白豆鼻子不見了

哲哲有捏白豆鼻子的癮

興之所致還會咬扯白豆的鼻子 

之前看過一些書知道小朋友各有自己的方式去令自己情緒安定下來

有的是啜手指

有的是要嗅陪睡的被子等等 

也許白豆對哲哲來說是鎮定劑

這天白豆的鼻子終於被哲哲咬甩了

當哲哲知道自己咬甩了白豆的鼻子時, 樣子很是詫異, 事後很想將白豆的鼻子貼回, 不過我見白豆的鼻子已經變得霉爛就丟走了

可憐的白豆, 原以為可以留到哲哲大個仔做留念, 可惜手被折斷了, 鼻子又滿佈哲哲的面油口水漬, 黃黃扁扁, 慘不忍睹. 哲哲不捨得丟, 每天望住沒有鼻子的白豆嘆息~

哈佬喂派對 @迪欣湖

不記得上年什麼原因沒有出席哈佬喂派對 (應該是哲爸沒有假放)

今年派對選址在迪欣湖

一大片草地真的很吸引

可惜有人聲稱昨晚已經充好電

誰知一開機得返一粒電仲要閃閃下

未等齊人已經無電要熄機...失策!

(以下部份照片多謝各位朋友仔幫我地影, 謝謝)

我們早到了三十分鐘, 見早就邊玩邊等, 先拍個照留念先~

迪欣湖入口有個小遊樂場, 旁邊有個音樂小噴泉, 原打算玩到咁上下先比哲哲玩水, 不過哲哲第一眼望到就要衝去玩, 結果派對未開波就由頭濕到落尾

玩到連對鞋都扭得出水, 脫去鞋子的哲哲走來走去, 滿地腳印仔~

又熱又曬, 襯未齊人曬一曬 d衫先

哲哲, 果頭抺乾身換完衫, 呢頭又 lur落地玩水, 再濕無衫換啦!!!

 哲哲明顯地認得 anson, 一見到 anson就招牌式頭貼頭示好 (最新發現哲哲識叫 anson, 叫作 eatson~)

換好衫, 朋友仔陸續到達, 白雪出動南瓜提子籃, 引到一眾小朋友爭相搶吃, 哲哲連吃數顆, 吃到提子攝埋牙縫之中~

 朋友仔黎得七七八八, 於是 jojit幫我地揀個好位 (一大片草地不在話下, 背山面海好寫意), 派對正式開始!

 一開波哲哲就周圍跑, 唔著鞋跑草地係哲哲最愛, 迪欣湖地方好大, 唔緊貼住哲哲都怕走失左. 哲哲聚精會神望緊對面湖有人撐艇仔呢~

當日有人在這堆紫花影結婚相, 我又幫哲哲同哲爸影返張親子相先

 呢盤南瓜提子引到好多嘩鬼們爭住吃, 這天好驚喜哲哲想吃提子竟然肯同小朋友講 "比"之後仲排隊等而沒有發脾氣, 同埋為左想人地比佢食提子, 未比到手已經講定 "謝謝"搏你快 d比佢, 叻仔!

雖然哲哲是很喜歡吃提子, 不過他絕不獨食, 之前狂餵米爺食提子, 依家就請米爺食雪糕筒

多謝 koko送比七彩戰隊既毛毛背包, 哲哲的是白色, 好可愛好軟綿綿 (好想據為己用!)

唔知點解我覺得呢隻魔鬼角仔好襯哲哲, 哲哲整醜樣仔整到條頸現晒青筋, 好肉緊

https://youtu.be/AwanlN-c4bU

呢期興 "動L", 哲爸同哲哲又 "動L"埋一份

https://youtu.be/_Ybe_mvBWoU

米爺同哲哲示範咩叫向左走, 向右走

玩到天都黑晒, 臨走前影返張大合照先

https://youtu.be/T-XGeDRPOeI

回程等候其他小朋友洗手時, 哲哲首先發現柱子好玩之處, 帶頭百厭作反

 bye bye各位姨姨叔叔朋友仔, 下年哈佬喂再玩過丫~~~

特訓 @中間道遊樂場

哲哲早兩天突然自動自覺走上滑梯

一氣呵成完成整個上樓梯, 坐低, sir...重覆上樓梯坐低

能夠看到哲哲的面上終於是掛住笑容去玩

那一剎真的感動到眼濕濕

特訓活動沒有因為哲哲不再怕 sir滑梯而降溫

今天哲哲訓過午覺後

決定再遊中間道遊樂場讓哲哲玩更多更多 (最主要是有搖搖板呢~)

同 上次 比, 原來假日傍晚時分係好。多。人呀!!! 哲哲一去到就好示意要除安全帶, 一落車就衝上去爬以往不敢爬的直梯, 而且見到村口公園個彈珠玩意仲要回味一翻

玩左陣哲哲覺得 d滑梯無料到, 於是走到隔離的中童遊樂場. 哲哲玩得更開心, 因為地方更大, 設置一個一個連接住更見好玩. 排左好耐隊, 先有機會玩到搖搖鞦韆, 睇個樣就知哲哲呆呆地, 坐上去唔夠五秒就趕住落地, 不過都算唔錯了, 肯自己要求坐上去已是一個小進步

現在哲哲學懂什麼叫拍照, 有庴會企定定幾秒比你影, 有時叫他笑住影相都肯望下鏡頭, 至於對唔對得切焦有無機會影多幾張就要睇影果個人既造化啦

玩到咁上下哲哲就食麵包補充電源

哲哲吃麵包, 我眼睛吃萄葡~

著襪丫唔該~

個天黑得好快, 玩左個零鐘個天已經黑晒, 於是轉陣到玩具反斗城, 唔買野混吉都玩得一樣開心

大出血 (買門欄 + 吸塵機)

去完 playtown之後

決定的起心肝買埋門欄才回家 (唔想再浪費多一天專登去買)

睇過荷花同玩具反斗城

因為屋企門闊太窄

二選一之下唯有買玩具反斗城 24吋可兩面推木門欄 $549

(荷花有 $4xx不過是幼鐵, 為怕哲哲咬同狂撞個欄, 買實淨點較妥當)

雖然蒙特梭利的理論不主張局限小朋友家居範圍, 不過廚房的格局不裝修的話很難安全, 好多次哲哲在我煲湯時伸手去玩開關制, 又試過爬上陽台的櫈, 嚇得我怕哲哲飛跌出街或洗衣機. 話雖如此, 我在場監察之下哲哲仍可自由進出廚房, 算是有限度之中的一點自由吧

回到樓下商場哲爸說反正都拎餐飽唔差在買埋吸塵機

(唔係掛, 我抱住廿磅重既哲哲, 哲爸又一袋二袋加個木門欄, 仲要加多個吸塵機, 你估唔重 ga?)

也好, 壞了吸塵機差不多一個星期

地上很多塵, 很髒

慣了隔日打掃的哲哲每天見到地上都 "咦咦"聲示意要吸塵至少兩三次

我也給他煩死了~

做了全職媽媽之後家裡的洗費支出大了很多

水費電費煤氣費, 連雜費也不少

不過想深一層也很正常

多了時間在家自然耗費較多

以往恃住很少長時間在家, 慳得就慳

也未太著重家居安全的配置

現在門欄都買了

下一步要替哲哲轉小童床 (不用擔心哲哲醒來入廚房爬窗搞煮食爐)

可能又要買床欄了 ($$$$$!)

特訓 @西寶城 playtown

好早之前知道今天應該會下雨 (多謝台長通報~)

為了 keep住哲哲能夠 sir滑梯轉轉轉之類

去不了戶外的就到室內的 playtown!

今日影相拍片機會近乎零

只因全場 90%以上都是哲哲最驚的玩意

起初哲哲在玩樂區驚到唔上唔落無路好走

我和哲爸花盡心思

左右門神咁一先一後用不同方法引哲哲才能一步步跟著我們

不止哲哲累, 我們也累得很

明明見到障礙是要用爬的

哲哲也強用腳走過去或企定定不知如何是好

似乎哲哲忘了爬或滾這個技能

(畢竟哲哲真正爬的時間太短了...)

這個波波池引了好久哲哲才肯兩隻腳踏入去, 不過如圖, 一入去已經掩實心口叫驚驚趕著出來 =.=

哲哲愛車, 不過只限於在外裡頭看, 要哲哲踏隻腳入還要坐低推動架車是天大的難事, 哲哲花了一小時才敢坐入去, 不過怎也不肯讓架車郁動, 只是做樣開門關門

https://youtu.be/qtdV6VHqGs8

不知是不是到處盡是哲哲不喜歡的東西, 所以玩這個入樽都不見笑容, 倒是之後我們獨留哲哲一個人玩發射波波, 我和哲爸狂走籃狂入樽, 不知幾好玩~

https://youtu.be/DdVd-Yd81GI

這個發射站哲哲玩了很久, 而且有進步就是啟動制只得一個, 但個個小朋友都想玩, 哲哲沒有和其他小朋友一齊搶, 這天竟然肯乖乖輪住來玩, 抵讚!

https://youtu.be/kdNOEXWWjq4

玩到咁上下哲哲就坐下來靜靜玩繞珠, 其實錄這條片時哲哲好專心玩了十多分鐘, 轉個頭到 locker取回 dv錄哲哲時, 看到我就分心了. 錄不到哲哲全神貫注的樣子很可惜, 因為真的較少機會看到哲哲玩靜態的東西玩得如此投入

第二次再來

部份迷宮陣加添了新的難度

對一般小朋友來說一定會很好玩

對大人來說也是一個讓小鬼們消耗體力的好地方

(可惜哲哲樣樣都怕, 倒是消耗我和哲爸體力, 腰骨累死了)

地方大, 周圍都有軟墊不怕弄傷

有限範圍內又不怕走失

平日去兩大一小價錢是 $110

可以自由進出, 玩足全日

真是一個好地方

以後天氣唔好可以到這裡和哲哲進行特訓也沒問題了

攞你命 3000

今年照舊沒有買燈籠給哲哲過中秋

反正哲婆婆及哲姨婆都有買給哲哲

因為怕煩索性將所有燈籠玩意縛在一起

令我想起國產凌凌漆的 "攞你命 3000"

原先還有一個傳統紙燈籠, 不過哲哲中途弄斷了, 只餘下三個終極武器, 無原裝正版咁神似

cyberport sunday market by openair

互聯網既網絡果然好大

多謝 openair hk 的 peggy無意中找到 這裡 並 sponsor我們免費入場到數碼港既 sunday market

呢一日小朋友玩得開心

大朋友傾計之餘

望住班小朋友玩又睇得過癮

(最好笑咪就係 mavis幫米 b著襪, 兩個小女孩真係好可愛, 可惜某人好懶, 話熱到溶咁滯, 全日都無咩心情影相喎...)

雖然中午有點曬

不過之後涼風陣陣悠悠閒都幾寫意

喜歡這兩張相, 相中哲哲好大個仔, 但爬梯級個樣又覺得佢仲係一個 bb

上次有烏龜哲哲又無為意, 今日烏龜放在路中心, 哲哲終於看到了, 仲爬上去同聽聲, 其他小朋友笑哲哲好大膽完全唔會驚, 其實我笑哲哲可能都唔知道呢隻係烏龜, 以為係一舊大石頭

同日還有蜥蝪, 不過看既人多, 摸既人少, 包括我, 哲爸同哲哲在內...雖然知道隻蜥蝪應該唔會咬人, 但都唔能夠好似呢位外籍小妹妹咁勇敢, 邊摸隻蜥蝪邊傾計

撐杆跳? 望個樣就有姿態, 無實際多 d...

今日哲哲有運行, 原先無得玩水水, 見到靖天正在玩水時, 我側側膊搏哲爸唔會當住靖天一家話我咁危險咁多石比哲哲落水. 起初哲哲唔知咩事都有點縮腳, 不過 d水唔係好凍, 哲哲就開始放膽玩啦, 睇下哲哲見到幾開心~

有人唔著褲在草地怒跑呀~~~只因哲爸唔比玩咁耐, 硬抱哲哲上水, 哲哲係都要喊住走回頭要玩

多謝 can同白雪幫我地影到張咁 sweet既合照, 如果我唔洗痛多次就生到個咁乖既 anson出黎做哲哲既兄弟手足, 發達囉! 

呢一日有 jayson, mavis, 米b, 費爺, 靖天同 anson一齊玩, 原本仲撞到 hayden, 正當同 bee傾幾句時, 就比 hayden迷人既眼神電到暈一暈之後, 眨下眼轉頭就唔見左...

今日真係好開心

哲哲沒有扭計及發脾氣

亦沒有低頭密密腳亂走一通

唔洗同哲爸追哲哲追到氣咳唔見左影

同其他唔識既小朋友一齊玩時識一齊分享一齊玩

聽哲爸講哲哲同小朋友玩木玩具時知道對面個姐姐欠緊一根木條

剛好哲哲手上有

明白別人要什麼之餘還懂得給予

真係令我好安慰

姨姨們都有讚哲哲定性左好多

高興哲哲自己努力控制情緒及學習之餘

也是對我這個媽媽的一份肯定

回家路上, 心血來潮走到美心搏一搏還有沒有魔鬼蛋糕, 原先打定輸數傍晚既時候怎會有, 豈料見到還有大大個在餅櫃, 第一時間買回家吃. 每次經過蛋糕店哲哲總會拍晒手掌叫著蛋糕蛋糕好想食咁, 終於有得食啦~~

回到家還想雪一雪個蛋糕更美味, 不過哲哲以為我地唔比佢食發晒脾氣, 於是唯有切蛋糕啦. 食左件細細地既蛋糕時哲哲情急智生喊住叫: 多d! 聽到我同哲爸都呆左, 為左食, 哲哲竟然學識叫多 d, 都出到聲囉, 唯有切多件大件既比哲哲啦

其實個魔鬼蛋糕都唔錯, 雖然 valrhona個味唔算好濃, 但勝在食落唔膩, 口感輕盈, 一個人食半份蛋糕都唔會太滯, 哲哲真係有食神啦!

是日團友相關報導:

米 b, jayson, mavis, 費爺, anson, 

中秋賞月賞花燈 @維園

這晚做節飯選址到 time square對面大廈的 五月花 吃日式放題

好可惜食物質素同服務態度非常惡劣

同區松屋或一生任食絕對比五月花好

當然, 尖沙咀的金田才是我的最愛

先來張大合照, 一行十八人真係好熱鬧

(上圖) 最近哲哲學識飲勝, 要哄哲哲飲水唯有叫佢同人飲勝, 呵呵. (下圖) 哲哲見到咁多野食都唔等我了, 舉起私家匙就要放入口吃, 不過似乎檯上無樣野啱你食喎, 唔係刺身就係炸既辣既, 唔怪得之哲哲見到蜆殼都唔放過照放入口啦~

食到中途哲哲同晴晴玩燈籠, 晴晴呢日個頭髮扎得好靚, 後面一排排閃粉既髮夾仔好似小公主

哲哲真係唔比面, 張張相都嘴戚戚, 不過肯望鏡頭無周身郁, 都收貨啦

晚飯後和大伙兒到維園睇花燈

哲爸怕夜怕多人怕哲哲辛苦不大想去 (實情係哲爸自己怕...)

其實哲哲都開始大

今晚表現很乖無扭計

一晚半晚和大家高興一下沒所謂吧 

原以為可以在實現在草地上和哲哲賞月一翻

一時不為意四周都有花燈晚會應節活動

被哲爸潑冷水至少要等哲哲肯坐定定先有機會去 camp般觀星追月

對於會轉的玩意哲哲最感興趣, 見到這個螢光轉轉哲哲自然伸手想了解是什麼一回事

這晚天色不錯, 雖然不是萬里無雲, 不過陣陣涼風吹過來, 人也不算多, 哲哲總算有機會近距離看到花燈的真身是什麼樣子, 最驚喜是哲哲竟然懂得指住 d花燈話靚靚. 人月兩團圓, 中秋節和一家人一起過, 真好