家裡停電的一天

dec 23

是日屋苑大廈全棟停電, 第一日放聖誕假就迫著要九點出門, 事關九至五點呢段時間沒有電梯沒有熱水壺用沒有電視或電燈, 在家會非常不便, 為了打發時間, 我們一早就出門到戲院睇早場

哲哲看過「一生一定要認識的全球領袖五十人」, 一直很想看宮崎駿的電影, 我自己小學的時候特別喜歡「風之谷」和「天空之城」, 當哲哲知道有宮崎駿的新戲上演, 第一時間話要看這個

「風起了」講的是夢想的追求與實現, 哲哲還小, 根本不知道什麼是夢想, 相比起來「與龍同行」哲哲和細佬應該會睇得更投入. 不過哲哲執意要看, 也就買飛入場lu~

細佬的第一份聖誕禮物。「巧虎」

dec 25 

聖誕節的早上...

細佬的衣櫃旁出現了一份神秘的聖誕禮物! 細佬一覺醒來, 見到紅噹噹的禮物包, 第一時間拖佢上床準備拆開喇~

聖誕老人回信啦~

每天打開信箱的時候, 哲哲總會很納悶:「媽咪, 點解郵差叔叔成日都寄信比爸爸唔寄比我既?, 我都好想收到信丫」

「唏, 郵差叔叔寄比爸爸d信, 全部都係交錢, 無咩好期待...」

早陣子哲哲寄了一封信比聖誕老人, 知道聖誕老人會回信, 也就變得更期待, 看到信件會第一時間看看是不是自己的名字. 這晚回家如常打開信箱, 終於有信比哲哲啦!

等左兩星期, 感覺如隔三秋, 聖誕老人寄比哲哲既信終於收到啦! 哲哲掩不住興奮, 好想即刻拆開就睇!

自己的衫自己縫

dec 9

這天哲哲放學如常和同學在公園玩, 不小心弄甩了自己的衫鈕, 回到家問哲哲想不想試下自己縫補, 從未試過拿針線的哲哲自然一口答應

第一口鈕經我示範之後, 第二口鈕全權由哲哲負責了, 結果係點呢?

第一個步驟就要取線, 剪出一個適當的長度, 睇哲哲似乎有d笨手笨腳, 哎呀, 甩手添!

「日與夜。兩個我」上育兒雜誌了!

真的很榮幸有機會將自己既文章在雜誌上分享, 說來要多謝pre mo同baby mo的記者了

幾個月前收到pre mo孕媽咪的記者留言, 想我分享有關坐月代茶的文章及心得, 那時覺得「前輩媽媽」就談不上, 不過之前做資料搜集有一點小分享倒是可以和雜誌的讀者分享一下. 回答了幾條問題, 放了一張我和細佬笑容合拍的照片就完成訪問

是次訪問收錄於十月號的pre mo孕媽味. 收到雜誌的一刻, 覺得很好奇, 雖然大約知道內容, 但再次閱讀自己的文章有種特別的感覺. pre mo的記者姐姐人很好, 給了我們兩本作為紀念, 細佬看到自己的照片都很驚奇呢~

【新加坡親子自由行】day 6: Bengawan Solo的斑蘭蛋糕。回港

sep 1

趕趕趕! 跑的速度返sentosa拎返行李出黎, 仲有個半鐘就起飛, 但係我地仲要搭MRT去機場, 好驚丫~~~

終於來到機場, 搭完接駁車再跑到check in counter, 空無一人, 離起飛仲有半個鐘, 唔係真係咁邪上唔到機嘛...?!

鼻敏感的故事

這天早上, 哲哲鼻敏感發作

「媽咪, 點解我成日鼻敏感架? 幾時先唔會鼻塞? 幾時先會好返? 點解爸爸傳染左比我咁耐都唔好返架!?」

這是哲哲有史以來, 第一次向我呻對鼻敏感的感受, 以往問他總說沒有問題

「哲哲, 呢d唔係叫傳染, 叫遺傳. 傳染係會好返的, 但遺傳是一世. 你鼻敏感可以食藥或者噴鼻舒服d, 但到你老左鼻敏感都一樣會存在, 唔會好返的」

秋遊。佐敦谷公園野餐

nov 1

早陣子我們和麻麻一時興起, 齊齊去了大埔海濱公園踢波打羽毛球, 見到草地上人人都野餐, 哲哲問怎麼我們什麼也沒帶來吃, 好失望, 這天哲哲學校放假一天, 於是和哲哲到佐敦谷野餐, 希望給哲哲一個小小的驚喜

又是「一人一花計劃」。鳳仙要過盆

nov 24

上年沒有收到學校一人一花, 所以k1時買下來花盆和肥料泥土早就掉了, 早兩天收到學校派來的小鳳仙, 因為不想花錢再買新盆, 所以請麻麻從家裡帶來

今天終於可以和鳳仙過盆了

(工具短缺, 所以用外賣匙來代替, 哈哈)

一次生, 兩次熟, 有了秋英既經驗, 這次夠膽自己過盆了. 根據非專業花農既教路, 首先找來一個大小適中既花盆, 將泥土先鋪一層在底部, 鋪到七成滿就好, 中間預留空位放置花苗

新開始

轉眼間就半年了, 這半年真的是我們四口子最快樂的日子

那天你說這半年失去的錢雖然多, 但心靈上卻得到很多的滿足, 現在能每分每刻都能看到兩位寶貝兒子, 一想到即將返新工, 能夠再有這次的機會應該很微, 是這陣子最開心也不捨的事. 聽到後心裡有點感觸, 雖然很希望每天都能像現在這般天天相對, 半年, 著實再多的半年, 一年也不夠, 不過也不想你的才幹埋沒, 意志被消磨, 所以還是很支持你任何決定

早上送哲哲上學, 突然想起了, 原來對上一次送哲哲上學的時候是產前一個月, 足足有一年多呢~ 這一年多你每天都送哲哲回校, 你說雖然很倦很辛苦, 不過能夠讓我多點休息, 細佬多睡點, 能夠和哲哲早上獨處閒聊, 那怕只是十分鐘也是值得的. 怪不得現在你, 我, 哲哲頓時也會不習慣吧

老公, 好好享受新工作所帶來的樂趣, 願你工作順利!

寄給聖誕老人的信

nov 26

某天在網路上看到有關寄信給聖誕老人的訊息, 想起哲哲這一年學懂的中文字多了很多, 於是問哲哲想不想親自寫封信給聖誕老人, 向他說出自己的聖誕願望. 哲哲聽到覺得很好奇, 不用想就即刻去拿紙筆埋位坐定定了

「哲哲, 你有咩說話想同聖誕老人講呀?」

「err...我唔知講咩好tim...丫! 我諗到啦, 我想要好多禮物! 我想聖誕老人送好多禮物比我!」

為免封信寫到一塌胡塗, 我先聽哲哲的意思, 起了個初稿給他書寫練習

哲哲反覆寫了好幾次, 可能涉及的字太深了, 哲哲模仿了幾個寫得很吃力, 隔了一晚, 我們將內容簡化, 寫得更直接了當

清爽不膩的lovea有機洗髮露

早陣子看到一篇網上的文章:「你在用化學致癌物洗頭髮, 清潔身體嗎?!」 

我們每天常用的個人護理產品中, 近半含有化學有毒物質(如塑化劑, 環境荷爾蒙物質等等), 長期使用, 或會干預內分泌系統, 引發神經病變, 影響發育及免疫系統, 男的會精子減少, 女的會性早熟, 有專家指市民應避免長期使用同一種合人護理產品, 以免毒素累積

嘩, 聽上去很可怕, 想起前排家中嬰兒洗髮乳及沖涼液用完之後, 懶得再買, 這些日子我們就求其將平時用的doxx和哲哲沖涼洗頭就算. 「影響發育, 精子減少」, 真係唔想連累哲哲同初一既將來, 於是的起心肝打算買返齊嬰兒護理產品

正在苦惱, 之前用開的mustela, 對初生bb還可以, 但對哲哲這個大男孩來說潔淨力不夠; seba的對有輕微濕疹的哲哲來說又太乾, 思詩樂的二合一泡泡其實幾好用, 不過千色店停售, 附近的藥房又無得買...點好呢?

【備戰升小】自行收生有結果了

自行分配學位有結果了, 朝早八點半, 登入學校網址, 睇下有無哲哲個考生編號先...

非常幸運, 榜上有名呢~

之前問過該校校長, 要是爸爸有舊生分的話, 由於此校沒有宗教分, 區內算是次熱, 機會很大, 所以能夠自行成功也是意料之事

同班中除了有三四位同學是依靠哥哥姐姐就讀現校而成功自行外, 其餘全軍覆沒, 十五分既自然失望, 廿分入紙馬循/馬主的也落空, 自行學位不足, 要在大抽獎的位中抽掉七個來填滿廿五分的那批, 注定明年一月大抽獎時競爭更激烈了

老實說, 本來還想試試手執廿分去搏馬主, 又或是十五分去報馬循(始終比較心儀這間), 始終覺得雨川大致合乎我意, 只是派位真的很一般. 現在倒是鬆口氣, 多得哲爸有舊生分才可以安然無恙, 「進可攻, 退可守」呢個戰略管用啊! 再者新校長上任三年, 派位成績穩步上揚中, 六年後派位能否有個亮麗既成績, 也不是沒可能的事

這天和朋友一齊到學校註冊, 難得兩位爸爸都係同校舊友, 哲哲和思賢又是同年, 同樣大家都係兩個仔, 真的非常投緣, 一知道可以齊齊做同學, 彼此都好開心呢~ 

交齊資料辦好註冊手續, 終於安樂晒! 可以無憂咁玩埋呢個k3生涯了~ 

【新加坡親子自由行】day 6: chinatown唐人街。食不停的美食之旅

sep 1

玩完skyline luge, 我們回酒店check out寄存行李在大堂, 之後乘sentosa express出harbourfront station度食亞坤咖椰

黎到亞坤緊係要嘆返個咖椰吐司(SG4.6), 跟餐可以吃水煮蛋溝豉油, 但這個食法太怪, 我們沒膽試, 只點了一客吐司齊齊分享. 味道就是酸酸甜甜, 配上即烤的吐司, 口感很好. 奶奶見味道不錯, 於是買了樽咖椰醬(SG4.8), 可以回香港烘麵包搽來吃了

嘩鬼大鬧南昌公園

oct 27

每年十月, 嘩鬼出籠既季節又到啦! 呢日約埋一眾「老友鬼鬼」在南昌公園搞搞震~~

又是「一人一花計劃」。新畿內亞鳳仙

nov 22

k1的時候第一年學校參加了一人一花計劃, 經我一翻努力, 總算擺脫「植物殺手」既污名. 上年學校沒有派花苗, 以為逃過一劫, 誰知這天老師給了我本年度的花苗 - 新畿內亞鳳仙(2013/2014)

天啊, 又要掛著戰戰兢兢的心情去栽花了 (這個栽希望不是『栽倒』的栽...)

【新加坡親子自由行】day 6: 極速好玩的skyline luge

sep 1

新加坡之旅黎到最後一日啦, 真係超唔捨得返香港! 一早起身食完早餐, 把握時間在sentosa四圍看看影下相先!

假如我是大雄...

這天放學的時候, 和哲哲閒聊, 東講西講, 忘了說什麼說到三項鐵人比賽 (太幸福了, 話題多到轉換得很快呢~)

「媽咪, 點解我學左成個暑假仲未識游水既?」

「要學一樣新既野並唔係短短數月就能掌握得好架, 一定要持之以恆, 就好似果本『一生一定要認識的全球領袖五十人』, 入面個個主角原本都唔係好叻, 但全部都好堅持去做一件事, 所以最後會成功囉」

「媽咪, 咁我依家咪好似大雄咁, 一樣唔識游水囉?」

「係呀, 唔識游水, 第日有朋友仔約你出海玩, 個個游到出面得你一個咁大個人仲要用卡通水泡岸邊游, 幾醜怪XDDD」

「丫...如果我係大雄咁就好啦...」

好孩子星星獎勵計劃

最近開始了兩星期的星星獎勵計劃, 進度良好, 一星期比一星期有明顯的進步呢~

【新加坡親子自由行】day 5: 仙鶴芭蕾

aug 31

參觀完S.E.A.海洋館, 離場的時候剛好遇見仙鶴芭蕾開始了, 原本對這些激光show沒什麼興趣, 見那裡人山人海, 於是也湊熱鬧看看

其實不就是一對機械仙鶴配上不同的視覺效果在跳芭蕾~

齊齊做簡單好吃的牛乳布甸

nov 12

這天為了一個特別的任務, 和哲哲一起親子入廚, 做簡單又好吃的牛乳布甸

點解突然想吃牛乳布甸? 事緣想起兩年前和哲爸說起想學整牛乳布甸, 哲哲誤聽為「牛丸」布甸, 即時面色大變頻說味道古怪一定好難食, 想起哲哲那個樣子真的好好笑, 和哲哲說起舊事, 哲哲也不好意思的笑自己傻豬豬~

份量及做法不詳談, 想知的朋友請click這裡翻看舊文

分工合作, 哲哲幫手看準量杯, 我就負責倒牛乳, 哲哲真係好緊張, 多少少都即刻提醒我「夠喇夠喇太多喇!」

2nd studio album @FACE Lifestyle Icon

oct 17

哲哲兩歲的時候影過face studio, 那時的印象不太好, 感覺攝影師唔太識執生, 或許哲哲UFO上身四圍走好難影的緣故

這次團購了face的攝影套餐, $289/20張相, 和以前多個場景相比, 現在明顯縮水了, 場景只得一個+白佈景一個, 不過20張相少d場景都可以接受啦...主角是細佬, 哲哲當日正在發高燒, 出奇地狀態奇好, 笑容足亦很合作, 差d搶左細佬鏡~ 這次兩隻馬餾很合作, 所以照片出來大部份都很好, 很滿意, 廢話不多說, 睇相吧~

【新加坡親子自由行】day 5: 非去不可的S.E.A.海洋館

aug 31

今日行程真係好豐富, 最後一日留在sentosa, 務必要把握時間去盡想去的地方. 晚上我們在園內kfc快吃, 趕緊到S.E.A.海洋館睇魚魚

這個節目專誠為細佬而設, 哲哲對動物海洋之類沒有什麼興趣, 和他到海洋公園動物園之類總是催促著去玩的多, 細佬則相反, 每次在街, 電視又好書本又好, 一見到公仔/動物之類就會興奮地尖叫, 所以這個節目專誠為細佬而安排啊, 意料不及, S.E.A海洋館異常好睇, 哲哲第一次睇得這樣投入, 差d唔願走呢~

在我地去左adventure cove waterpark時, 細佬同奶奶在sentosa四圍行, 倦到食晚飯時才睡著, 原本都擔心一場來到難不成整場都在訓? 好在入場不久已經醒左, 錯過了晚飯, 唯有邊食麵包邊睇魚喇...

【奶媽日記】成功過渡固體食物!

nov 2, 2012

細佬越來越趣怪, 會自己用手拍個口整d古怪聲出黎, 呢兩晚同我齊齊訓大床, 打側訓時搵啜啜會lee埋眼張開口係咁搵, 好似喪屍覓食咁XDDD

有人玩到想訓覺 XDDD

nov 5, 2012

買了一筒星星餅, 吃了兩天, 可能練慣左要張口食同吞, 今日終於叫順利食左半碗粥; 左右兩邊轉身好自如順暢, 有時同佢玩玩下會好似寵物狗咁好嗲人

細佬, 你真係越大越可愛, 超多表情, 呢張相開始知道你條蛇蛇脷又長又捲曲, 好厲害~

nov 7, 2012

暫時順利一日食到兩餐粥, 每次食到半碗, 終於識張口吞, 好感動. 雖然比其他bb遲左dd, 但因為我餵人奶, 大部份食物平時細佬都從人奶中吃過了, 所以日日轉款都唔怕, 唔洗擔心奶粉b怕食物敏感, 一開始每款連續食上幾日無問題先轉得

最近細佬成日想扶野企起身, 隻腳屈起ready, 只係差d力就成功架喇!

真係好感動, 試左咁耐終於食到粥了, 更令人感動是哲哲永遠捧場, 餵細佬一啖哲哲又搶住要食, 成日問細佬幾時食完, 幾時可以將食淨果d比埋佢食~

新書入櫃

sep 25

早兩天才大出血淘寶了整套oxford reading tree, 今日去了一年一度火炭景行出版社的開倉, 唔洗問都知道又破財了...

自細佬出世以後, 和哲哲上圖書館借書的時間少了, 應該說哲哲開始長大, 很久之前買落的書在這些時間慢慢一本一本翻出來看, 而且哲哲最近吞書量強, 為了配合哲哲的求知欲, 花錢買書回來放書櫃, 好讓哲哲閒時看, 做完功課看, 上廁所也看, 早上起床又拿來看

上次城邦做六五折, 第一次大手筆買入繁體書, 積落的越來越多, 這次去開倉忍手不再買故書繪本, 一條心target英文書及其他類別 (如科學, 太空, 人體奧妙, 地圖世界歷史等等), 這些年培養了哲哲喜歡閱讀故事性的繪本外, 還想讓哲哲知道書本有趣的知識範疇多的是

一於將屋企個書櫃太反轉, 換過晒注入新類別!

英文這兩本, 說的是小朋友換牙的故事, 正好讓哲哲有心理準備 - 換齒的階段即將來臨; 而另一本是教小朋友禮貌說謝謝的重要性, 然而這兩本不是重點推介, 以下的才是哲哲的新寵!

317 buddies第一次野餐 @佐敦谷公園

oct 13

好久不見317 buddies了! 這次難得就到時間可以跟大隊一齊玩, 半年不見, bb們都長大不少~

這天公公婆婆也到來, 成場攬住細佬不放, 太掛住孫子了吧

【新加坡親子自由行】day 5: 令人失望的adventure cove waterpark

(最近晚上在追「walking dead」, 睇到都沒時間寫blog了, 為免爛尾, 還是快快寫吧) 

aug 31

要說最後悔的, 就是花時間花錢去玩這個adventure cove waterpark了!

一開始我們是真的沒打算玩這個adventure cove waterpark, 一來價錢貴(兩大一細SG89), 二來入面既玩意確實不太適合哲哲, 丟低哲哲同細佬我同哲爸去玩的話我們又不想

這早port of lost wonder因為泳池出「大事」要清場消毒, 我們被迫提早離開, 萌起了「貴就貴, 但一場來到不如都試埋這個水上探險樂園吧」的念頭, 可這個念頭真的是太錯了...

【新加坡親子自由行】day 5: 小朋友樂翻天的水上樂園。port of lost wonder

aug 31

port of lost wonder 奇幻樂園真係小朋友既水上天堂, 來聖淘沙真的是非來不可~

做功課需要一盞明燈。3M博視燈

sep 29

我們家中的小木檯是哲哲歲多的時候在ikea買的, 小時用來畫畫和玩玩具, 上了幼稚園自然成了小書檯. 早陣子發現哲哲做功課的時候常常瞇起眼睛, 才發現書檯的位置背對光, 平常玩陣玩具不為意, 認真做功課上來才出現問題

試過每次做功課就整張檯搬去廳尾, 用自然光書寫最好, 可是搬出搬入很麻煩. 考慮到k3開始功課越來越多, 日後上小學也需要長時間在書檯做功課溫習, 於是哲爸就去做了資料搜集, 買了一盞書寫用的3M博視燈回來

【新加坡親子自由行】day 4: 文東記海南雞。328加東叻沙

aug 30

游完水返房梳洗完畢, 我們決定出島找好吃的! sentosa內不是food court就是貴的餐廳, 我們情願自付多一次入島費也想出外吃新加坡必吃的文東記海南雞

【新加坡親子自由行】day 4: hard rock hotel泳池游水

aug 30

在酒店執好隨行用品, 島內免費任搭sentosa express去到尾站的beach station, 開始我們聖淘沙之旅了!

原定的計畫是到port of lost wonder度玩, 可是去到門口...

下?! 是日維修? 點解在sentosa website同counter都唔見貼有告示既? 白行一轉, 要轉軑去沙灘玩嗎? 一係玩green ride? 但著住泳衣又熱又焗玩green ride唔舒服, 點好呢...?

【新加坡親子自由行】day 4: 聖淘沙節慶酒店sentosa festive hotel

aug 30

好感動, 終於等到今晚可以訓酒店啦~~

食完松發肉骨茶, 回到house我們坐的士到vivo city準備買票入sentosa, 去到vivo city, 一排長噴泉感覺好涼快, 在新加坡似乎隨處都能找到這些降溫消暑的噴泉玩意呢~

水清沙幼 @海下灣暢泳

jul 29

炎炎暑假, 不跳進水裡暢泳實在太浪費了. 這天即興和同村的朋友仔思賢去游水, 本來想去斧山道泳池玩海盜船, 可是今天是公休, 腦裡想起朋友之前到海下露營, 說那裡的沙幼水又清, 於是就決定試下新地方

在西貢碼頭轉小巴再入海下, 雖然感覺上去西貢好似比去大清近, 實質計起西貢入海下那轉小巴車程不短呢~

兩位小男生邊搭小巴邊你一句我一句, 眨下眼落車到左啦~

【新加坡親子自由行】day 4: 自製熊仔build a bear workshop@vivo city

aug 30

今日重點行程, 就係去vivo city既build a bear自製一隻屬於自己既熊公仔

之前無意中上網看到這間build a bear, 就決定點都要黎朝聖, 正所謂唔買都睇下嘛~

言語治療開始了

jul 9

等了一年有多, 終於等到去威院做言語治療了! 原來的期是今年十月, 某天收到來信可以提前三個月見治療師, 真是望穿秋水啊...

這天和哲哲去到威院, 治療師詳細檢查了哲哲的舌頭口腔均沒有問題, 只是哲哲不懂運用舌頭及發音時舌頭放的位置不對, 建議做多點練習應該有改善

淘寶: Oxford Reading Tree Stage 1-9 連教學導讀本

sep 23

常言「語文能力是要花時間浸出黎」, 哲哲小時候我們沒有刻意教英文, 縱使不再抗拒, 如今哲哲的英文只能說中等水平, 不多不少和小時候沒有接觸英文有關

有了這經驗, 自然希望初一可以從小多接觸英文. 就算不能每分每刻都英語對話, 至少每天都讀一些英文故事, 一點一點的滲下, 長大後會易點接受

初一也很有趣, 書櫃中哲哲那套scholastic sight word readers本來放家中墊煲底咁滯, 有天竟然拿來要我讀, 一讀還要讀上十次八次, 更神奇的是初一會跟住我讀:

「we go up」「up...」

「we go down」「down...」

「run! said the lion」「run...」

「can you see the dog?」「dog...」

剛好早前新買了幾本英文bedtime story book, 哲哲很喜歡, 即使看不明, 閒來也自己打開看圖片, 然後振振有詞的(亂)讀一堆英文出來, 見到哲哲好像開始對英文有點興趣, 想起早前網友淘了一套oxford reading tree(下簡稱ORT), 也就萌起不如我也淘一套回來和哲哲初一一起讀的想法了

【新加坡親子自由行】day 4: 初嚐松發肉骨茶

aug 30

今日行程緊密, 要快手快腳出門先得!

一早出門有uncle john車我們到松發肉骨茶吃早餐. 聞說當地人喜歡將咖椰和肉骨茶當早餐吃, 對我們香港人來說, 一早起床吃肉排吃白飯飲肉湯真的是胃口也未開

有網誌說要是中午或傍晚吃肉骨茶, 店中有名的靚肉排賣光, 餘下肉質稍遜的拿來賣, 為免一場來到吃不到美味的東西, 這天我們入鄉隨族, 一早來到松發務必要吃到美味的肉骨茶!

體驗飲食文化。稻香飲食文化博物館

jun 22

天氣預告說這幾天會下雨, 去不了戶外活動, 想起火炭有個稻香飲食文化博物館, 近近地又是室內, 應該可以打發時間

打了電話去預約, 費用全免, 剛好這天下午有個時段可以報名, 於是輕輕鬆鬆什麼也沒帶就出門

童年回憶。成語動畫廊

oct 2

還記得他們嗎?

他們是熊貓博士與yy呢~

還記得初小的時候, 每天傍晚都會播一兩集, 短短兩三分鐘的故事就介紹了一個四字成語, 趣味又有意義, 那時除了tvb播動畫之外, 還有出漫畫, 哲婆婆有買了兩本給我做獎勵呢~

早前逛三聯書店無意中看到VCD有售, 一套一百八十個成語賣$380. 私心自己想回味一下, 又想哲哲睇家中淘寶的disnesy美語世界睇了好多年還是很喜歡, 就想不如買一套回來可以齊齊睇, 反正早點學成語對小學寫作造句有用, 就算不完全明白, 當故事看看也是好

【新加坡親子自由行】day 3: 老巴剎食串燒

aug 29

去完legoland玩到散晒, 計畫好去newtown food centre找平靚正食, 點知包車司機車到去入口前, 明明熱鬧既夜市竟然漆黑一片, 沒半點燈火開鋪的跡象, 就好似有日花園街完全無晒人影死城咁, 連司機都好奇從未見過這個情況

極度失望之下, 唯有叫司機放低我們最近的MRT. 打開地圖, 想起昨晚想吃串燒沒吃成, 不如就現在去吧

搭了三日車, 發覺哲哲無ez-link卡好唔方便, 而且單次買票價錢比用卡的貴, 計過往後幾天也會經常搭車, 所以在MRT出了一張小童卡比哲哲

【新加坡親子自由行】day 3: 包車去legoland

aug 29

終於到左哲哲最期待既legoland啦~

對哲哲黎講, 成個trip印象最深刻難忘, 一定有legoland份, 食好玩好玩到唔願走~

樽頸位

最近哲哲學跆拳方面遇上樽頸位

「媽咪, 我唔想再返跆拳啦, 都唔好玩既, 成日都係練果d野, 好悶丫...」

「袁sir送左護陰比黃xx同袁xx, 點解佢地有我無既? 我唔制呀, 我又想要丫~」

自考完黃綠帶之後, 現在備戰的是年尾考綠帶. 要考取綠帶力量要求更強, 耍套太極二形拳要更準繩集中. 我沒有每事問的習慣, 完全信任袁sir既教導和哲哲的能力. 因為哲哲有想要放棄的念頭, 於是這天和袁sir了解一下哲哲在堂上的情況. 這隻臭豬, 大有可能是和我們呻呻而已, 不排除在堂上仍舊快樂起勁地練習

「Canon IXUS 咔嚓童盟」。剎科了

sep 29

不經不覺, 歷時一個月的「Canon IXUS 咔嚓童盟」拍攝終於完結, 曲終人散, 真係有點捨不得...

雖然大家只是相處了一個月的時間, 但小童盟一個個都很可愛又乖, 一星期拍一兩次, 每次見到他們玩得挺熟絡, 覺得有d似拍「愛回家」既感覺, 哈哈

【備戰升小】自行收生

sep 27

終於收到了, 是時候要作出抉擇了. 究竟要揀一間必入但不算最心儀的, 還是揀一間很喜歡卻又機會很微的學校呢?

經過這幾個月的時間, 不停的思索怎麼樣的學校最適合哲哲? 每一次得出的決定都在推翻自己前一刻的想法

我自己本來不是太著重升中派位這方面, 主要是近屋企, 校風純樸, 老師有愛心耐性, 學生質素不太差, 學術中上, 帶點活動性比較適合哲哲, 大熱既不敢揀, 所以心裡一直意屬雨川, 而且這所學校也是哲爸的母校, 無宗教背景下, 在區內算是次熱, 手執廿分校長說穩入

身邊有部份朋友和舊同事都在這區長大, 不約而同大部份都出身於沙田中的名英中, 小學也是有名的那幾間, 所以她們異口同聲都建議, 無論如何都要揀馬主, 沙呂, 培基的來讀, 為的當然是很優越既升中派位

反覆思索, 就算馬主我有廿分, 前面還有一大堆廿五分同我爭, 雖然校風嚴謹重紀律是我杯茶, 但這麼催谷的學校, 不知道哲哲受不受, 要是自行不入, 大抽獎自問無命水, 一派派到第八九個志願隨時有我份, 叩門更是零把握, 如此冒險還是放棄了

馬循是最心儀的, 可是我們只有十五分, 更是無望

想來想去, 還是堅定自己的意願, 選雨川吧. 哲爸說雖然雨川派位很一般, 但起碼自行穩入可以定一定個心, 這半年時間盡最後努力裝備哲哲, 最後階段能叩門既就叩, 叩不成就隨緣, 起碼雨川在本區好歹也算是頭三四熱門小學

要不就再花一年時間, 升小二再到處叩門, 不過太長遠了, 或許到時哲哲真的讀得不錯又識到新同學, 他自己也不想轉校吧

既然如此, 別再多心想其他, 我相信雨川會是一所好學校, 能給哲哲順利過渡小學生生涯

【新加坡親子自由行】day 2: singapore zoo

aug 28

這天的行程到北區的singapore zoo, 因為地點鄰近我們的house, uncle john同auntie alice(奶奶的朋友)很客氣的車我們前往, 所以比較有充足既時間在樓下的餐廳吃早餐

在超市買飲品時, 看到「三色益力多」(SG7.5), 在當地才有的特別口味, 所以買了一排來試試

這年中秋

sep 19 

這年中秋, 依然是病住的過, 上年中秋假才第一日哲哲就腸胃炎, 這年輪到細佬, 剛開始中秋假就發高燒, 幸好往後的節目都有哲爸帶住哲哲出去玩才沒有浪費假期 

中秋正日, 我們吃過晚飯, 約了同區之友到馬記公園賞月玩花燈, 前一天帶哲哲細佬挑燈籠, 細佬看到形形色色的燈籠還在檸頭呱呱叫不要, 這晚就算發著燒, 去到公園即時生猛晒, 拖住個燈籠四圍走

細佬丫, 呢條係魚黎, 唔該唔好好似放狗咁將條魚放落地拖行丫...XDDDD

【奶媽日記】抗體, 請賜我力量!

sep 17

餵人奶的關係, 一直來細佬都比較少病, 發燒既次數, 往往都是打針後才發出來, 至今是四隻手指都數得出, 就算作病狂打乞次, 餵密d, 不用吃藥, 都可以兩三天自然痊癒

細佬一歲後轉了早晚兩餐奶, 自覺奶量比以前減少了, 每次啜啜的時候, 很快就軟扒扒, 然後就有點懷疑, 夠不夠奶供應之餘, 我的抗體有少到嗎?

終於細佬這早打完歲半針, 中午過後就發燒, 一燒就燒了六日. 以往都沒有睇醫生餵藥水, 這次因為燒太厲害, 所以還是乖乖給了藥

病了, 變得特別痴人, 就算正在發燒熱辣辣也要痴住爸爸訓

【新加坡親子自由行】day 1: 夜觀marina bay sands wonderfull show。merlion park

aug 27

從house出發到city hall, 朋友之前給的ez-link卡可以出場啦!

一開始我們沒有為哲哲買張小童卡, 所以就散買一次車票, 新加坡的MRT很方便, 看圖示連哲哲也知道怎樣買

「Canon IXUS 咔嚓童盟」見報啦!

sep 22

上星期canon錄製外景節目時有蘋果日報的記者來採訪, 這天報導出街啦, 一早就有朋友whatsapp告知蘋果的動新聞及副刊見報, 於是第一時間走落街, 買返份報紙睇下先!