mar 17 [40w0d]
初次餵奶, 初一好叻識得啜, 雖然啜得好慢, 但完全無心急搵唔到就發脾氣唔肯食, 就連姑娘都讚初一食奶好叻無啜損我. 忍住子宮收縮及奶頭的痛, 看著初一努力啜啜的樣子, 呢一刻, 無價
生哲哲時沒有認真的餵人奶, 又因為是新手媽媽, 所有東西做到踢晒腳, 好緊張; 反之對住初一已經有過經驗, 辛苦的倒是餵人奶, 嚴重缺休息, 明明很倦, 但又不能假手於人, 幸好姑娘見我倦得緊要, 都會一次半次讓我餵完奶就推初一到肓嬰室暫為看管, 好讓我有一兩個鐘小休, 有利於上奶
那種倦, 可以令醒訓的我, 一躺在床即睡, 就連置身於森林, 充滿野獸的叫(鼻鼾)聲都聽不到了...
第一晚哲哲來探我, 好開心, 哲哲第一眼望到我時, 看到肚子沒有了, 竟笑著不停拍我的肚子問細佬去左邊, 因為不能入去病房看初一, 唯有拍些照給哲哲看, 哲哲頻說細佬好細個好得意, 個樣好似佢~