這晚, 哲哲又爬上我們的大床, 佔了哲爸的位子和我談心
「媽咪, 不如我同你傾計丫」
「好呀, 咁你想傾咩野呀?」(合上書本)
「不如...傾下...你睇緊咩書呀?」
「我? 我睇緊影相相既書囉. 因為我想幫哲哲影多點靚相, 留返將來...」
突然有人走入來打斷話柄...
「哲哲, 你又訓左我個位?」
「爸爸, 我訓左你個位你無得訓, 我要同媽咪訓丫!」
「你返自己張床訓啦, 媽咪係我架, 哲哲」
「媽咪。係。我。架!」
「但係媽咪係我老婆喎」
「你唔係! 媽咪先係我老婆呀!」
常常因為朋友們分享生囡兒的溫馨小事, 甜言蜜語而感到幸福; 相對小男孩, 說貼心的話, 會體貼媽媽的需要, 更是難能可貴, 偶爾聽到一句半句足以樂足半天
有時聽到哲哲對哲爸的戲言看得很認真, 很惱要發脾氣和哲爸爭個長短, 不知道是好笑還是什麼
哲哲, 你不用和爸爸比一比「我鐘意媽咪多d」, 也不用擔心你的位子比爸爸搶了, 你永遠是媽媽的頭號情人, 要是爸爸獨個霸佔媽媽的話, 媽媽就一腳伸開爸爸, 可以了嗎? XDDD
