夏日青森遊: 二戰雪堡

意猶未盡 

上星期六又去了 anson的家

正想出門時哲哲卻想睡

唯有等哲哲睡過午覺我們才飛的到白雪家

搞到人人都要等我地出發 (唔好意思呢)

https://youtu.be/71qbAahFYBo

早兩日行過千色店, 哲爸一見到有高達既泳衣泳褲說無論如何都要買給哲哲這天著. 雖然價錢不算平而且還不太合身, 不過總比穿普通衫褲落水好. 這天哲哲除了玩水玩沙之外, 終於不再全程遠離人群自己亂游, 不過就成日吼住 d水泡艇仔之類, 呢一日哲哲怒跟茄茄都跟左好幾次 ga...

https://youtu.be/3zDWgz8bGwE

同 anson爭推艇仔之餘, 兩位人兄仲爭對米 b獻殷勤, 可惜...最後比 jayson得"米"

多謝白雪又幫我地影左一張好真情流露既合家照, 次次白雪揸機影相哲哲望鏡頭仲笑得好開心, 以後出街去飲總之要影大合照時要 call埋白雪出黎先得, 嘻嘻~

仲有好多張哲哲玩水玩得好投入既相, 影得好有動感呀~

玩到咁上下又回到白雪家沖身小休

(係大人小休, 因為班細路根本唔洗休息, 電力源源不盡!)

今次 lin兄又焗左兩隻味既 muffin比班小朋友食, 最先係哲哲, 米b同 felix坐o係沙發度食, 食食下見咁得意於是就搬晒所有小朋友上沙發排排坐. 個個小朋友既食相都唔同好可愛, 但我覺得最得意既係佢地 d腳指仔, 細細粒, 好想咬...

https://youtu.be/Y5AE8aQfquQ

佢地排排坐食 muffin個樣真係好得意, 一路食就一路好奇我地點解係咁影相咁興奮. 雖然如此, 個個都好識搶鏡, 好似米 b食食下又用手托下隻腳, anson又笑到好燦爛咁拍埋落 jayson度, 茄茄見我地影相就好似明星咁向我地揮手, 個個都出盡法寶, 咁得人鐘意

mavis同 koko又有溫馨場面, 我都想哲哲要我讀書比佢聽呀...

米 b呢一日係咁要 jayson媽同杏子一人拖一邊手扶住跳高衝前, 聽 can講原來米 b好鐘意玩d 激烈遊戲 ga

當 jayson同哲哲爭玩具爭到喊時, 突然米 b現身聲都唔聲溫柔地送上一吻, 當時個個都呆晒, 依家睇返張相, 先知道米 b一路o係後面玩緊, 當留意到 jayson喊就即刻落櫈安撫 jayson, 真係好乖巧好體貼

https://youtu.be/dLr6TBQtUtc

呢一日又有西瓜娃娃食, jayson, mavis, 米 b好乖係咁拮 d西瓜比爸爸媽咪食. 哲哲, 我又要你餵我~~~

食完西瓜仲有 cova蛋糕食, 今次有 blueberry同 mango cake兩款. 個人異常極度喜歡cova這個 mango cake, 因為芒果陣味唔會太假, 個 base又唔會太甜太多 cream, 一向食蛋糕只肯食朱古力味既我, 難得會對朱古力以外既蛋糕食到停唔到口

再遊大埔海濱公園

去完鐵路博物館

才 5p.m.回家又太早

見天色還不錯

於是決定飛的再遊就近的大埔海濱公園

今次的入口和 上回 不同, 右轉就會見到一個小型遙控賽艇區, d船像真度很高, 速度好快, 睇到哲哲幾乎想扯脫安全帶跳落水!

一直的向上走, 見到金色噴水池就是上次我們最後一站的香港回歸紀念塔就近, 再往下走就會回到上次的大草地啦

不過呢...有人好似近日玩水玩上腦, 見到四周蚊型噴水池都想走落去玩, 係咁怨豬頭拉我走, 懶理我大字型訓o係草地上咁舒服. 為左分散哲哲唔準玩水既注意力, 唯有拉埋佢一齊玩碌草地, 可惜係失敗既 =.=

個天好藍, 有好多人放風箏放到好高好高, 不過佢地既風箏好大隻而且形狀特別色彩搶眼, 就算飛到好高好遠, 哲哲仍能認到風箏不是等於飛機或雀仔, 嘻嘻

呢一日仲可以同哲哲邊有風箏陪住, 邊o係草地上睇日落, 真係好幸福.

今日真係好開心

只因哲爸公司裝修可以連放星期六日

可以 hea住唔洗趕, 好悠閒咁去玩

如果個個星期都係咁幾好呢...

(唔洗得一日假安排節目行程咁緊湊慌死蝕底咁)

遊鐵路博物館

最近因每天都準時收看 now tv 442兒童台入面的 thomas & friends

令哲哲留意上火車

剛好昨日哲哲認出 jayson穿了一件 thomas背心

憑住呢團火決定今日帶哲哲去火車博物館

中午哲哲訓飽過後我們才施施然出發 (反正咁近搭小巴咁快)

去到就近吃個豐富既下午茶

到達鐵路博物館都已 4p.m.了

意想不到入面原來都幾多野睇, 而且哲哲真的對每一樣小物展品都很感興趣

當哲哲見到路軌, 急不及待要跳車落地行, 因為多石路怕哲哲走得急跌到會見血, 於是哲爸拖著哲哲一直的向前走, 完全不為意另一邊有對新人在影結婚相, 真係唔好意思阻到人地咁耐

除左對真既火車有興趣, 哲哲連對小模型都睇得好入神, 仲指手畫腳咁同哲爸有傾有講

咁肉緊, 哲哲想點呢?

當中有三架火車可供訪客內進, 怪不得哲哲咁肉緊係咁指住人上佢又上啦. 上到去都有好多龍友影緊相, model有老有嫩, 我都想哲爸幫我同哲哲影返輯~

沙龍相就影唔到, 不過就影左好多張母慈子孝既相...嘩卡卡卡

東影西影, 影到收館時間, 唯有等哲哲聽得明時再黎多次同哲哲上堂歷史課啦

完美一天遊海洋公園

夏日炎炎又去左海洋公園

(同 上次 一樣唔最熱果日都唔去搵自己笨) 

join左金卡唔去多幾次回唔到本

今次哲爸仲 join埋銀卡

每人去多一次就回本啦~

基本上同上次行程一樣

我們先去看熊貓館

見到小熊貓的哲哲很興奮, 不停"貓貓"聲地叫

哲哲見到這隻 cute版鱷魚係咁捉實鱷魚先生隻手, 情況好似初次見到米奇老鼠咁, 咁友善

沿路走到金魚館, 哲哲很好奇常常伸隻手指入魚缸掂 d金魚

也許今天天氣沒上次那麼悶熱, 哲哲對周圍的事很感興趣, 走到七彩氣球已經向天指住纜車, 上到纜車哲哲有點怕高抓著我不放, 經我深深一吻後好似緩和了不少, 嘩卡卡卡

上到山頂我們先到灣景餐廳醫肚, 餐廳外風景不錯, 涼一點的時候吹著海風吃下午茶一定很寫意

餐廳環境頗大但人也多, 我們大約等了二十分鐘就有位了, 雖然沒有被安排到坐近窗海景的位置, 不過坐得也挺舒服. 食物方面不過不失, 但價錢就有點貴, 平均一個主菜 $70, 粉麵都要 $45 (不連飲品), 感覺上迪迪尼較便宜及好味. 試過這一次, 除了坐得較舒服有冷氣嘆外, 我和哲爸心水都是吃小食吃潛艇餐好了

吃完飯哲哲睡著了

幸好午市忙完沒人再等位

我們在餐廳邊坐邊決定接下來的行程

上回看過小水母覺得很奇幻很優美

我決定再到水母館看看它們

(這個時候 2:30p.m.哲哲應該快醒了, 可以順道一起看水母)

不同形態既水母打上不同顏色既燈光及配上背景音樂, 顯得好有動感, 各有特式

參觀完水母館哲哲才醒來, 緣慳一面. 不過重頭戲海洋館哲哲看得很高興. 睡醒後精神好不單止, 還看到很大隻的海龜游上水面向哲哲 say hi, 又有鯊魚慢慢游近哲哲張大口, 更有一排排魚同魔鬼魚在水中心打圍游, 看得哲哲頻頻呼叫拍手叫好, 又追著大魚在窗的兩邊周圍同其他人邊笑邊講火星話

襯還有時間, 雖然趕不及報名餵海獅, 不過今次很幸運, 看到海獅張開口叫, 原來真係天生既大聲公, 叫得好大聲. 落到水底, 遇上這隻頑皮偷玩的小海獅. 有遊人拿著一個紅色的水壺打圍轉, 吸引到隻海獅來回跟著水壺的方向打跟斗, 好可愛, 看到哲哲也想伸手搶那個紅色水壺讓海獅轉一翻, 好精彩!

在哲爸入場時辦理銀卡手續時, 我 book了 5p.m.海洋劇場 vip席, 幸運地 book到最後的位子. 因為太心急, 所以 4:30p.m.己經入場等開 show (唔洗霸位, book位時已經安排好座位的) 全場座無虛席, 亦見很多人指著我們的位置想走入來, 呵呵呵, 我地唔洗霸位都有得坐 vip seat, 抵我地咁爽~

雖然唔係好聽得到廣播果位講緊咩野, 但海豚同海獅既表現真係好精彩. 可能自己好細個時曾經睇過海洋劇場, 總是覺得沒以前咁好睇咁刺激, 唔知係人大左定係真係無左殺人鯨既魔力? 我自己就睇得好投入, 相反哲哲只懂望著斜前方的機動遊戲城, 兩眼成場只望住跳樓機上上落落, 從沒留意過海豚的表演, 激死我啦~  

今日真係美好的一天

睇完海洋劇場我們就返歸了

天氣不算太熱, 有點風, 人也不算多

行程安排及時間又掌握得不錯

最好是哲哲精神不錯又沒有扭計

想哲哲看到的都看到了

唯是哲爸 join銀卡是沒有收到那本優惠小冊子

說是太多人申請派晒了

(不是附送的嗎? 好失望喔...主要是為了4張免費入場飛~)

不過現在申請直至 sep 30送多兩個月會藉

叫做有 d渣拿咁啦...

夏日青森遊: 一人一粒牛丸出海篇

總動員急急腳換好衫就步行到沙灘仔

下午天氣灰灰暗暗

一路上走上來個天感覺不像 上次 感覺咁 "青森" 

https://youtu.be/6etU8CCtWno

哲哲一路滑水一路拍手掌, 佢就刺激開心, 哲爸就無力倦死...嘻嘻 

https://youtu.be/1um3R_8phpQ

最開心是哲哲今天試著發現其他東西, 會靜心下來去觀察, 去嘗試. 之前都是甩開我們的手要自己亂行, 越走越離群, 不過當哲爸拿了一些海泥和哲哲玩, 哲哲竟肯坐下來用自己雙手去抓

這個沙灘是泥狀而且踩上去軟綿綿

陣陣海風吹來天氣又不會太曬或太涼

要不是潮漲

真想多逗留一會

回到白雪屋企

小朋友們輪著沖身後再繼續燒野食

幾乎所有小鬼們都沒有訓過! eason媽拎左個叮噹古怪屋比小朋友玩, 有著無窮既精力既小朋友依舊勁力十足係咁爬, 呢個時候其實我已經謝晒...無電啦...

哲哲大戰 monchichi! 其實係同 monchichi友好, 哲哲正在鍚緊 monchichi, 一直黎我都覺得哲哲同 monchichi好似樣 ga~ (photo by can)

見個個都玩到謝晒無力燒野食, 於是切埋個西瓜娃娃同菠蘿娃娃一齊食埋去. eason原來好鐘意食西瓜, 而哲哲就專攻菠蘿 (jayson因為要去婆婆度所以走左, 食唔到...)

入夜後

小朋友們相繼離去

全日哲哲都無訓過但都無扭眼訓發脾氣

短短數分鐘路

一上的士粒聲唔出訓左

破晒紀錄第一次完全無訓過玩足十二小時

明顯係太好玩太開心唔比機會自己訓~

p.s. 多謝 koko顧全我既面子私下單獨同我講返哲哲咬 mavis事件

暫時為止都是第一次知道哲哲咬人

不知道是因為唔夠人爭所以出口術

還是心急定發牙痕先會咁

以往哲哲唔夠人爭都唔會出口

暫時想到可能近日咬人狂哲爸老毛病發作

經常玩般咬哲哲

對哲哲來說可能不知道如何用力

所以有樣學樣用真力去咬

如果真是這樣的話

真係多得哲爸唔少呀, 哼!