無妄之災

這早發生了一件極不快的意外, 中午的時候和牛姨哲哲一同到樓下商場準備吃午餐, 正要打開商場的大門時, 突然有位三十來歲的男子走在我們前面拉門, 既然有人拉門, 我們三個「嬲」字的平排在男人身後等開門

男人用不合情理的蠻力出力拉, 我隱約意會到力度之大, 在後面暗叫不好, 一眨眼男人猛力拉開後就閃身入商場, 我和牛姨來不及反應去擋住大門的去勢及拉開哲哲, 高度剛剛好, 大門重甸甸的雲石扶手正正撞到哲哲雙眼

「嘭!」

孝順仔

「媽咪, 你睇下架車, 幾靚, 我想同佢影張相丫」

「好丫」

「媽咪, 第日我大個仔我會賺多d錢, 買架靚車接你同爸爸去街返屋企, 好無丫?」

哲哲, 媽咪好開心你咁孝順識話買架車載媽咪爸爸, 希望第日你長大時唔會買架「趕絕外母型」既兩座位跑車去追女仔而唔理阿爸阿媽啦~

魔術先生

最近哲哲喜歡上聽周杰倫的歌, 每晚總要睇過其mv才心安

一直都知道哲哲對細節很認真, 觀察力強, 某晚哲哲正在和哲爸唱陽光宅男的時候, 見到檯上有副uno, 即興地做了以下動作...

https://youtu.be/wFoACgFqUO4

我之前沒有看過mv, 當時不知道哲哲做什麼, 但哲爸卻笑爆肚了!

這個魔術先生的mv哲哲才睇了兩次, 而這一幕也只是出現了兩次, 這樣細微細眼的動作也給哲哲記住了, 開始想禁制不準哲哲看陽光宅男的mv, 特別是最後分幾鐘的片段...

最後送上哲哲每晚必聽的彩虹, 聽得多哲哲也懂唱chorus「當作我最後才明白」

有次爸爸興起唱這首歌的時候, 哲哲很驚訝爸爸懂得唱, 看著爸爸的眼神就像看到周杰倫現場唱一樣, 連爸爸心裡也有種(傻瓜的)虛榮感, 當正自己是周杰倫, 越唱越起勁呢~

挑戰uno classic

這陣子哲哲非常喜歡玩thomas uno, 幾乎每天都要玩好幾次, 起初哲哲對那些規則的概念不是太穩, 現在卻可以玩得非常純熟, 某天給哲哲看到八姑婆之前送給我們的uno, 想挑戰玩更高一級的uno classic

再遊赤柱大街

jun 19

這晚約了哲公公到中環吃晚飯, 慶祝我(8), 哲爸(18), 哲婆婆(20)的生日+父親節(19) (牛姨又要大出血了:P). 見天氣這麼好, 不如到赤柱大街閒遊

已經很久沒有來過赤柱了, 上次來的時候哲哲剛好一歲學懂行, 來赤柱大街可以睇狗之餘, 無車可以任行就最適合不過

我要吃榴槤~

jul 6

還記得好想吃榴槤這本書嗎?

自從哲哲讀過之後就念念不忘, 每到街市看到尖尖的榴槤就興奮的叫喊著, 這晚哲爸又要OT, 麻麻掛念孫子, 記起哲哲曾說過想試, 於是這晚回來帶了榴槤和哲哲一起品嚐

沒有才藝班的暑假

又暑假了, 三歲半的哲哲比起上年可以報很多興趣班/暑期班, 然而除了現在一星期一堂的畫班外, 我沒有意思為哲哲報任何課程, 不上才藝班的暑假生活也可以很充實

一整天的時間, 沒有才藝班怎樣打發? 整天在家困獸鬥, 又會不會嘔血到白頭髮多幾條? 先分享一下我們的時間表, 我是依哲哲慣常的作息時間來調整, 基本上和上年的差不多:

8:30a.m.         起床飲奶
8:45a.m.         自由時間1 (如泥膠, lego, 畫畫, 閱讀, 剪紙, 玩車)
9:30a.m.         電視卡通/影碟欣賞
10a.m.            食早餐
10:45a.m.       外出活動 (如逛商場, 圖書館, 展覽館, 泳池游水, 公園, 室內遊戲室)
12:30p.m.       街市買餸
1:15p.m.         午飯時間
2:15p.m.         午睡
5p.m.              起床
5:15p.m.         茶點
5:30p.m.         做習作
5:45p.m.         親子活動1 (自製遊戲/活動, 如摺紙, 話劇角色扮演, 整小食)
7:15p.m.         自由時間2
8:15p.m.         晚飯
9pm.               親子活動2 (合家歡遊戲如uno, 猜謎語, 親子問答)
9:30p.m.         清潔梳洗
9:45p.m.         自由時間3 (玩ipad, 聽音樂, 故事時間, 聊天)
10p.m.            上床睡覺  

細佬? 細妹?

昨天因天雨關係, 和哲哲的戶外活動時間去了沙田ikea閒逛, 當走到睡房見到上下架床的時候, 哲哲很好奇, 想爬上去...

「媽咪, 你睇, 幾似臻臻屋企張床?」

「係bor....因為臻臻係大哥哥, 所以訓上面, 下面就留返比細佬熙訓. 第日你做大哥哥你都係訓上面架, 你驚唔驚先?」

「唔驚, 我會好小心架啦, 我係大哥哥所以可以訓上面, 因為細佬細妹仲係bb, 會跌佢地落黎架嘛」

「無錯啦, 哲哲好醒目好識諗bor. 咁第時媽咪生bb, 你鐘意細佬定細妹丫?」

「唔...細妹...細佬」(認真的想)

「兩個? 只可以揀一個咋喎」

「咁丫....細妹....細佬!」

「都話只可以揀一個囉...」

「但係我想兩個嘛, 咁我地咪可以一齊上樓梯落樓梯, 可以三個一齊訓囉?」

(又要細佬又要細妹, 有d難度喎...)

「唔得啦, 如果只可以一個呢?」

「細妹」

「哦? 點解呢?」(出奇地竟然揀細妹?)

「因為細佬會同我爭車玩, 細妹唔會架, 細妹鐘意玩煮飯仔, 咁就唔會爭我d車玩啦」

估唔到哲哲都幾識為自己設想周到, 而且佢咁諗都錯唔晒, 不過事實唔一定女仔先玩煮飯仔既, 哲哲正一傻豬豬~

哲爸生日飯 @pokka cafe

jun 18 

在openrice苦惱了很久, 最後選定在pokka cafe吃晚飯

【嗨。初春的墾丁】day 4: 恆春優格咖啡。簡餐

mar 31 

來到最後一天的旅程了, 早上依依不捨的和迷路為了看花道別後, 這天的活動據點安排在恆春一帶, 在鄉村風的優格咖啡吃了頓寫意又美味的午餐

my birthday dinner @cafe too

jun 8

今年生日, 本來想辦個party請最要好的朋友一起落club慶祝三十; 再想多一想又不如賴底哲哲和哲爸到酒店二人世界過一晚, 吃個buffet也不錯; 後來又想不如拋個波比哲爸揎主意, 給我驚喜之餘又唔洗我煩...

最後從kimkim的facebook得知香格里拉做緊生日半價優惠, 素聞cafe too的dinner buffet質素非常五星級, 看過kimkim及qq的照片都很吸引, 這天去完天際100, 回家接了哲哲就出發吃dinner buffet了 (哇, 都不記得有多少年沒有吃過dinner buffet了~)

分工合作的意思是...?

天氣炎熱, 哲哲已經放暑假了, 為了節省電費, 早上的時候會到有冷氣的地方嘆免費冷氣. 某早和哲哲到商場涼冷氣, 哲哲說要到巴士店睇車車, 那就去看看吧

「媽咪, 不如我地分工合作囉?!」

「嗯? 點分工合作法? 你講黎聽下」

正在好奇睇車車和分工合作可以扯上怎麼樣的關係呢? 於是請哲哲解釋我聽他的想法...

「嗱! 即係咁, 我睇車, 你比錢」

(嘩卡卡卡, 笑死我, 原來哲哲所指的是這回事, 哲哲也真是老實不客氣, 而且還一知半解呢~)

「唔得喎, 架車太貴啦, 我地玩一陣好放低啦, 之前講好只睇唔買架嘛, 唔係樣樣野都要買架」

「唔...都係$48姐, 爸爸返工多d錢, 今晚我叫爸爸買先~」

又某日, 我們又經過那間巴士店, 哲哲再次發揮他的小宇宙去說服我而達到目的

「媽咪, 我真係好鐘意呢架車喲...你睇下出面既廣告, 呢架係新車黎架!」

(望真d, 又真係幾靚喎...細細架其實$48都ok既, 只係平時真的甚少打開銀包比錢買哲哲要求買的東西, 一時之間不知點好, 一定要有d位明正言順買先得!)

「係bor...又真係好特別bor...哲哲係咪好鐘意丫?」

「係丫, 我真係好鐘意呢架車, 我會唔整爛架車, 唔會爆車, 玩完又會收好, 我會好愛惜玩具架」

(嘻嘻, 唔洗我開聲都知道, 要得到想要既野緊係有條件, 算佢醒目, 識講得出平時要我提點佢既野...)

「咁好啦, 今次就破例買一架比哲哲. 嗱, 你要記得頭先自己應承我既野, 做唔到既我要沒收返架」

「媽咪, 我都係唔要呢架, 我想要另一架. 你睇下, 另一架大架好多, 架巴士仲係藍色, 好特別好有型架」

(個衰仔又幾醒目喎! 哄到我落疊即刻轉軑買架大車, 一睇, 本來果架係迷你小巴士$48, 依家睇中果架係正常size的巴士, $99架!)

「呢架太貴啦, 呢架車既價錢可以買到兩架迷你巴士, 我只係應承你買細咋喎」

「嗱, 一係咁, 我揀兩架細既, 我唔貪心, 唔要架大巴士喇」

(......咁都叫唔貪心, 識咁樣不停比suggestion我又無發脾氣死lur要架大, 咁識做, 今次比個機會順下你意, 等你知道唔發脾氣不停游說係有甜頭先 )

新屎坑, 哲哲非常喜歡新車, 仲學識左落嘴頭不停甜絲絲的隔幾個鐘就「多謝媽咪」一次, 真係無佢符~

可是新車落地不久已經爛左個轆, 而且不止一次, 才剛買就已經跌爆車頭玻璃, 不是車頂甩蓋, 就是甩轆; 不喜歡的車被打入冷宮才能完整無缺. 雖說因為喜歡才會經常拿上手玩, 但看到哲哲玩得這樣粗暴真的很替這些玩具心痛, 下次我一定要狠心一點進行扣分制, 只要破壞一次就扣一粒星, 扣滿就沒收最喜歡的車直至行為有改善先得!

親子蛋糕班。給哲爸的生日驚喜

jun 18 

哲爸踏入黃金三十, 我和哲哲親手做了個蛋糕給哲爸作為生日禮物~

砌模型

男人愛高達, 女人唔明白

憎人富貴別怨貧

早陣子有位不太熟絡的舊同學邀請我參加她的兒子兩歲生日會, 因為不太熟絡, 我也不是social的人, 於是直接了當的婉拒了

真興幸自己沒有出席, 見到舊同學在facebook的照片, 排場認真不得了 (可能我孤寒或者少見多怪...)

在private club搞生日會, 請來魔術師及早陣子上tbb用氣球扭出婚紗裙的藝術者表演做餘興節目, 兩個好似結婚蛋糕咁高既生日蛋糕, 仲見到佢地一家三口既banner同易拉架, 再望真d, 原來係一家三口過去一年去左唔同地方既旅行相

未完, 仲有成個場佈置到城堡咁, 回禮禮物別出心裁地用一家三口個嘜頭做襟章, 令我諗起那些可怕又無用行貨的婚禮回禮小禮物...

兩歲生日果個都未太知發生咩事, 洗唔洗搞到咁誇? 覺得有面既, 以為個仔好高興既可能只係舊同學兩夫婦, 其實我唔覺得有咁既需要, 我只係好奇之後每年生日可以點搞呢? 小朋友長大之後又會否向同學朋友炫耀一翻? 會不會養大左個胃口, 期待每年生日的盛大驚喜, 如果父母不能滿足又會如何呢?

最近有朋友幫女兒辦生日, 約好一班朋友仔去沙灘一齊游水, 晚上再一起吃飯, 或者在家和親友一起大食會切蛋糕, 我覺得這樣簡簡單單很溫馨. 快樂與回憶不需用很多錢去製造與堆砌, 特別是對小朋友來說, 有父母有親戚有朋友疼就夠, 其餘的都是無意義, 有錢亦唔係咁花費

只能說句, 依家既小朋友有以佢地為中心圍住不停氹氹轉(又稱直昇機父母), 當佢地如珠如寶既父母實在「太幸福」啦!

【嗨。初春的墾丁】day 3: 恆春出火

mar 30 

未去墾丁之前, 聽到人人都興奮地嚷著去恆春「出火」, 聽落確實有點心邪, 不過別誤會, 我們不是去曳曳, 這個「出火」是非常正經, 就連小朋友都可以玩的「出火」呢~

我的七一「黃金」週

七一連續三日假期, 本來是三天都節目豐富兼非常有口福, 可是早幾天哲哲突然腸胃炎, 上吐下瀉, 其中一天已經被迫要放朋友「飛機」無得食慶生飯, 之後幾天仲無得玩...

jul 1

表弟回流香港放暑期, 本來是一班親戚到香港仔飲茶晚上再飯聚. 哲哲斷斷續續痾嘔了三天, 這早見哲哲精神不好, 已經沒有去飲茶. 還以為哲哲訓醒精神得多可以晚上出動, 點知就輪到我, 睡完午覺後又痾又嘔, 早上只是吃過麵包同豆漿但整日已經嘔凸

最後因為不想全家人陪我留家養病, 所以哲哲就跟著哲爸出街, 得我一個人孤伶伶典床典蓆辛苦到連飲水都會嘔, 真真正正的嘔到「金」!

唸口簧

早幾晚洗碗之際聽到哲爸和哲哲在廳不知在唸什麼...

https://youtu.be/t2s9_q4qD9I

對於哲哲認得自己的名字我們不感到陌生, 不過非常驚訝哲哲連同學仔的名字也可以認出這麼多!

聽哲爸說, 第一次的時候哲哲可以唸更多, 到我洗完碗拿相機拍的時候已經不正經亂講一餐了. 究竟哲哲係見慣見熟, 認得同學仔個名, 還是記住個借書次序呢?

很想知道...

【嗨。初春的墾丁】day 3: 關山日落。恆春洪師傅小館

mar 30 

最後我們還是上了關山

住迷路其中一個好處就是不用提早上關山霸位, 不用和其他人迫住看日落, 誰知哲爸說時間尚早, 而且關山就在迷路附近, 說無論如何都要去一轉

在悠遊墾丁的日出日落時刻表看到這天的日落時間大約是6:12p.m., 為了佔有利位置, 我們5:20p.m.上到關山, 泊好車(NT40), 斷斷續續看到遊人漸多, 就跟隨遊人一起上山

停車場旁有檔小吃, 我們買了一條大腸包小腸(NT100). 大腸是用糯米做的, 小腸就是普通一條的香腸, 老伯烤香腸烤出陣陣焦香, 吸引不少人買來吃

(做咩影到我同哲哲好似D寒風中既露宿者?)

我不是太喜歡吃糯米, 因為覺得很難消化, 對我的胃有點負擔, 見這個腸烤得很香我就試了一口. 燒焦了的糯米配著烤香的腸, 兩者夾在一起吃有著意想不到的好味道, 結果我越吃越多, 被哲爸埋怨我吃了他的份兒...

雲層在日落前千變萬化, 顏色漂亮令人目不暇給

我們靜心的等, 時間漸近, 遊人漸多, 可是這天的雲層太厚, 太陽很快就消失了. 很多遊人因為太陽被雲層掩沒就提早離開, 然而我們還是一直的等...希望等到雲層散開, 看到日落的一刻

等到本應日落的時刻還是等不到, 唯有象徵式的拍張合家照, 失望而回

之後我們駕車到恆春吃便宜又好吃的小菜館. 洪師傅小館普通小菜大多是NT90-150, 選擇又多, 最出名的就是螃蟹冬粉只要NT90, 挺抵吃!

我們依著網上的好評點了烤鹽豬肉(NT100), 日式炸豆腐(NT80), 另外用了悠遊墾丁的coupon送了特色野菜一碟. 這個不知道什麼名堂的野菜我和哲爸都不敢多吃, 台灣人好似很喜歡吃, 不過對我們來說不太合胃口, 吃下那些捲得實實, 像爽口髮菜的黑色條條, 吃兩口就放下了

這個是威爾鋼蛤蜊(NT150), 名字令人想入非非, 好不害羞. 其實湯底裡用上一些藥材來佐味道, 蜆我們吃光了, 還在不停的撈湯喝 (別誤會, 哲爸沒有需要吃威爾鋼, 只是湯太好喝了, 嘻嘻)

最後上的就是這個有名的螃蟹冬粉(NT90). 一團團黃色的我不知道是什麼, 吃下的感覺好似蟹肉混和一些東西. 冬粉其實即是粉絲, 口感卻又和香港平常吃的不同, 台灣的比較杰身一點, 而且吸收了蟹肉的味道, 冬粉非常入味. 這個螃蟹冬粉其實比想像中普通, 不過NT90就能吃到螃蟹確實值得一試

洪師傅小館
地址: 屏東縣恆春鎮恆南路39-1號
電話: 08-8897689 
推介指數: ★★★(五星為滿分)

小貼士:

- 旺季及假日的時候最好先訂位

- 記得print悠遊墾丁coupon, 有特色野菜贈送

- 晚上恆春的大街小巷不易找, 最好事前有兩手準備多一兩間餐廳選擇, 萬一找不到要吃的店子, 還可以轉plan B~