一歲人奶心聲

不經不覺, 給我的孩子餵哺母乳已經八個月了
...
由一開始患得患失, 擔心孩子夠不夠飽, 擔心自己夠不夠奶, 到三姑六婆的質疑, 以及社會對母乳的誤解及輿論所帶來的壓力等等, 到現在懷著堅定不疑的心向自然離乳進發, 多得身邊一班過來人的支持及鼓勵. 辦法總比困難多, 母乳之路其實沒有想像中難行

這些日子雖然辛苦, 但媽媽與孩子之間, 那種沒有距離的親密感, 是每個媽媽都應享有的甜蜜獎賞; 孩子依偎在媽媽懷裡喝奶的幸福時光, 是媽媽心中會永遠珍藏的美好回憶, 真希望每個媽媽都能親身感受到

這一年, 一步步的捱過來, 不經不覺餵了一年, 眼訓...對我來說己成了一個習慣, 要記起初生的困難, 只能靠回憶, 事實所得到的, 早已令我忘記了當中的艱辛

由顧住姿勢到依家細佬要食就自己揭, 換衫又會色迷迷的兩眼盯住, 就像看到老朋友的笑意

雖然依家好想染髮, 好想食乳鴿, 好想減肥, 但他日真的可以時, 我會不捨得了

「決戰一分鐘」之家務版

哲哲很迷「決戰一分鐘」, 由開播的「蘋果疊羅漢」...

到最近的「百萬銀叉」...

還有更多更多的挑戰都會在家試著做(例如留起d飲品罐比佢用搖搖fing的「神龍擺尾」, 還有試過叫我買西瓜來玩「啤牌飛標」), 入迷程度就連台詞對白背到滾瓜爛熟, 也曾說過要參加比賽. 既然哲哲咁鐘意, 一於來個「家務版的決戰一分鐘」先!

育兒恩物。i-angel four season hipseat

may 5

想了半年, 最後還是敗了回來...

上年十月, 突然興起了韓國hipseat這股熱風, 基於出街長時間揹住細佬(那時才剛學識坐), 腰肩很痛, 於是我也湊熱鬧問朋友借來一條pognae的hipseat來試

Hipseat的賣點是用腰既承托力卸輕寶寶的重量, 減輕腰骨既勞損, 不過對我來說非常不便, 單肩帶既pognae正常使用是沒問題, 可是我經常一拖二出街, 左手拖哲哲, 右手有時要挽袋子, 要是細佬睡著了, 要騰空一隻手長期傍實, 非常不便. 再者hipseat非常大舊, 不像我現在用的combi 4way, 不用的時候可以捲起塞入袋, 人人都讚的hipseat無奈我是不合用

細佬一歲後, 重得快了, 不知不覺間用combi非常非常的痛, 長高了的細佬, 每走一步雙腳都會自然擺動的踢到我, 本來諗住細佬都識行了, 而且仲算輕磅, 忍多排可以拖住行, 雖然每次出完街腰背都很痛, 甚至痛到有時不想出街用揹帶

四月中的某天, 在一田閒逛時, 身痕的到了小赤足counter試了i-angel hipseat, 出事了. 雙肩帶的i-angel非常適合我, 細佬就算睡了, 雙肩帶可以兩側傍實, 我不需要用單手扶住頭部, 更重要的是, 腰背完全一點痛楚都沒有! 不得了, 一試難忘, 十四個月, 又識行先黎買仲用得幾耐? 行貨賣$1100, facebook水貨都要6-7xx, 已經有條combi揹帶了, 係咪值得再破費呢? 對哲爸黎講, 根本就是曬錢, 根本就無理過我感受, 我自己亦心大心細...

又隔了幾天, 再到小赤足再試...再試之外, 心裡決定要買了. 朋友說得對, hipseat可以用到三歲, 雖然細佬識行, 但未有能力行足全日, 總有時要行下抱下, hipseat可以方便上落, 唔洗好似combi次次都要扎實扣住

和facebook賣家傾好價錢確認好款式, 個多星期就收到了, $680香港行貨一年保養, 幾百蚊可以愛鍚自己腰骨多一點, 這點錢應該是花得值吧

話雖如此, 看到combi舊揹帶, 很依依不捨啊...始終是哲哲的時候用到現在, 哲哲小時不喜歡, 那就用得比較小, 細佬倒是很喜歡, 每次揹住總會訓得很甜...

blogger試玩: Canon EOS 700D數碼單鏡反光相機

在網上的討論區常聽說「Canon的單反相機影人像色水夠靚, 而且操作非常user-friendly」, 對於我呢d日影夜影都係影細路既家長黎講, 一部易用又影得靚既相機真係好重要

日前有幸參加了Canon EOS 700D blogger event, 除左介紹最新的入門級700D單反相機之外, 仲有著名星級親子攝影師Jenny Leung以playgroup型式分享拍攝孩子「最真」既技巧, 完全唔需要考慮即刻應承喇, 哈哈

城市綠洲。金鐘添馬公園

may 19

假日在鬧市金鐘一帶活動, 到處都是工人姐姐, 這天難得享受未被佔領既城市綠洲, yahoo!

這晚約了哲公公婆婆到金鐘試一家好味又抵吃的越南菜, 下午的時候到了新政府總部的添馬公園遊樂. 聞說這裡有大草地, 可以玩彩虹傘, 可以野餐, 玩各類球類活動都不會被趕. 這點很吸引! 因為平常在馬鞍山公園的草地是不允許玩任何球類活動, 哲哲聽到第一時間叫好~

【奶媽日記】習慣打擊

jul 5, 12

又回健康院見姑娘, 重4.8kg, 高61cm, 成績依舊麻麻, 達唔到一個月重0.5kg既最低標準, 醫生擔心細佬身體有問題, 檢查時又聽到心有雜音, 寫了信轉介我們見專科跟進一下

和醫生說起細佬的問題, 最近總是啜五分鐘就不吃了, 擠出來用奶樽餵又不肯吃, 醫生認為唔係餵既方法或者奶既質素有問題, 估計係細佬胃口細, 天生無食既意欲, 每天追6-8條濕片追到個人好緊張, 加上之前四個鐘兩邊胸已經很谷了, 現在奶量是不是跌了? 訓醒也不再漏奶了, 八個鐘才感覺很谷很谷, 會不會是自己的奶不夠飽呢?

jul 6, 12

開始認人了, 不熟悉的會喊, 喜歡雙手交叉周身郁, 是在跳舞嗎?

發咩夢呢? 唔通變身要做超人?!

迪士尼生日之旅

feb 28

哲哲五歲生日, 本來想辦個小型的生日會, 後來朋友告知迪士尼在工聯會做優惠, 成人門票只是$250/位, 想起這些年一到聖誕電視賣廣告, 哲哲總是說想去迪士尼玩, 於是問哲哲:

「哲哲, 這年的生日你想有個生日party還是去迪士尼玩呢?」

「迪士尼!」哲哲想也不想就答

既然如此, 迪士尼生日之旅開始了!

1st studio album @sens studio

apr 30

朋友們近日大力推介, 影親子家庭照一定要去sens studio度影, 見早前有團購$238包12張相同一個相架, 雖然相片既張數較少, 不過我們確實很久沒有影過親子照, 於是第一次學人團購攝影套餐, 好期待啊~

相隔了九個月才再到影樓拍親子照, 有點後悔, 本來上年十月約了一間戶外攝影, 天雨關係取消了, 後來天氣冷, 拖到現在回暖才可以出戶外影相. 這九個月對初生的bb來說進步很大, 細佬的扒底, 坐, 學爬學企我都錯過了, 幸好現在能夠拍到細佬行, 希望不算遲吧

廢話少說, 先來看看部份照片

這是我最鐘意的一張照片啊!

細佬一歲了~

mar 17

睇人地就快, 到自己湊既時候, 原來一年時間都過得好快架!

爸爸的心意: 第一隻電影DVD

這是爸爸第一隻買給哲哲的電影DVD呢~

blogger event: 海洋公園之親親動物玩學團

may 12

臨近暑期ocean park都會舉辦一些保育及教育性的活動, 這年的主題是與海陸空的動物作近距離接觸. 很榮幸收到pccw的jason哥哥誠邀我們在母親節那天參加ocean park x pccw的「親親動物玩學團」, 那天剛好哲爸要返工, 正好和哲哲拍拍拖共渡母親節

香港許願節 @林村許願樹

feb 24

第二次來了!

這天要到表姑媽的家作客, 順路走到林村許願樹看看, 剛好遇上一年一度的許願節最後一天, 好熱鬧的啊!

肉脾仔

apr 25 

悶熱的初春, 這天細佬睡午覺, 看著看著, 咦, 好像長了點肉肉bor...

雖然細佬還不是節瓜手或大根腿, 不過能夠看到由皮包骨演變成有點小肉的玉腿, 真的是非常非常的開心, 這證明了, 呢半年來不停花心思和時間去準備多樣化的食物, 令細佬吸收不同營養, 也多虧細佬喜歡吃, 才能略略增磅呢~

孩子身體健康就是父母最大的心願, 真的, 此刻看到細佬精靈活潑, 面色紅潤還長了點肉, 是感動, 更是一個肯定, 希望細佬能保持下去, 吃得健康, 身體更健康

Jetstar「世界遊王．挑戰賽」x art jam @popaArt

may 4

這天很高興收到pr姐姐dora既邀請, 出席一個博客活動, 內容非常吸引, 有關夢想與飛航呢~

最近戰隊去了布吉的club med, 我們離隊沒有跟上, 哲哲很是失望. 當哲哲知道這天的活動內容可以art jam之餘, 還有機會獲得jetstar送出既旅遊獎賞, 頓時兩眼發光, 非常雀躍~ 

小語錄

隨著哲哲越來越大個, 懂的事越多, 搞笑抵死既童真傻話已經很少見, 然而最近發生了幾件小事, 都令我和哲爸捧腹大笑, 這些有趣的對話買少見少, 要好好記下呢~ 

早兩天, 在家中和哲哲看一些動物生態節目, 正當我和細佬沖完涼正在換衫時, 聽到哲哲說:

「媽咪, 你睇下, 條蛇食榴槤呀」

「榴槤?」

明明正在睇動物節目, 無神神點會有條蛇食榴槤架? 望向電視, 原來...

嘩卡卡卡, 原來是一隻刺蝟和條蛇對峙, 最後被蛇吞了, 哲哲從未見過刺蝟, 怪不得說是榴槤喇 XDDDDD (真可惜和哲爸掛住笑, 完全趕不切拍張照來紀錄呢, 嘩哈哈)

pop up music box

apr 15

果然兩兄弟的性格就是不一樣

這天找回一個業叔當年送給哲哲的彈彈音樂箱, 想起哲哲小時玩的時候, 第一次是嚇著的, 本來想試下嚇嚇細佬, 看看他的反應, 點知呢個人仔竟然驚都唔驚下!

https://youtu.be/dk7m5d3_n-s

極其量只是O了一下嘴, 根本就是好奇想拆開個音樂盒咁滯~

O嘴過後, 仲好殘忍咁捏了小丑的臉頰, oh! 小丑真可憐XDDDDD

事後給哲爸看, 哲爸說應該是細佬年紀還小, 不懂箇中既笑點, 嗯, 等我收埋佢, 細佬再大個d時再試多一次, 睇下係咪真係唔驚先!

小添置, 大改善

mar 24

一連努力了幾天, 終於有個像樣一點的活動空間了

只要看到before and after的相, 就會相信, 絕對是小添置, 大改善呢~

【奶媽日記】自私與堅持

jun 9, 12

哲爸和我二人世界去了澳門, 離開了兩天, 這兩天谷得很辛苦啊, 心裡也很掛念不知細佬用樽食奶食得慣嗎? 這天回到家最擔心的是細佬還認得我嗎? 還記得如何啜奶嗎?

一抱埋身, 呼...舒服晒, 兩邊胸的硬塊終於清了, 那是如何手擠都不能清的感覺, 朋友笑說, 都吃了兩三個月, 怎可能離開兩天就忘了如何吃呢? 

jun 11, 12

頸仔肌肉有力左, 可以轉頭頭仔, 唔會好似之前咁成日訓向右邊, 反轉扒身也開始試著抬頭了. 最近比較多口水, 發到好多音, 手仔也靈活不少, 放條紗巾落塊面度, 識用手拎走, 哭鬧上來, 腳仔仲識游背泳咁腳撐撐tim!

望真d, 細佬...好似順眼左, 白左多肉左靚仔左wor!

逐漸變白, 得左~

正在練習抬頭, 但...你個樣, 好勉強bor!

jun 15, 12

好唔想質疑, 但不禁問自己: 我真的夠奶, 可以全人奶給細佬嗎?

看著他越吃越差, 增長又少, 每天追濕片就像追quota一樣, 很吃力, 壓力很大, 就連哲哲也說我沒有時間陪他

我這樣堅持, 是不是盲目的沒有為初一設想到?

朋友們說細佬增長得差, 又經常哭, 可能是吃不夠奶. 為他好, 是不是應該補奶粉等佢飽肚d, 唔洗成日喊肚餓人又炆陣訓唔好呢? 加上我又休息不夠, 說我的奶質素會差, 不如放棄讓彼此都輕鬆點

真的感到很迷茫, 無助...食奶粉都可以成日喊, 訓唔好, 邊個話食人幼既就唔及奶粉好? 頭三個月急速增長期反讓細佬越吃越輕, 是我太自私, 不自量力嗎?

自私與堅持, 真係只差一線

請教過健康院的母乳姑娘及不同的母乳機構熱線, 說的都很不一樣, 相信那些都是自身經驗之談, 或許每個bb有自己的特性, 大飽大餓的固然好, 也有些可能胃口小要密密餵. 上次姑娘說我要餵密點, 一有時間就餵, 這次的姑娘卻說餵太密餵到無心機食, 個胃無停又點有胃口再吃多點? 建議等到佢餓, 或是隔兩三小時才餵一次

什麼方法都試了, 就是沒顯著改善. 唉, 真令人感到氣餒...

M+進行:充氣 @西九文化區

apr 28

最近西九那舊「屎」鬧得熱烘烘, 問哲哲有無興趣看「屎」的真身, 古靈精怪最近愛說屎尿的哲哲自然一口答應 (=.=)

行年宵花市 @維園

feb 7

話咁快今晚又去八姑婆屋企度玩啦! 興之所至, 一班親友相約這晚在八姑婆家提早食團年飯, 這天早上一拖二和細佬試完堂, 吃過lunch, 見時間尚早, 襯人少少去維園打個轉, 逛逛年宵市場

出發囉~