, 提醒信用卡即將過期要更新了, 這張信用卡其實一直收起沒用, 不過看到可以自訂信用卡卡面, 換上自己家的相片, 就算卡不用, 留來紀念也好啊, 於是就在一大堆相中找尋最適合的一張
哲哲和細佬合照不多; 放獨照又好像太孤單, 找來找去, 家庭照放在卡面不是被擋住樣子就是整個設計不好看
最後, 我們用上這張合照, 效果果然很好, 很溫情的感覺! 前後一星期左右就收到卡了, 質素算不錯吧, 始終不是相紙印刷, 有小粗粒是在所難免
2013年9月11日 星期三
2013年9月10日 星期二
「Canon IXUS 咔嚓童盟」。正式開鏡了
終於正式開拍「Canon IXUS 咔嚓童盟」, 拍攝的內容主要分廠景同戶外拍攝, 第一次的拍攝在黃埔某所學校, 原以為好似上次拍硬照家長可以入內觀看, 去到才知道家長只能門外等, 一等就六小時, 這些時間真的不好打發
襯放break的時候入去瞄瞄, 嘩, 怪唔得哲哲話拍得好開心, 咁多野玩, 六個鐘不停玩真係開心到不得了~
2013年9月9日 星期一
戶外活動搵仔恩物: 無線對講機
自從哲哲有了新單車之後, 每次踩單車我和細佬都要人肉摩打緊追著, 踩太遠找不著哲哲怕危險, 要哲哲慢踩幾步停一停又沒趣, 每次踩到老遠我都要嗌破喉嚨的叫哲哲在哪裡等我, 非常累人
行山人士會用無線對講機方便對話及知道彼此的位置好照應, 用於哲哲身上, 即使哲哲踩到老遠不見人影, 我們也可以憑對講機和哲哲對話啊!
因為不熟識無線電對講機的東西, 於是請教愛行山的伯伯幫我們買了兩部回來. 經伯伯調教好頻道之後, 在家, 大堂走廊反覆測試過後, 這天正式落街試用, 睇下係咪真係有用先
2013年9月8日 星期日
【奶媽日記】倦...
sep 6, 2012
自從有了細佬之後, 成家人既關係變得很緊張. 細佬經常喊, 扭埋身啜啜, 我又因為倦, 無時間理會哲哲心理同生理需要, 功課亦跟唔好, 倦到陪唔到哲哲玩, 令哲哲既行為有問題. 以前訓前做人肉奶嘴細佬都可以訓到一兩個鐘, 最近細佬要邊啜邊訓, 奶嘴, 牙膠細佬都不要, 成晚宵夜自助餐, 只要一離口就即喊
試著日間塞安撫奶嘴, 可是啜兩下就bu出來不要了...
呢晚反反覆覆的啜到清晨五點仍未熟睡, 很倦, 哲爸亦很埋怨我, 餵人奶加上細佬訓覺的壞習慣令我承受很大的壓力, 但我可以點呢?
2013年9月6日 星期五
【新加坡親子自由行】序
amazing summer最後一擊 - 趕在開學前舉家去新加坡爽過六日五夜!
七月中的時候, 麻麻說想襯暑假想請幾天假陪哲哲四處玩, 還在問我哲哲那天比較得閒, 收線不夠半個鐘, 麻麻再打來說想帶哲哲去旅行, 機票也hold了, 只待我們商討旅程的日子及辦證件的事
好驚喜! 多謝麻麻出錢請我們去旅行!
地點, 麻麻一早選定新加坡, 就算稍為超預算也不作他選, 落實機票之後, 我們第一時間為細佬辦證件, 到旅行社取資料參考及訂酒店制定行程云云
2013年9月5日 星期四
2013年9月4日 星期三
細佬第一次影證件相~
jul 16
當計畫八月會去旅行的時候, 我們第一時間為細佬拍證件相辦護照
自己在家影怕規格不合資格彈回頭, 所以還是到就近的影相鋪影. 方便起見, 這次連同回鄉證的相也一起做
去到影相鋪, 我先坐下讓師傅幫我影幾張, 給細佬看看我們在做什麼, 稍後到細佬坐定定的時候果然很乖很合作, 只是表情有點不知所措, 又擺出那副「天然呆」的o嘴樣XDDD
挑了幾張, 來來去去都是這個「大口青」的模樣, 笑一下咁難咩...
2013年9月2日 星期一
一百個斷片moment (不日更新)
初一小時候不怎麼睡, 中午不睡, 晚上也不睡, 偶爾等到他間中一睡簡直是天大的恩賜(因為我可以歇歇了!). 不記得從何時開始, 初一有了突然「斷片」的情況
先來一些小兒科先:
sep 6, 12. 這張相應該是困他在bumbo chair度, 轉個頭就看到他睡著了. 對當時來說, 簡直是難得的情況, 本來在床上不輕易睡的細佬, 竟然在床以外的地方會睡著, 神奇啊!
訂閱：
文章 (Atom)