睡得真甜

昨天下午走完公園一轉, 回到家哲哲的體力都消耗得七七八八, 沖過涼, 吃過奶, 不用奶嘴不消三分鐘哲哲就睡著了, 抱著白豆一起睡的哲哲, 睡得真甜呢...(我倒是很想做白豆啊)

p.s.

一連吃了兩天的余仁生保嬰丹

今早起床不見哲哲流鼻水

暗喜

晚上接哲哲的時候姨姨細細聲說整天都沒有見哲哲流鼻水

thanks god!

今次真的很好彩

要暗讚一下哲哲第一次靠自己的抵抗力去打低病菌

一來今次應該不算嚴重

見他沒有因鼻水倒流咳醒睡不好或吃不下

知道哲哲病倒了

第一時間餵他一日吃一顆保嬰丹

沒有再讓他受半點的著涼

不用看醫生食藥算是鬆一口氣

一行七人美食團夜遊九龍城

復活節假的第三天 

哲哲病了

未知是哲爸傳染了哲哲

還是這兩天哲哲都吹風感親

不停打噴嚏流鼻水

還有幾聲咳

不過見哲哲精神還算不錯

所以沒有帶哲哲看醫生

只是這一天要留家休息

哲哲吃過奶後

足足睡了差不多四個鐘才醒來

這晚我們約了 bess家雄 emily到九龍城吃泰菜

店子是 bess介紹的, 名叫 金泰美食

我們叫了蒜茸飽, 咖喱炒聖子, 燒大蜆, 冬陰公湯, 火車頭炒飯, 飛天通菜, 雞豬牛串燒及全隻燒雞翼

再一人一杯沙冰凍飲

一行七人埋單都只是 $54x

飯後再到另一間新派甜品店吃飯後甜品

這一餐就比較貴

吃的是有特式的甜品

不過味道一般

但賣相一流

環境都算坐得幾舒服

這一晚哲哲也飽嚐口福

總之我們吃什麼也給哲哲吃幾口

遲早會寵到哲哲嘴刁不肯再吃我煮的淡而無味的粥~

之前的泰菜太好味, 沒有人打算停下來就極速的清檯, 所以沒有拍照呢, 吃得飽飽後才能停下來在甜品店補回大合照

我和 3小k有個約會: 遊嘉道理農場

復活節假的第二天

我們和靖天及天朗一家到嘉道理農場

準時 9:45a.m.到農場門口取限定24名名額的 shuttle bus上山頂

出發囉~

先在門口拍照留念

入場不久又收到老闆電話

要我盡快連絡 14間 CRC有關搬公司事宜

結果逐個電話打, 逐個解釋, 花了不少時間才能正式四周參觀

一連兩天的電話轟炸

加上這兩天哲哲特別扭計

今天的我完全情緒失控

又炆又火到極點

一路上看到的野豬, 鷹, 野花貓等等都不入腦

全程花了一小時二十分鐘搭 shuttle bus上山頂

沿途途經很多景點都是很值得一看及拍照的

點解哲哲會咁樣? 因為我心情唔好, 哲哲又曳, 一日要 lur落地亂咁行唔跟大隊, 抱住佢行又發癲, 又唔肯坐車車, 累到靖天同天朗一家為左等埋我地睇少好多野, 為左洩憤, 於是我整鬼哲哲, 我要睇到佢個豬樣, 我要佢哄返我笑!

又點解哲哲嘴戚戚咁樣? 因為我嬲左哲哲唔睬佢唔望佢, 佢今次又咁乞人憎唔睬返我轉頭, 所以一味死痴哲爸, 仲唔肯望住我 tim

不過點嬲都好, 始終都係自己個寶貝仔, 算啦, 原諒多你一次啦~

上到山頂的時候很大風, 對於大汗滴細汗的我們來說, 迎面而來的一陣涼風真的清爽極了, 天朗笑到卡卡聲, 可能微風吹到面孔的感覺很有趣吧

靖天飛腿, 我嗟~ 爸 b, 問你怕未?!

哲爸抱住哲哲樹上的葉兒, 抱住哲哲上上落落, 引得哲哲哈哈大笑, 兩父子笑上來的樣子真係成個餅樣, 都唔知有邊忽係似我既?!

今天有兩個小驚喜, 第一件是不知哲哲是否很肚餓, kat請哲哲吃條狀餅餅, 哲哲不單肯吃之餘, 還成功吃完一整條, 而且更大方得和哲爸分享, 對於平時只把玩不多吃餅乾的哲哲來說, 能吃完一整條已經很叻叻了. 第二件事就是哲哲第一次肯在我和哲爸面前拿著電話喂, 看到哲哲肉緊地拎電話拎到臉蛋兒都扁了, 很可愛呢~

鬧又鬧過, 哄又哄過, 左扭又扭既哲哲終於睡著. 事緣我們回程的時候個個都有點餓, 剛好今早我們買了一小袋提子飽以備不時之需, 分了一小半半給哲哲後, 我們正忙著上落斜坡找回出路時, 竟不為意發覺哲哲咬了一小口就睡著了. 仔呀仔...一早乖乖訓覺咪好囉, 搞到大家都筋疲力盡咩都睇唔到,  咩要你訓覺真係一件很難的事嗎? 媽媽覺得在大自然的環境下, 鳥語花香, 微風伴送之下坐在車子跌跌蕩蕩的睡是最嘆的

回程大合照一張~

易醒的哲哲在回程的時候才睡

有那麼的一剎猶豫好不好不離開

因為通常一抱起哲哲就會醒

哲哲是不輕易的再次睡著

原先 rainbow kathy還提議到元朗飲茶吃午飯

不過見哲哲今天的狀態不太好

昨天又走得倦, 今天又早起

哲爸作感冒, 精神又好像不太好

所以有點掃大家興

我們決定還是回家好了

與哲哲喪跑於中間道兒童遊樂場

與 bertin及 hadyen一家話別後

米 b媽帶路到 中間道兒童遊樂場

這個遊樂場分了兩個區域

一邊是適合年齡細一點的小朋友

相反另一邊為大朋友而設

以哲哲的脾性

其實去邊都是一樣

反正他只會低下頭密密腳的向前向後又或打圈走

看來哲哲甚有做馬拉松選手的天份!

烈日當下

沒睡過的哲哲

走呀...走, 連在茶樓的時間在內

應該不停的走都有四小時了

他不倦的嗎?

我和哲爸卻倦死了!

捉住了哲哲要他玩滑梯, 不過似乎哲哲的目光就只有地下...

mavis: 爸爸媽咪你地係咪陪我玩ga, 做咩只係望住個相機ga?

 jayson勇往直前堅定既眼神, 好英呀~

這邊廂 米b都唔係女流之輩, 下盤好扎實下 wor

多得 lin兄同 jayson媽拎出支吹波波o係度吹, 終於吸引到哲哲唔再周圍行到無雷公咁遠, 肯在我們視線範圍內走來走去, 真是鬆一口氣...呼...茄茄企定定擺 post, 似足杏子咁淡定大方有錢淨~

玩了差不多兩個鐘

見哲哲都差唔多夠皮了

於是跟白雪車回程

呢一日大人細路都夠晒皮

返到屋企隻腳好似舊鐵咁...重到搬唔郁, 哈哈!

與 bertin飲個茶, 食個飽

復活節假的第一天

和一眾朋友與遠道而來的 QQ媽咪同 baby bertin到尖沙咀飲茶

不過這一天的心情不是太好

一來前一晚睡得很差

走的時候還在擔心留在公司執包袱善後的同事

二來又擔心今天不知老闆會不會打電話臨時要我返工

結果飲茶的期間接下不少電話

不是要求我即時打電話做呢樣果樣連絡這人那人

就是打來說我安排不善

走的時候怎麼這樣那樣

放假本應開心享樂的時候總是被這些煩人的事打擾住

真討厭...

第一次見 yan yah chu, 經常滿面笑容又唔扭計, 好可愛呢~

邊似得呢個百厭星一黎到就拎筷子當鼓棍咁打鼓!

平時只能在睇 blog見到 bertin同 QQ, 今日終於可以一睹蘆山真面目啦! bertin真係好靚仔仲好識擺 post: 有憂鬱泊牆沙龍 post, 又有迷人微笑 look, 引死人啦~ 最可愛就係 bertin好熱情, 成日摟住哲哲, 開心得滯更會係咁拍自己個頭, 好過癮!

9 pair families分開兩檯坐, 雞啄唔斷咁一人一句傾湊仔經, 席間除了少部份時間班 bb會坐定定一齊食件馬拉糕之外, 其餘時間都係周圍走. 玩到七七八八時, 茄茄訓醒左, 同一直都好爛玩唔肯訓既哲哲, hayden同 anson合照一張

 因為 QQ同 bertin仲有下半場節目, 所以飲完茶我地就要分道揚鑣, 我地一個二個把握最後機會同 QQ bertin影相

商場內的大合照

之後我地就往中間道兒童遊樂場出發!

4月4日兒童節的這一天

4月4號兒童節

這天哲哲特別乖

一早 7a.m.醒來見我地唔理佢就訓到 9:30a.m.我地起身佢先一齊起身食奶

中午的時間公公婆婆放假入來陪哲哲

到了樓下茶樓飲茶

婆婆買了很多零食絡哲哲吃, 不過其實好多哲哲都未食得住

哲哲真係好現實, 有野食就話之你~

https://youtu.be/gkEM4A81hQU

最衰都係姨姨啦, 整喊人地...呃人咁多次都唔比人食, 緊係嬲啦~

食飽飽之後就和公公婆婆姨姨到了馬鞍山公園散步

https://youtu.be/mS-qbEv9WaM

呢個傻哲哲, 想似平時找野扶住自己落樓梯又落唔到, 叫公公抱又唔成功, 見到佢心急如熱窩上的螞蟻就覺得好好笑

https://youtu.be/0Jm3Lko-wk4

不過百厭既哲哲又點會被這些小問題而阻到佢要落樓梯? 識應用落沙發既技巧, 雖然有點搞笑不過都算係 problem solving的一種方法. 其實之前仲有個更笨的落樓梯方法好好笑, 不過錄唔到...就係哲哲一行到樓梯就打轉背跌落去, 唔通哲哲想似隻駝鳥咁, 以為見唔到就唔洗面對?

見到 5p.m.就出發到奶奶家吃晚飯

這晚太婆, 姨媽同姨丈也有上來

這天我們能和眾多親戚一起過真的非常滿足同開心呢~

菇頭哲 @馬灣之行

等左好耐好耐好耐...

今日終於有機會夾到時間同到呢班朋友仔一齊去玩啦

不過近期真係好忙

忙到連時間地點安排同有邊位朋友仔參加都唔知

只係知道白雪同王子好好人

約我地一家 11:45a.m.樓下等車埋我地一家去荃灣碼頭匯合 (真係十萬個唔該!)

準時 12:30p.m.去到碼頭等埋杏子同 felix媽一齊搭船去馬灣

上左個船板見郁郁下仲以為原來已經上左架最新款要企o係度既船

哈哈, 真係未出發就先興奮

今早見有少少時間快手同哲哲剪左個頭, 不過如常地要哲哲坐定定比我地剪晒成個頭是不可能的, 唯有修一修前額的頭髮, 嘻嘻, 極愛哲哲呢個冬菇頭 + 大細眼 + 歪嘴乞人憎樣

上到船, 團友哲率先跑出訓著, 餘下團友 a古靈精怪引人發笑~

看哲哲訓到幾甜幾傻豬...唔通比哲爸批中, 山長水遠入黎馬灣真係為左 "呼吸" d新鮮空氣?

到啦到啦, 咦? 點解哲哲咁快醒左既? 因為某人叫我放低哲哲落車仔訓, 明知個仔好醒訓, 一放低就會醒都仲要我放, 所以...訓左15分鐘就醒左, 個樣仲矇盛盛~

落船後, 沿途環境清幽, 未到馬灣公園大人細路都已經很興奮了, 到達公園之時, 見到一條條木製的長樓梯, 迂迴曲折, 好像永不見盡頭嚇窒我們一班爸媽. 天氣又熱又曬, 白痴既我們仲著長袖衫 (哼, 邊個話馬灣會大風會凍呀?!), 一袋二袋, 於是搏一搏, 泊低架 bb車在入口欄杆, 場面都幾壯觀的, 不過哲爸無影到...

同美肌白雪的合照. 唔見左 anson既? 因為 anson第二個跑出, 訓著左~

經過無窮無盡通向不同地方既木樓梯, 好辛苦終於上到一個望鳥台, 地方夠晒大, 可以比我地一班大人抖抖之餘, 小朋友周圍走都唔怕. (真係好辛苦, 又熱又曬, 抱住哲哲又發癲要落地, 但佢又唔比人拖住佢行, 上完樓梯又要落樓梯, 真係身水身汗) 圖中 felix同哲哲其實o係度追緊 d bubbles, 不過影唔到 d波波...

哲哲好曳好百厭, 走來走去不特止, 仲快步跑落斜坡, 比我地捉住佢就發脾氣. 好辛苦引到哲哲停下來看美麗鮮艷的花花, 拍一張半張照

好喜歡這張哲哲同茄茄貌合神離既相, 同埋一齊孖住咁行開, 好大個仔 feel呀!

正當一班小朋友在草地搶波波時, 米 b著左一身最潮既春裝 + 邊咬水杯邊搶波波既絕技, 帶波走人!

mavis在這班小朋友來說已經o係大姐姐, 搶波波呢家野緊係無難度啦~

好薄皮既哲哲因為唔夠訓又搶唔到波, 扁嘴喊law...邊似茄茄, anson同 mavis咁大哥哥大姐姐會讓哲哲

玩左一輪, 米b爸提議到另一角的樹蔭下抖涼休息一下, 就襯這段時間給哲哲吃點下午茶. 哈哈, 個個小朋友既下午茶都係清一色: 麵飽

真係好多謝白雪幫我影到現時最滿意最喜歡的合家照, 最重要的是哲哲乖乖坐定定滿面笑容望鏡頭, 好難得!

回程的時候, 6架 bb車泊在一起既場面令所有在場的食客及遊客為之壯觀. mavis因為訓著左, 所以 koko抱住, 哲爸黎唔切攝入鏡. 嘻嘻, 做咩 jayson晒馬晒對節瓜手出黎? 係咪想話比人知我係真真正正既節瓜俠? 那邊廂茄茄同anson就爭靜宜, felix就懶得理, 隔岸觀火. 米b好叻叻仲係一個守規矩既乘客 tim. 點解? 因為佢識自己爬上車仲扣埋安全帶, 叻到痺!

最後

由終極 3分鐘結束整日的行程

港島區的船隻還有 6分鐘才開船

但非港島的餘下 3分鐘就開船出發 (可惜太趕, 唔係好想影到呢個經典場面)

於是我, 白雪, 杏子同 felix媽一家極速飛車咁標住去個碼頭上船

(飛咩車? 除左 bb車仲有咩車可以飛?)

是次活動開開心心咁完結啦~