小一適應週

還有一星期就畢業了, 最近學校開始融入小一要學的東西給k3生, 先是學寫備忘錄:

看黑板抄寫方面, 還算過得去吧, 總算沒有抄漏

【裝修】落實全屋電制插蘇位 (day 15)

jun 14

今日約左裝修師傅傾實全屋電制插蘇位, mark位前諗住早d上舊屋, 實地咁傾會清楚d, 點知幾位師傅已經準時開工

哲房門上的分體式冷氣位也做好了, 師傅正在做喉嗎?

產品試用: Electrolux全新第五代Ergorapido二合一無線吸塵機 (上)

上星期好興奮的收到Electrolux伊萊克斯既邀請, 出席全新第五代Ergorapido二合一無線吸塵機既發佈會及產品試用

最近家裡大裝修, 即將要添置不少新的家電, 稍為網上搜尋一下都已經知道Electrolux的大名, 現在可以率先試用, 想也不想就答應了

【裝修】砌牆完成 (day 14)

jun 11

今日出席哲哲畢業禮無時間去舊屋望望, 早兩日明明仲未有野睇, 今晚上去原來已經砌好兩間房中間既牆, 而廁所牆都砌得七七八八了!

眼見磚與磚之間都填得幾密, 只係有少少窿, 即晚問師傅點解填唔滿係咪有咩原因, 師傅都有解釋同叮囑班兄弟補補返d英泥 

3rd studio album @FACE Lifestyle Icon

jun 17

又團購影相了! 孩子大得快, 所以想九個月至一年都影家庭照留來紀念, 看看孩子成長的變化, 這次我們又到FACE studio影相

先來家庭照:

防曬推介: Elta MD有色防曬

春夏轉季的時候, 一時懶惰, 有天洗完面後發現臉上又出了幾顆斑, 真可惡! 試過搽其他牌子的防曬, 不是太焗身生粒粒, 就是太水狀不夠保護, 搽了還是繼續出斑

有位對美容很有心得的朋友介紹一隻醫學美容的防曬產品 - Elta MD, 還說她五歲的女兒也有一起使用, 見價錢不貴($190/85g), 於是也買一支來試試

【裝修】落實全屋牆地磚 @田貝四路家合居

may 31 

多翻考慮, 最後決定餘下既磁磚在家合居的馬可波羅買, 網上既評論大多說馬可波羅既磚質素有保證, 而葉小姐給我們既感覺對磚很熟悉, 而且選擇多價錢平, 所以也不想考慮其他鋪頭/牌子了

廁所

喜歡這隻流水磚的花紋, 打算用作廁所的地/牆磚

【裝修】樓上廚廁漏水。準備砌牆 (day 9)

jun 6

幾日紅日後, 一早就收到裝修師傅電話, 廁所同廚房更花又滲水, 今日上返舊屋度睇下咩情況

師傅話呢個位滲水, 估計係樓上去水位積水後慢慢滲漏到我們單位

明顯睇到滲水滴到下面塊木板有水漬

言語治療要告一段落...

may 29

由一個月一次, 變兩個月, 跟住係三個月再到五個月一次, 前後總共上了五六堂, 見哲哲的進步不大, 都有預感今堂會是最後一堂, 如同細佬之前見兒科同營養科一樣, 始終政府既服務都是有限期的

哲哲的問題在於發「g」同「k」音, 喉嚨同舌頭唔識得向後壓低, 即使用雪條棍幫手也會讀錯其他音. 有時叫哲哲慢慢讀, 張大口讀, 十次有兩三次會疑似讀岩, 但更多時是完全發唔出正確既音

叫哲哲望清楚個口型, 聽清楚個發音, 重覆讀多幾次, 但哲哲根本就聽唔出自己有咩錯, 進度同大半年前初見治療師一樣, 沒什麼進展

治療師說哲哲快將升讀小學, 可以幫我們寫信, 好讓日後在學校排期申請言語治療服務, 在我看治療師覺得哲哲進度緩慢, 需要騰空位子給其他正在排期的學童吧

【裝修】八卦岭馬可波羅。樓蘭陳列室揀磚記

apr 18

既然決定買樓蘭木紋磚, 為怕家合居賣次貨,我們上淘寶商城問清楚樓蘭的官方銷售點, 客服建議我們先到八卦岭的陳列室看, 那裡的款式最齊

一連四日復活假, 我們選擇第一天上深圳, 真係同踩地雷無誤. 出閘塞, 過e道塞, 過關也塞, 就連搭的士都大排長龍. 總共花了個多小時才甩身, 痛苦...

這次我們也是搭的士, 從羅湖火車站乘的士約需rmb27, 因為馬可波羅的旗艦店也在附近(在國安居斜對面啊), 我們先到馬可波羅看看

【裝修】裝修第一擊。清拆全屋舊有間格 (day 2)

may 26

約左裝修師傅九點上黎, 交低大門鎖匙, 睇住班師傅在動土位動工, 開工大吉! 正式開波裝修啦!

開工前一天回舊居再看一次有沒有什麼遺漏(始終都搵唔返細佬整唔見左兩張主要既SD卡, 唉, 幾個月既相無了), 然後拍照留紀念~

小照片, 小故事

又是時候貼貼相, 說些生活話...

2012年, 細佬出世, 由醫院回家的第一晚, 哲哲在家等我們好久了. 第一眼看到細佬, 感到很新奇, 坐在這張小沙發和細佬影第一張兄弟相

2014年, 我們家要裝修了, 這張小沙發哲哲坐了五年, 早已殘舊不堪, 在最後的一天哲哲和細佬留張合照, 然後和這張小沙發說再見喇...

畢業禮在即...

下星期學校畢業禮, 哲哲最近時常唱著表演的歌:

〈良師頌〉

「成長的我 時有挫敗

內心苦惱 難覓曙光

誰令我開懷 更在我身邊

多番勉勵 燃亮了我...」

聽著真的感慨良多, 剛好最近常常被哲哲惹火, 聽到歌詞反思了自己對哲哲太苛刻了, 其實我是真的不止想做哲哲的父母, 更想做佢人生路上既良師益友

忍不住好奇問了哲哲在表演中擔當怎麼樣的角色, 哲哲說自己是一隻羊, 一隻無對白只係訓o係度既羊, 呢隻臭豬, 仲好興幸自己無對白無走位, 咩都唔洗做可以訓覺咁舒服, 哈哈, 貫徹佢一向hea爆既作風XDDD

【裝修】搬屋記 (下)

搬屋後的第一晚, 可能冷氣機太舊(牌子還是national...), 開了幾個鐘還是很熱, 整晚睡不好. 哲哲同細佬反而訓得不錯, 哲哲沒有因為一個人一間房, 訓生保上格床而不慣, 反而好開心晚晚有冷氣嘆, 哈哈

而我和哲爸最開心的, 是晚上兩位劉生在房訓了, 可以好爽咁在廳食薯片睇master chef, 睇到夜一夜都吵唔到任何人~

又忙碌了一整天, 家中的物件還原得八八九九, 淨下來的不會用到就由它吧. 哲哲和細佬很快已經適應了這個家, 識得摷返bowling黎碌返場!

表面上睇好似間屋幾唔錯咁, 住左一晚後陸續發現好多問題...

廁所個洗水盤底漏水, 滴到下面個木櫃濕晒; 廁板無左螺絲上實, 成塊脫落跌出黎; 淋浴間壆位做太矮, 沖沖下涼d水去唔切會湧出不單止, 水流不是斜向去水位, 而是相反的流向大廳

大門既鐵閘鎖唔到, 木門鎖個彈簧老化了, 關門也lock唔實對門, 安全成疑, 屋內完全要靠防盜鏈lock門

還有廳房的幾部冷氣, 開極都唔涼; 廚房個抽油煙杯d油漬核突到嚇死人, 真係想問句, 係咪住左咁多年完全無洗過呢? 上一手唔通幾個月都唔煮飯咁忍得手? 見到黃共黑黑結成硬塊, 極度嘔心, 完全唔想煮飯...唔想動手去清理

【裝修】搬屋記 (上)

may 23

不得不說, 女人真係強, 兩個女人仔, 帶住兩個細路, 一個接返放學, 一個留家繼續最後努力執屋pack箱, 由早到晚無停,  幾個鐘內將間屋還原得七七八八, 真係唔講得笑

約左今日下午搬屋, 因為上午還要帶哲返學彩排畢業禮, 唉, 屋企仲有好多濕星野未執, 時間一點一點的溜走, 開始有d擔心執唔切

本來約搬屋公司兩點半, 好等接完哲哲放學食完lunch先開波, 點知搬屋公司提早到來, 唯有奶奶先帶住細佬接哲哲, 我留守家中等候. 時間到, 仲未執好晒野, 搬屋公司的五位大漢已經殺氣騰騰咁分頭行事, 有位師傅見我仍努力入箱中, 問準我幫手摺箱將我d雜物pack好搬走. 三兩下省手, 屋企所有箱同大件傢私都移走了

自己屋企影靚相 (二)

早幾日應承幫朋友拍初生bb照, 在櫃桶找回毛毛氈冷帽仔, 諗起以前同細佬係屋企影過d造型照, 襯今日陽光唔錯, 心血來潮和細佬影返幾張先!

半歲時既細佬成個呆佬無黎表情, 依家識擺chok樣囉XDDD