秋去春來的約會 @西貢清新地

may 15, 16

上年十月知道西貢多了一處假日親子好去處, 於是約了一班朋友仔結伴同行, 可是約會日子因天氣一改再改, 前後改了三次, 真係覺得自己同清新地無緣. 本來天文台說這天也是狂風雷雨, 但最後天氣好得人人曬到兩截色, 能夠順利完成這次活動, 內心大喊一聲: 萬歲!

自動波

自從升上小二後 我都無特別幫哲哲對功課, 要是手冊抄錯抄漏, 功課做錯, 都係佢自己負責, 托賴咁耐以黎除左有一兩次欠交之外, 都無咩大事發生

最近哲哲變得越來越自動波, 閒時會有唔同科既評估出現, 見分數唔錯, 即是所學的東西都識了, 於是無理簽名就是了. 後來又出現默書簿, 還有久唔久聽同學媽媽提的口頭報告, 屋企從來唔見有溫過練習過, 手冊亦無寫到, 返到黎只係需要簽個名就交得. 本來諗住, 哲哲搞得掂, 唔洗我操心也就算

臨近大考, 這情況變本加厲, 昨天有同學媽媽在群組問, 星期五的電腦試如何溫習

遇見。紅豆綠茶

決定了領養貓貓的事後, 就在網上搜尋一些可領養的機構如愛協, 聯絡貓義工, 也去了不同的領養日. 在facebook加入了數個和貓有關的群組, 一般和貓義工/協會領貓的流程是這樣的:

從義工的post中見到邊隻合眼緣> pm義工> 裝窗網> 約家訪> 可以領貓
又或者親自和貓貓見面, 睇中左就填表格申請> 等通知> 裝窗網> 約家訪> 可以領貓

接觸過後, 發現領養不是想像中的簡單, 要過五關斬六將. 接觸不同的貓義工, 當中問了我們很多問題:

- 家中有無人有鼻敏感? 有? 怕你鼻敏感會棄貓, 要考慮...
- 住邊度? 公屋? 邊條村幾多樓? Y型屋村走廊一出就係lift/防火門同花槽, 怕走失, 又要考慮...
- 屋企有幾多位成員? 仔定女? 有無足夠時間陪到貓貓?
- 養一對優先, 要一隻? Sorry, 有好多申請者, 要先睇晒所有申請先再考慮你...等等如此問題

有可能來來回回很多次, 最後都係領養唔到, 因為不是先到先得, 從茫茫人海的申請者中揀最適合既領養人, 當中有義工自己揀人既喜好及一些富爭議性問題. 正所謂, 你揀貓時, 貓/義工也在揀你

【台北宜蘭】day 1 宜蘭樹屋民宿。窩久久

aug 24, 15

來到宜蘭這個好山好水的地方, 除左玩之外, 這裡的民宿一樣令人期待

每年暑假宜蘭會有童玩節, 熱門的民宿很快爆場, 半年前就已經要book定. 雖然我們去宜蘭的時候已經過了童玩節, 但爆房情況依然, 建議有心水民宿的朋友要早些book房了

我自己比較喜歡簡潔, 大自然格局既民宿: 好漾民宿, 湖水綠, 旅樹, 好住good living同自然捲北歐風格旅店都是我的心水. 最想住自然捲的lego房, 三月初book, 爆到同年十月, 其餘的民宿不是outbudget 就是沒房

看著看著, 無意中發現, 新開的窩久久不單有房, 而且房價很親民, 新開還額外有折! 二話不說, 托台灣友人幫我比訂book房, 可以慳返匯款手續費, 真係唔該晒v~

塞車的時候

塞車的時候做咩好?

唔打機, 唔上網, 唔訓覺, 或者可以好似竣竣咁...

「竣竣, 你做緊咩呀?」
「我係度寫緊字丫~」

呢隻豬, 自己一個靜靜地跟住d字黎寫, 無話塞車坐到悶而發脾氣, 抵錫~

紅豆。綠茶

年初二, 拜完年, 中間襯有空檔的時候, 哲爸帶了我們到他常去的寵物店, 那間寵物店就在公司附近, 閒時lunch經過會隔著玻璃窗看貓貓. 拍拖的時候我們也常常到寵物店看貓, 生了孩子後也有帶兩兄弟接觸貓, 以往都是看看而已, 但是今次不一樣

我們在外看著看著, 寵物店的職員突然說可以讓我們抱抱那隻小小的暹邏貓. 第一次抱貓bb, 感覺很震撼, 看著這隻可愛又粘人的貓bb, 那一剎好想抱回家

好想養, 好想養, 一直都想養貓, 我和哲爸早有共識, 待竣竣小一的時候就會養貓, 這個計畫哲哲和竣竣也是知道的. 雖然我們對那隻暹邏貓bb念念不忘, 但是我們想再認真的想一想, 是否要將計畫提早, 大家是否心意一致, 怕大家是一時衝動, 將來害苦了小動物

【台北宜蘭】day 1 湯圍溝溫泉公園泡腳

aug 24, 15

吃飽飯, 見時間尚早, 於是到廿四小時的湯圍溝溫泉公園泡腳

在大灶雞出發會經過兩個溫泉公園, 一個是礁溪溫泉公園森林風呂, 另一個是湯圍溝溫泉公園. 論環境應該是日式的礁溪溫泉公園森林風呂較美, 不過好像人比較多, 我們晚上去的話應該什麼花草建築都看不見, 所以決定到湯圍溝溫泉公園 (實際是我也忘了為什麼當初決定去湯圍溝溫泉公園了XDDD)

門前的溫泉是免費的, 只要帶條毛巾來, 喜歡泡多久就多久

隔離有個辣椒館賣手信, 門前和館內都有這些可愛擺設, 唔買手信入黎影相嘆下冷氣都幾好~

【台北宜蘭】day 1 四圍堡車站> 大灶雞

aug 24, 15

落到宜蘭, 放低行李到民宿, 急急腳揸車去醫肚

第一站先到四圍堡車站

門前巨人很搶眼!

第一次聽四圍堡車站時, 還真的以為是一個車站, 原來是一間餐廳來的呢~ 這裡有手信賣, 可以點餐吃, 還有限定的朱古力DIY course, 是一個拍照很不錯的地方

大棠賞紅葉 by tony ma photography

dec 23, 15

又是紅葉盛開的季節, 上年去了青衣公園賞葉, 今年決定到大棠看紅葉. 這次還參加了tony哥哥的導賞團, 可以邊欣賞紅葉, 又可以拍攝家庭照~

哲哲和竣心情很興奮, 因為可以在公園玩樹葉大戰, 滾枯葉; 回程時可慘了, 糧餉吃光, 體力用盡, 有人開始發脾氣, 話要即刻落山腳唔想再行, 邊行邊喊發脾氣, 真係醜死鬼~

到處都是人山人海, 加上某人發脾氣, 去到戲肉一片紅葉時喊到眼紅紅面黑黑, 好照片不多, 有點可惜啊...