我的小確幸

紅雨下, 兩隻臭豬訓晒覺, 覺得呢刻可以抖抖真係好幸福. 突然想起四年前寫過一篇blog tag: 我的小確幸, 不知道和四年前的想法變了多少? 三月最後一天的下雨天, 就由我的小確幸結束吧~

「小確幸源於村上春榭, 生活中『微小但確切的幸福』, 日覆日的重覆, 卻教人如此安心」

1./ 等車無聊時睇返手機和家人的合照

2./ blog和fb有朋友留言同爆like

3./ 獨自外出的時候收到哲爸whatsapp兩隻豬既相

4./ 拍到一張自己喜歡而又感動別人的照片

5./ 痾完dee無左個肥腩

巧虎之生病不怕看醫生

又一期巧虎啦, 今期既玩具好吸引, 「我係小醫生」套裝切合返今期既主題「生病不怕看醫生」~

【敗物】第一個staub x mannings

想不到人生的第一個staub, 是因著萬寧換印花scheme而得來 

【裝修】灣仔。旺角睇磚記

feb 16

呢一個月去了灣仔, 旺角集中睇磚. 選擇地磚既原因是木板太煩了, 要打蠟, 感覺上比較易花同難打理; 而石材價錢比較貴, 而且我們家用上來也不是太適合

參考了書藉及網站圖片, 在灣仔旺角走了一圈之後, 大約也知道自己喜歡的是什麼款式. 我和哲爸在家居的佈置風格上頗一致, 所以沒有很大的分歧

我們先專攻大廳用的木紋磚, 但越行就越無方向: 大陸磚, 西班牙磚, 意大利磚, 價錢由幾十到幾百, 紋理顏色大同小異, 睇落好似隻隻差不多, 但價錢又可以由數千到萬多, 相距很遠;

廚房浴室除了揀地磚, 仲要睇埋牆身既磚, 顏色由淺至深, 質感粗獷光滑, 和哲爸完全沒有心水, 基於沒有什麼熟識既牌子可做reference, 揀上來都頗困難, 因為不像其他家電潔具, 可以先決定牌子, 再在牌子內挑選最適合自己的, 簡單得多

四十蚊街市買餸大作戰

mar 20

平日到街市買餸身邊總有兩大護法, 哲哲時不時會幫手揀靚菜靚魚, 又會幫手夾凍肉, 細佬會負責將揀好既食材拿去給姨姨磅重, 這天心血來潮, 決定給哲哲來個小b大任務, 用四十蚊全權負責今晚的飯菜

「四十蚊街市買餸大作戰」, lets go!

一開始的時候哲哲好興奮:「真係? 今日真係可以比我自己決定買咩野?」

「係呀, 嗱, 四十蚊比左你, 你自己決定今晚食咩餸, 需要買什麼食材同買幾多, 去邊間買d乜你都熟晒路唔洗我講, 我地今晚食咩就靠你喇」 

「咁今晚洗唔洗煮爸爸飯呀?」

「唔洗, 今晚得我地三個人食, 你買三人份量就好了」

細佬兩歲了~

mar 17

i'm two!

沙田柚皮好好玩

mar 20

九月號的巧虎有介紹中秋節的應節食物, 哲哲看到書中的小朋友戴住頂帽覺得好好玩, 好想試一下. 哲哲口中的那頂帽, 其實是沙田柚皮來的, 既然哲哲想試, 一於同佢去街市買個黎玩玩吃吃

【裝修】搵裝修師傅度呎畫圖報價

上年十一月尾的時候, 奶奶找來了朋友和家姐仔義務幫我們上門度呎出圖, 因為樓宇結構有幅主力牆唔扑得, 所以整體格局無大改:

- 廳尾間多間房成為眼鏡房, 間房後廳縮細了, 而且會無自然光入屋. 雖然好唔想, 但屋細人多也唯有這樣做

- 廚房和廳中間幅牆打通成為開放式廚房, 目的想盡量擴大空間

雖然實圖還有好多細節未傾實, 但至少有幅圖才好辦事 (地磚報價, 裝修報價)

有了圖, 就要開始著手搵裝修師傅報價. 經奶奶的朋友介紹, 我們約了其中一位師傅上來報價, 師傅W在我們條村做了很多個同類型的單位, 我們也親身睇過好幾間, 手工聽說不過不失, 價錢中等合理, 同我們的管理處經過多次交涉頗熟絡, 而且知道單位結構上d「走盞位」, 不計傢私材料廚櫃全屋實用380呎約需十六萬, 當然最後埋單實不止這個數

認真玩遊戲

這個星期學校模擬區轉了新主題 - LL超市

這個超市認真不得了, 收銀台的八達通機做得像真的一樣, 連過機scan bar code都做得很真, 要說令這個收銀台生活感加分的就是BYOB的poster. 收銀機也不是假的, 入面有散紙有紙幣找續的啊

【奶媽日記】學爬, 學企, 出牙一炮過!

(已經係年半前既事...orz...真係要快d 紀錄返我有笑有淚既片段先!) 

dec 11, 2012

眨下眼細佬已經九個月了, 九個月既細佬越見可愛, 最近學識了拍手, 自從識左拍手之後, 出街成日見人就拍手, 好可愛; 見到濕紙巾知道係抺面的時候會自動mi眼 (因為怕細佬眼睛又生瘡, 所以一直來都不再用毛巾抺, 改為每次用純水的濕紙巾清潔)

有人發牙痕! 成日流口水, 明明食左粥但見到我地開飯仲叫晒想食, 唯有特別炮製d蒸到軟身既菜莖比細佬當牙膠咬. 細佬, 做咩你個樣咁錯愕呀?!

dec 19, 2012

人仔大左, 脾性都出晒黎, 細佬其實算係個惡人仔, 搶走佢手上既野會叫, 出街會不停講外星話, 有樣野要讚, 就係食飯好乖, 雖然無牙, 但我大口大口的餵, 細佬張口大大的吞唔含飯唔偏食, 所以一大碗粥可以十五分鐘內餵好, 認真叻仔

對細細粒既初一黎講, 呢碗粥都算幾巨...一菜一肉一魚, 天天如是, 夠晒營養, 希望快d儲肥細佬~~

學習方面, 細佬識give me five擊掌, 識byebye; 當我話「唔好」會定定望我發生咩事, 認知方面大致上都聽得明我們說什麼, 也懂比回應, 也能夠自己找東西扶住企了

哲哲的寫字練習簿

上年十一月的某一天, 哲哲在家準備打開練習簿寫字...

「咦, d字咁靚既? 本功課唔係我架喎!」

「係喎...可能老師搞錯左本功課, 錯手將你同同學既功課對調左」

「媽咪, 咁我係咪照寫字落呢本簿度?」

「唔洗喇, 等聽日返學校交換返時先補做啦」

「嘩, 媽咪, 你睇, 點解人人d字都咁靚, 乜我果d咁肉酸架?!」

(呢個事實終於比哲哲自己發現左XDDD)

珍重。再見

mar 2

當知道owen一家會有移居加拿大的打算, 真的非常捨不得, 每一次的聚會都像倒數, 非常非常的珍惜每一次的見面

呢日戰隊在杏子家集合為owen家準備了一個farewell party, 我們費盡心思的videio回憶錄, 有的是滿滿的溫馨, 希望owen betty manson都可以感受到

睇住呢個video真係好感動好感觸, 呢五年多小戰隊由牙牙學語, 學行學走, 到依家一齊打波跑公園出國旅行, 除左自己身為父母能夠見證著, 難得有一班志同道合既朋友能夠走進生命裡, 一齊笑一齊喊, 一齊成長

【裝修】我們的家。我們的風格

看著之前借回來的書籍及網上的website, 去了ikea走幾轉, 和哲爸落落實了我們家的佈置風格. 可能有人說: 一間三百餘呎的蝸居, 還學人談什麼佈置風格? 要慳就岩呎吋岩價錢就買架喇...可是事前沒能好好和哲爸共識一下, 到選購的時候很大機會有意見分歧而拖延裝修進度傷感情, 所以還是先好好傾一下, 正式開工後才好辦事

我和哲爸比較一致, 大家都喜歡比較復古簡約既風格, 暫時得出屋企個裝修方向會是這樣(遲下或許會因應實際情況而有所更改):

牆身會用米白色, 現在的家全屋都是藍, 平常在家影相總是影到人面色藍藍, 想製造空間感大d光猛d, 又想影相望落順眼d舒服d, 所以會選用米白色/米黃色

地板會用木紋磚. 色澤方面傾向淺啡, 淺啡好似靚d, 睇顏色之餘仲比較注意個紋理是否自然多變化

【裝修】刨書搵料點裝修? (一)

feb 6

因為對裝修這回事一無所知, 也不知道從何開始, 佈置風格, 建材用料, 租屋搵倉這些事都要一步步去計畫安排. 去圖書館借了幾本書, 希望能給我一點idea吧

超神奇糖果鋪

我們很喜歡逛圖書館, 一星期有一兩天放學後, 去完公園會到圖書館坐上個多小時才買餸回家. 試過星期六日到圖書館, 但人太多太吵, 書又亂又缺, 哲哲找不到他最近愛看的漫畫及天文書, 所以我們都頗享受平日安安靜靜到圖書館慢慢揀的寫意

早個星期在圖書館架上看到這本「超神奇糖果鋪」, 未看已經好奇究竟這間糖果鋪賣咩糖? 有幾神奇? 即場在圖書館和哲哲讀一次, 劇情幽默惹得引來一兩位小朋友一齊坐低聽, 聽完未夠喉, 哲哲說要借返屋企聽多幾次

究竟「超神奇糖果鋪」有幾得意幾神奇? 現在和大家分享一下~

崩牙駒

黑運繼續在屋企賴死唔走, 早兩星期我眼傷剛好, 上星期又慢性胃炎去了看專科, 早兩天參加俊哥仔既婚宴, 無端白事細佬跌崩牙, 鳴鳴...細佬那可愛singature的大板牙無了...

新春戰隊團拜

feb 8

好耐無試過咁齊人啦! 呢日同戰隊約左去飲茶開年, 小戰隊真係越來越多花臣!

「唔...食叉燒包好定流沙包好?」

「哲哲你畫緊d咩呀?」