【敗物】廚房好物小店。Noble Living

oct 12 

裝修完後, 自然想逐一幫家裡的廚具小物換新用靚靚, 最近在某fb煮食group常常看到很多人「放毒」, 西貢某家店子賣廚房小物平靚正, 顏色多選擇, 可以襯返屋企既煮具. 於是這天一家四口到西貢朝聖, 順便到市集逛逛, 到處飲飲食食

Noble Living

西貢敬文街9号高勝樓38号地下 (電話: 8101 4047)

地點其實唔難搵, 去到西貢巴士總站, 落車見到7-11同美心, 向右邊條行入, 行多兩個街口在十字位就到了

五蚊不見了!

哲哲小學有小賣部, 放小息時常常看到同學買野食好開心, 早兩星期前向我表達了「想有零用錢」的想法

本來我認為, 小息有我提供每天不同的零食, 放學又不需要留校補課上興趣班, 實在沒有零用錢的需要

「我丫, 費是自己唔記得準備小食比個仔餓死佢, 塞佢幾蚊由佢自己買野食」

「都唔知準備咩小食好, 食黎食去都係果d, 比錢佢鐘意買咩食就買咩食喇」

想想其實哲哲的小食真係天天不同好多花臣, 哲哲自己也很滿意很期待, 都說每天打開食物盒, 同學們都搶住吃他的小食, 又說某某同學每天都吃同一種, 一定很悶. 既然哲哲開口想要, 於是先吩咐他查看一下, 小賣部賣的東西有什麼, 價錢又是多少, 再作決定

新鮮人有新鮮事

oct 9

開學個多月, (看上去)哲哲算適應得不錯

開學第三日話想時光倒流變返k3生, 想同返班幼稚園同學一齊上堂一齊玩, 到第四日放學就見佢神色凝重, 一出校門就喊, 問佢發生咩事又唔肯講, 飯又食唔落, 連續幾天既茶點又唔多食話無胃口, 再問之下, 原來中文科主任話佢上堂唔留心話左幾句, 不過哲哲堅稱自己無遊雲, 唔知自己點解聽唔到主任既說話, 唔開心又驚既情況下哭了, 後來問清件事教了哲哲下次如何做就解決了

至今都有時聽到哲哲話比老師話, 不過應該練厚了面皮, 知道話過唔好再做就無放o係心度了

話晒小一生, 點都有d新奇事, 開學第二星期開始在學校午膳, 才第一天就有惹笑事件!

話說老師在班房向逐位同學派餐, 派到哲哲和思賢(同村同班好朋友)有點技術上錯誤, 不知道他們預訂的是什麼餐所以未有得派, 兩位小朋友誤以為「媽咪會帶飯黎所以學校無餐派」, 於是烏sir sir同老師講屋企人會帶飯, 結果老師又真的以為他們是自帶飯, 學校上下四處找又找不到他們飯盒, 最後才打電話給我問清楚, 足足搞了大半個鐘他們才有飯吃, 兩位劉生真係超搞笑XDDD

【裝修】淘寶買燈。旺角買盒仔燈篇 (一)

aug 17 

之前同哲爸去過家合居同四方家居睇燈, 感覺大陸既燈係比香港平, 但質素真係無咩要求先得. 水晶燈既話, 近睇d水晶好膠好假, 而且又會花花地唔會咁晶瑩通透(始終係一分錢一分貨), 燈口唔平又斜, 如果買水晶or「參考款」就返大陸買抵d

深圳d鋪標出黎個價係好貴下,就咁聽你一定唔會買,但當你問佢地係咪實價時,佢就會講個平成差唔多六折既價錢比你,之後再講價佢地頂多再減多少少, 聽人講好抵好抵就聽得多, 但安全程度呢?

有朋友做裝修說, 雖然香港的燈都是大陸買, 但佢地會再加工, 良心既電工會做少少野加工, 換番d安全d既線, 大陸果d入面唔係純銅, 包住電線既膠唔係耐熱耐屈

諗落其實買完仲要自己抬返屋企, 上落火車又輪盡, 就算要買大陸貨, 應該會轉投淘寶/天貓

網上既評語都好壞參半, 就算身邊既朋友分享有些就毫無問題, 有些朋友就說用左陣好快有問題就要換, 買過盞新既其實同香港買又差唔遠, 不過價錢確實同香港真係差一截, 所以都值得試下淘寶, 唯有小心d盡量揀天貓人氣盛既店子(比淘寶有信譽保證), 花多少少時間去睇評語

【敗物】新敗物駕到。staub 24cm雙耳鍋~

sep 21

呵呵呵! 之前買落未有貨既staub 23cm oval serving dish終於有貨啦!

普通一個焗盤都要七八百幾蚊, 依家呢個$999有埋蓋可以蒸煮煎焗都得, 仲可以做pepper lunch! 暫時用過佢黎蒸肉排, 蒸鯇魚, 金菇牛肉煲同當焗盤放三文魚或者雞翼入焗爐, 好方便好好用~

最開心, 就係收到牛姨送既入伙禮物!

sogo是日優惠有新出既24cm雙耳鍋, 其實用法同le creuset既buffet, 不過lc比staub貴得多, 而staub對應lc buffet的是蜂巢鍋, 內裡凹凹凸凸我又不喜歡, 現在出新鍋, 緊係好想要! 牛姨好好, 一早去sogo幫我買, 雖然size 24cm未係最心水既size(本身target 26 or 30cm好像較適合四人家庭使用), 不過將條魚尾剪少少就放得落, 鍋子細細地放上檯唔會太難夾餸

終於識踩兩輪單車喇~~

開學之後, 小學雞哲哲每天都很忙(是, 我也很忙), 竟然成個九月都沒有機會出外玩, 頂多抽時間落樓下踩轉單車

暑假前和哲哲訂立目標, 今年暑假一定要學識兩件事: 縛鞋帶同踩兩輪單車. 暑假時有教過哲哲縛鞋帶, 但不知道現在是否記得; 踩單車直情因為太忙而忘掉了

最近和哲哲重提起, 真的要認認真真, 花多少時間都一定要學成

九月尾某一晚, 難得快手做完功課有時間, 約了同學仔到樓下踩單車. 同學仔正在學踩兩輪, 和哲哲交換了玩具玩, 那次是哲哲第一次踩兩輪單車, 我一邊在後面吃力的扶實, 又要顧及細佬, 這晚學得不成功, 不過叫第一次嘗試

試用: Aegis愛家仕防蟎枕袋

早前收到pr姐姐給我們一個很貼心的試用 - Aegis愛家仕防蟎枕袋, 正好給一直受鼻敏感困擾既哲哲和哲爸一個試用既機會

每逢轉季或天氣轉變, 換床單, 洗冷氣機隔塵網的時候, 哲爸都會連續打十多個噴嚏, 一卷廁紙才剛開不久, 很快就會用清. 鼻敏感既情況遺傳了哲哲, 這兩人每早都是輪流打噴嚏, 流鼻水, 哲哲鼻塞既情況特別嚴重, 講野長期「鼻萌萌」, 訓覺時自然睡不好

鼻敏感原絕大部份是來自塵蟎. 塵蟎是極頑強生物, 生長於25度左右, 相對濕度75%既環境, 大量滋生在枕頭, 床褥, 沙發等溫暖又潮濕的地方, 以吸食人體血液及皮屑為生. 塵蟎本身不是致敏源,它的排泄物卻是家居的主要致敏源頭. 透過呼吸, 進入身體, 引起如鼻敏感, 濕疹, 甚至哮喘等過敏症狀

塵蟎只有100-400 微米

過百萬塵蟎寄居在枕頭和寢具內

有研究指示, 一張兩年的床褥, 內裏滋生了超過兩百萬塵蟎。而一個使用了六年的枕頭、 它的四分一重量是塵蟎、 牠的屍體和排泄物。

【裝修】開turbo! 油牆、裝廚櫃 (day 63-67)

aug 19

短租約本來是aug 23交吉, 25號吉日搬, 但很明顯, 點催點迫, 神仙都變唔出間屋當天就可以入住. 未有地台床, 未有廳櫃, 未有浴屏沙發, 基本上仲係吉屋一間, 假天花未裝, 油都只係油左一層. 奶奶說唔想比多個月租錢, 叫我們邊住邊裝邊滅蟲, 又叫我們每日call爆師傅一定要趕工, 但真係唔想搬晒入去, 一屋都係雜物, 又有人住, d師傅點開工? 唔想師傅w趕頭趕命就粗製濫造, 享一時之快換來日後痛楚

所以, 唯有延期到下一個吉日, 師傅說多幾天時間一定趕得及, 那餘下幾天就讓傢私牆壁多吹幾天散散味, 我們時間鬆動點也好, 一於決定sep 1才搬 (唉, 即係又要比多四千蚊繼續住間爛屋, 呢幾日好熱, 開住個吹熱風既冷氣真係好辛苦, 電費又貴, 條氣超唔順!)

八月中的時候真係比較勞氣, 日日都要問實師傅w今日將會做d咩, 邊d邊d又幾時做. 好似睡房地台床同廳櫃, 每日都答唔實個送貨日期, 一時話過兩日, 過兩日後又話要過多兩日, 再問又話個廠未答實, 眼見時間一日一日咁過去, 真係好擔心延遲多一個星期都未必搞得掂

飯廳牆終於都油上色了, 第一眼望落真係好sharp, 興幸最後決定無油落沙發牆, 一入屋就見到咁大幅橙黃色既牆會有點刺眼, 現在油在飯廳牆, 感覺每次吃飯的時候都會很愉快開胃~

【裝修】廚櫃揀料。簽圖落實正式訂做

jul 20

今日再去名家廚落實設計圖, 順便揀埋料

設計上沒有大變動, 除左個暗桶稍為縮短一點(原因是想飯廳位再鬆動一點), 連帶廚櫃門在數字上再縮短多一點; 廚櫃底板縮高, 留待師傅w預裝兩支T5光管在兩側; 檯面如我所要求, 比一般標準高度稍為矮一點; 近洗衣機下排的櫃桶門鉸, 依名家廚建議轉了170度的門鉸, 原因是通道太窄, 90度開的門會擋住條路, 拎野都唔方便, 依家換個加大角度既鉸會方便d

因為我們是開放式廚房, 左手邊的位置會有部雪櫃, 所以加了個側板, 至於側水擋就無加到, 距離鋅盤都有一段距離, 應該唔會倒到水去果邊

hot summer!

最後一個幼稚園雞的暑假, 很想每天都出去玩得高高興興, 暑假開始時有兩星期半天的小學適應課, 中途也要(帶住兩件)為新舊居頻頻撲撲做跑腿, 哪處都去不成, 臨近開學的時候又要執箱搬屋趕入伙同上模擬小學課程, 著實可以玩的時間不算多, 不過依然盡我能力帶住大細劉生四處玩, 希望哲哲和細佬都能感受到

暑假第一擊, 就係落商場去戲院睇早場! 幾乎每一年的暑假都有多啦A夢大電影上畫, 哲哲這樣喜歡, 當然要去睇, 呢日我地去睇德仔, 哲哲大個仔了, 睇戲時大部份都睇得明套戲講乜, 細佬比起上年也懂事很多, 睇動畫聽埋旁白都很理解, 一開始入去睇黑炆炆既「 大電視」係有d驚, 不過很快就好投入, 兩兄弟一路睇一路食零食, 不知幾爽!

【裝修】買大門、房門、鐵閘

jul 28 

揀門買門真係一件好頭痛既事

六月的時候, 和哲爸快看一圈, 已知揀門一事肯定難以選擇, 盡量抽時間和哲爸到旺角建材街一帶睇定有咩心水. 月頭的時候師傅w叫我地係時候訂定門, 準備裝房門同大門框, 不過睇左前後四五次都好難抉擇. 結果拖左師傅兩星期先落實到買邊道門

時間少, 只得假日可以出去睇料, 又要帶住兩隻馬餾, 睇多陣都叫悶, 一係在人地鋪頭搞搞震, 話得呢個時又要捉住另一個, 根本就睇唔到D咩野. 有次仲趕到襯哲學校綵排未放學前帶住細佬撲出去再趕返去接放學, 去到鋪頭睇唔夠半個鐘就要走人, 真係大汗疊細汗

款式方面, 哲爸喜歡大宅門那種古舊式, 雖然我都鐘意, 不過用在三百呎(不是三千呎耶)的家好像格格不入, 希望找到一些像新式住宅/apartment的款式

房門比較喜歡白, 奶奶卻不是太喜歡淺色/白色, 覺得小朋友容易撞花, 而且唔襟睇, 過幾年就會黃. 反反覆覆想了很久, 還是決定揀灰白色, 一來自己喜歡淺色, 二來大廳沒有陽光, 如果用白色既房門可以將空間擴大, 望上去也較明亮

與幼稚園同學短聚

sep 7

今日好開心, 我們約左哲哲幼稚園最要好既同學僖僖到公園短聚. 本來打算暑假中的時候待家裡裝修好, 再邀請僖僖到家裡玩, 最後工程延期, 開學趕入伙, 哲哲不知幾心急話要盡快約見面

不見數月, 以為兩位小朋友一見面會攬頭攬頸, 點知又無bor, 兩個就好似以前返學咁, 走在一起, 就算不說話彼此也安心的各有各活動

小一開學了! 新鮮人報到!

今年既九月一真係好難忘, 除左係哲哲升小一既大日子, 同時亦係我們搬家的吉日, 兩樣重要的事放在同一日, 分身不暇, 夠晒頻撲

開學兩星期, 頭幾日哲哲有點鬧情緒, 是緊張, 是不安, 是還未適應, 亦可能是我們這陣子都在忙趕執漏, 執屋pack箱入伙的事, 對哲哲內心的照顧未夠, 興幸現在家裡的事完工得七七八八, 哲哲的小一生活也漸見適應

以前自己開學最喜歡做的事, 就係在新書寫名寫班別同包新書. 不過對哲哲來說, 每本都要寫上自己的名字, 筆畫又多, 對他來說是件苦差, 哈哈, 不過我騙哲哲第日做boss的時候都係要每事簽名, 就當現在自己是boss批閱文件好了~

開學那天, 哲哲都很合作, 一早就起床, 不過明顯未訓醒, 搭lift的時候仲係好矇咁既樣XDDD

【裝修】裝冷氣, 批灰油牆 (day 46-52)

(終於有時間砌好張檯, 坐定定開電腦打篇blog. 家, 搬定了, 我們很幸運, 新居有驚無險完成度及滿意度值九十分, 只是還有點手尾未執完, 雜物也未完全安置好, 現在繼續龜速補文中~)

jul 27 (day 46)

踏入七月, 進度真係好慢好慢, 一方面覺得樓上單工程令師傅要調動人手上去, 另一方面都覺得師傅w放慢手腳, 由之前一日有兩三個人上黎, 到最近可能一個人, 更有時三日先有師傅黎tim, 可能同時接左其他工程掛, 總之我要八月交吉準時比到間屋我就由佢喇!

牆身開始批灰油底油, 個場仲係好爛好爛

暑假再學游水 @史丹福

相隔一年, 哲哲捲土重來學游水啦!

實情是小學有游水課, 為怕哲哲唔識游水加埋手笨腳笨會跟唔上, 於是提早暑假來個warm up. 也許大個左無以前咁驚水, 加上有朋友仔一齊學, 今年哲哲比我感覺有自信左

兩年前中午時去學, 因為怕一早一晚d水還凍, 結果苦了我和幾個月大既細佬, 捱住曬咁企度等哲哲放學. 今次學夜晚, 雖然水會凍, 不過正好可以鍛鍊一下哲哲, 爸爸見哲哲有心學, 知道哲哲凍, 仲買左件保暖衣為哲哲加油呢~

有人學水覺得悶同倦, 相反有人就好恨去游水. 每次講到要學游水, 細佬都會喊住話「一齊去」, 無得游, 唯有「鐵窗邊緣」咁羨慕哥哥

大鄉里新發現: 平靚正的ula雨傘

以前經過沙田火車站, 知道大堂入口有部雨傘自動售賣機, 不過一直都沒有很留意, 只是覺得咁搞笑連傘都有得自動販賣

暑假某一天和朋友到沙田閒遊, 天氣突然轉差, 手上又沒有雨具, 怕一陣下大雨的時候無遮會很狼狽, 於是就幫襯左ula自動售賣機

聞說每一部售賣機賣既遮都唔同色, 如果想要心水既顏色要到唔同既港鐵/火車站碰碰運氣, 因為熱門既顏色很快會賣光啊!  

小一開學用品準備當中...

仲有一個星期哲哲就係正式既小一生, 聽日亦開始模擬半天既上學情況. 由幼稚園升小學無論上課時間, 學習模式, 課程及要開學準備的東西都完全不同, 深怕自己買漏東西, 網上隨處看看就找到「開學三十七件事」的購物清單, 聽落好似好誇張, 不過對我們這些「新鮮人」來說, 絕對有個參考價值~

未來六年都會在這所學校學習上課, 這年報了學校舉辦為期兩星期的小一預備班. 每天都會有不同的課上(科學實驗, 小食試做, 中文英文數學, 人際關係, 美術及普通話等科別), 也會有兩個小息, 正好可以讓哲哲熟習這所學校及模擬小一生的課程上的轉變

【裝修】砵蘭街買料篇 (day 44)

(睇返轉頭, 踏入七月成個工程停滯晒, 果排每日都在忙同嬲緊樓上漏水件事, 完全無時間同精神跟進舊屋裝修事宜, 真係多得樓上唔少)  

jul 24

呢段時間間屋都無咩野睇, 依然係爛屋一間, 可幸的是樓上終於答應開門比我地師傅入去重鋪浴室地台, 下星期開始師傅要調動人手上去, 又要拖多個幾星期零進度了, 唉...

間屋無進展, 唯有update一下早個星期同師傅出旺角買料既情況

試用: 玩具反斗城之「開學用品大優惠」

每年暑假, 小朋友除左玩得開心盡興之外, 家長們亦開始忙碌為小朋友準備開學用品. 哲哲今年升小一, 要準備既東西認真唔少. 早前收到玩具反斗城的產品試用, 其中有16"迪士尼公主書包同筆袋, 即時想起哲哲個表姑係公主粉絲, 呢件禮物送比表姑就岩啦, 齊齊開心!

非公主迷既我, 只係識得灰姑娘同白雪公主, 除左表姑識晒幾位公主既名堂之外, 連姑丈公都認得, 果然屋企有個公主迷連帶屋企人都會識XDDD

「悠然。母乳生活」攝影展

aug 9

大約在十個月前, 上年年尾的時候, 在母乳協會看到有個攝影活動, 招募母乳媽媽為模特兒, 由資深攝影師張峻(Keith)操刀, 以寫實的手法及精心的場地選材(包括公共交通工具及公眾地方), 呈現母乳媽媽動人的故事, 藉影像宣揚母乳餵哺是媽媽的權利, 是生活的一部分, 只要寶寶有需要, 母親可隨時隨地餵哺孩子, 無需受外界影響

不知道大家有沒有發覺, 公眾場所很少餵奶室, 就算有, 好大機會是殘廁? 媽媽可以選用餵奶巾, 不過大熱天時焗住, 想想也覺辛苦吧. 這個活動正是希望大眾多點體諒, 也希望政府多點設立哺乳室方便母乳媽媽

當時覺得這個活動很有意思, 很快就發了照片, 填了個人資料報名了. 過了兩個月, 收到協會的回覆, 和攝影師Keith會面, 說了自己在母乳路上的經歷, 甜蜜與困難, 了解這個活動是完全不能用餵奶巾, 完全放開的情況下在公眾場所餵哺母乳, 對自己和家人來說, 無疑是需要極大的勇氣

這方面可幸哲爸非常支持, 經過協會一輪揀選, keith對我們的故事很感興趣, 有幸收到電話, 可以和其餘十多位媽媽參與活動

第一次攝影的日子, 定在上年一月一日元旦日, 那天剛好有遊行. Keith選擇這個地點是因為知道我曾經在遊行隊伍中埋身餵過, 可惜那陣子我大傷風, 推掉了這個機會

【裝修】樓蘭磚都鋪好了 (day 32)

jul 10

都忘了什麼原因, 等了差不多兩星期師傅才鋪地下既木紋磚. 好心急想睇下樓蘭磚鋪成點...

一入屋, 原來師傅正在鋪磚, 好奇睇下師傅點鋪先. 咦, 呢個好似mini robot咁, 幾得意bor

哲哲的畢業禮

jun 10

期待了許久, 畢業禮終於來了. 說起畢業禮真是一殼眼淚

數月前學校有通告, 說六月將舉行畢業禮, 如同每年的聖誕匯演一樣, 學校不鼓勵家長帶相機, 因為大會有攝影也會製作成DVD派給家長, 不過我也很好奇再三問了班主任好幾次, 是不是當天不能用相機, 場內不可拍攝. 班主任回答那天是不建議帶相機. 結果我是真的很傻很天真, 那天去到尖沙嘴的大會堂外, 才發覺人人也帶相機, 噢, 不是相機, 是大炮(長鏡相機), dv更是不少得

人人都在為自己的小朋友拍照留念, 有些家長自備畢業袍, 花束, 甚至畢業公仔來拍照, 相比自己兩梳蕉咁瀟灑, 頂盡得部爛到不能爛既手機, 即時覺得中伏了...

本來安慰自己那些家長只是現在拍拍, 場內不準拍攝, 到時都要收起來. 誰知入到去才發現人人都set好腳架來影相, 果一刻我真係好想喊, 好想時光倒流, 呢個場合就算唔帶大機唔帶dv, 平常出街都會帶部x10, 點解今日會咁聽話依老師講咩都無帶呢?

什麼照片影片都沒有為哲哲留下, 這一切一切美好的只能留在腦海中(自我安慰)

學校安排很周到, 憑劵入場, 安排的位置在台的正中心, 也不會離舞台很遠, 可以很清楚的看到表演, 要是有相機一定能拍很多好照片. 噢, 我又在提傷心事...

玩具反斗城之「開學用品大優惠」

上星期好開心收到pr姐姐既邀請, 試用近期大熱既「魔雪奇緣」同「變形金剛4」既文具開學用品, 我呢個貪玩既媽媽日日帶住哲哲同細佬四圍玩, 老實講又真係咩都未準備, 襯住暑假就快完結, 係時候幫哲哲準備開學用品升小一喇!~

今次既試用文具好豐富, 多謝晒pr姐姐同玩具反斗城既安排, 一齊睇下玩具反斗城為哲哲精心挑選既文具先!

再到兒童探知館

aug 6

尋日和朋友仔完左最後一天的小學適應課, 結伴到沙田的香港文化博物館搞搞震~

夏熱天時, 除左游水同去展館(主要是有冷氣, 嘻嘻), 真係無咩好去. 剛好今天星期三, 當然要把握免費入館的優惠, 得半日時間, 去科學館肯定唔夠時間玩, 決定吃完午飯出沙田可以慢慢玩個夠

【裝修】 問題出現 (day 27)

jul 3

無論你事前做幾多research又或者計畫得幾好, 裝修果然總會發生突發的事情要處理. 先是樓上廁所同廚房地台漏水不肯維修(太長篇, 遲點出文再說), 再來是馬桶同分體冷氣的問題

先前都知道廁所會特別窄, 特別是座廁與淋浴間的空位超小. 本來打算為了房間大一點, 迫住將廁所縮細, 忍耐下就好. 當師傅間好淋浴的位置後, 實地看看果然是超窄! 考慮到廁所的使用率其實很高, 每天出出入入都要四五次, 一屋四人, 即是每天共廿多次, 超窄的廁所真的沒問題嗎?

迫住洗手無問題, 打橫像隻蟹沖涼都還可以接受, 可是每次交水費/練功的時候, 座廁窄到雙腿膝頭都頂住, 諗起都覺得辛苦

兒童驚慄故事。突然!

自從哲哲愛上看漫畫之後, 已經很少會主動說要看繪本, 不過只要我陪他一起讀的話, 還是會乖乖放低手上的多啦A夢漫畫的. 這本書哲哲和細佬都很喜歡, 少有的製造驚慄懸疑的情節, 想打個尖先介紹給大家

畢業謝師聚餐

jun 30

是晚畢業謝師聚餐, 為怕照顧細佬玩得唔夠盡興, 這晚由奶奶睇住細佬, 我同哲哲二人出席. 基本上哲哲都係無心肝既人, 成晚淨係同女神玩...

「哲哲, 不如同下其他同學玩喇」

「識左新朋友緊係同新朋友玩啦, 仲點會同xxx玩喎, 都玩左三年囉, 好長時間架喇」

(竟然有咁既邏輯?!)

「咁老師呢? 唔影第日就唔記得邊個老師教過你架喇」

「班相咪影左囉...」

哲哲, 呢個係畢業謝師聚餐! 唔係同女神約會既地方呀~~~

blogger試玩。We嘩! 充氣嘉年華 @奧海城之與「龍」同行

jul 26

期待已久, 「We嘩!充氣嘉年華」(下稱「We嘩」)又有得玩啦! 未到星期六哲哲已經we嘩咁嘈話要早d去, 出門的時候太陽很猛烈, 心裡暗讚好在「We嘩」在室內有冷氣, 不受天雨或猛烈陽光影響, good ar!

暴龍出沒! 

「We嘩」這次選址在奧海城, 對上一次來奧海城是2006年, 和哲爸同朋友一起來看世界盃決賽. 這天來的時候完全不認得路, 地方太大, 花了點時間才找到, 盲中中的情況下竟然比我地遇上暴龍!

上星期tbb pearl正在播「侏羅紀公園」, 兩兄弟睇足全場不知幾興奮. 這天暴龍突襲同途人大玩捉伊因, 細佬很好奇, 不停指住叫:「龍龍, 龍龍好大丫」. 咁像真, 皆因呢套荷里活特效恐龍costume由全港最high tech既技術製成, 首度曝光, 引到好多大人小朋友排隊爭住影相. 不過哲哲明顯心不在焉, 因為...

【裝修】刨書搵料點裝修? (二)

may 2

裝修書其實邊會睇得完? 行開圖書館見到有又借幾本, 每次都棒著一大堆書回家, 這段時間睇了很多書取經, 以下幾本書想給需要裝修的朋友做參考

最成日睇最有用就係呢四本 (其實還有之前第一批「愛上鄉村風。家的味道」, 會經常參考家居用色同傢私配搭)

細佬面試相

jul 18

早個星期去了一間在fb挺多人幫襯的影樓為細佬影k1面試相

在哲哲的年代, 一般申請幼稚園入學用的相, 都是坐得正正經經, 用上證件相藍藍白白的背景去影的. 這家影樓影到d小朋友好像考名校般的感覺, 本來覺得整件事搞到有點誇張, 眼見朋友們的子女在報n1 k1時的相片都影得很醒目, 團購價$258/24張相雖然有點小貴, 但都好奇想睇下細佬會影成點(而且人人都影自己唔影好輸蝕咁, 哈哈), 所以都跟大隊幫襯了

那天因為三號風球, 橫風橫雨, 細佬在巴士訓著了, 一個女人仔一拖二擔住遮盲中中摸到影樓. 大雨下抱住訓著了既細佬好狼狽, 看看手錶早到了二十分鐘, 心想早點上去影樓坐坐避雨都好. 然而一開門有職員黑黑地面話拍攝時間未到, 不可以坐出面的沙發(那張沙發用黎做樣的嗎?), 怕會影響入面正在影緊相的小朋友, 要我們先離開影樓範圍

哲哲尿急想借廁所, 那位職員說沒有廁所可借, 叫我們到地下大堂問管理處

單是這兩件事連在一起, 想想都覺得太過份了吧, 做小朋友生意, 卻沒有做小朋友生意的用心

【裝修】鋁窗安好。陸續鋪磚中... (day 23)

jun 25

師傅睇過批磚, 話廁所批磚有幾塊有少少defect, 不過叫我地唔洗擔心, 話會等最後用黎鋪頭頭尾尾界磚用, 再唔係可以退返比大陸, 有咁醒目細心既師傅, 頓時覺得好安心丫~

師傅手腳亦好快, 眨下眼就將廚房同廁所磚鋪得七七八八, 不過師傅話唔夠磚, 過兩日鋪晒之後就可以覆實要補幾多塊磚. 得果十零塊既話, 慳返上樓費, 運輸放低磚叫師傅幫手車上樓就得lu

廚房隻不見光磚越望越順眼, 本來諗住都有廚櫃擋住, 鋪咩都無咩所謂, 點知簡簡單單又幾好睇wor

前一晚見到呢d十字夾夾, 好奇問師傅, 原來用黎固定塊磚. 萬一鋪好既磚如果有咩問題想拆返出黎, 最好可以即日通知師傅, 否則過左一日就拆唔返, 要扑爛塊磚就有可能影響埋其他磚了

小小費特拿

jul 14, 2013

這晚心血來潮, 睇返一年前的相, 看到細佬當時的模樣太好笑了!

一開始被我們將頭套硬套落頭, 不知所措. 想脫, 卻又因為我們狂笑而不敢脫

哲哲眼睛受損要做手術?!

jul 8

半年前和哲哲第一次做了個較詳細的眼科檢查, 意外地發現哲哲的眼角膜被睫毛倒生督損得很嚴重, 昨天回到理工大學視光學診所覆診, 看看情況有沒有惡化/改善

一輪檢查後, 散光近視遠視度數非常良好, 但眼角膜的情況變得更壞, 壞到甚至影響視力, 讀某些字因為看不清而讀錯了

兩眼中, 右眼既損害情況比左眼大, 視光師給了我們幾個建議, 而之前提過的手術是最折衷最有效的方法, 然而, 在眼簾界一刀的話, 因為哲哲還小, 面型輪廓未長定, 長大後面型發育走勢不定, 眼型面型也會隨之改變, 到時有機會變成外翻的狀況 (大約是用手指輕拉下眼皮的樣子, 很怪異)

我們想聽多一個意見, 萬一真的要做手術, 也應該找個更專業的眼科醫生去做

事不宜遲, 第一時間約浸會醫院眼科中心的林子顥醫生, 希望有其他更好的解決辦法

【裝修】地磚到貨了 (day 19)

jun 19

近日太忙, 好久沒有更新一下裝修進度. 今日上黎, 開始搭棚整鋁窗, 全屋既電制燈制都做好晒. 大陸磚終於收到了, 不過收貨過程有點小事故

話說一早同樓蘭和馬可波羅說好前天所有磚要送到, 結果運輸前一天打電話來說其中一款磚未有, 要遲多一日才送到. 到了昨晚晚飯的時候, 運輸打來說了一大堆藉口, 說司機忘了去倉取貨, 又說要遲多一天. 這次哲爸發火了, 說師傅的人工每日一千一工, 怎也不能等, 一定要明天送到

和運輸互相拉鋸下, 運輸方面讓步為我們作出了這樣的安排: 明天先送馬可波羅的貨, 後天才送樓蘭. 本來是要收兩次運費及上樓費的, 不過他們理虧在先, 所以只收一轉錢. 這樣的安排我和哲爸都很滿意, 雖然整餐哲爸的生日飯吃得有點勞氣, 不過運輸還是挺合作講理由的, 大家說清楚事件就好辦事

當晚太心急, 裝修師傅收妥磚後, 我們即晚上去望望. 全屋磚計埋不足兩噸, 運費連上樓費是HKD500+500

家用報告: Electrolux全新第五代Ergorapido二合一無線吸塵機 (下)

續上文, 拿了部Ergorapido吸庭機回家試用了兩三星期後, 真是越用越好用. 本來是打算在新居才用新的吸塵機, 結果開了Ergorapido之後, 舊的那部大牛龜已經打入冷宮

【敗物】再敗第三, 第四個staub...

jul 5

暑假七八月真係一個出血既季節, 家裡先前有個萬寧換返黎既staub 24 and 26cm圓煲都未開光(因為搬屋以為自己唔會用到, 所以pack好左搬入倉), 竟然走去敗多個細圓煲同上火碟! 都怪fb的煮食group分享staub 9/7過後會加價, 好奇下見到有人分享隻好靚既灰碟好想要, 於是專登走去aeon一轉望真d

谷友分享, aeon counter抽佣最少, 所以優惠比其他百貨公司平, 唔急既話, 其實等一年兩次sogo thankyou week又或者工展會先係至抵價

去到aeon counter睇到咁多特價品真係流晒口水, 最想買隻灰碟竟然無現貨, 要訂四至六個月! 睇睇下, 見到20cm圓煲做特價$1099(如果感謝日有額外95折), 細細個岩晒依家煮三人份量, 難得老闆支持, 最愛既灰色, 黑色同茄子色當中, 最後決定買茄子色!

屋企又多一個staub成員啦~~

【裝修】電器篇 (12/7更新)

大出血! 裝修後, 基本上所有電器都要重新買過(除左個乾衣機外), 家電方面我沒意見, 哲爸做了一輪research, 暫時有以下心水:

冷氣

大廳要裝分體式冷氣, 網上一致推薦大金(FTXS50F)襟用夠靜, 可以出冷熱風, 加上朋友做冷氣有平, 可以同佢攞貨

幼稚園愛的故事 (二)

jun 27

續上文, 哲哲想結識隔離班的女同學, 可是雙方都太怕羞, 遲遲未能互相認識. 昨天小息要留班房, 哲哲可惜道又少了一次機會. 這早哲爸見客, 可以遲一點出門, 齊齊送哲哲返學, 同哲哲加油壯壯膽~

我們是屋村仔~

jun 8

這天下午約了公公婆婆吃放題, 早上沒事做, 冒著熱到會中暑的環境下, 應承哲哲同佢落樓下踢波踩單車

細佬也帶埋戰車一齊出動! 冬天的時候腳未夠長踩唔到, 依家夠長啦, 不過平常甚少帶單車比細佬踩, 所以細佬都唔係好識點一下前一下後, 要靠哲爸幫手推推

【裝修】廚櫃出設計圖了~

名家廚四月尾上門度呎, 一星期後就出圖了

mag photography之處女作

mary k老師曾說過, 每個父母都是自己孩子最好的攝影師, 因為只有自己才最清楚如何弄懂孩子笑, 如何令孩子展現最自然的一刻

不記得從何時開始愛上攝影, 嚴格來說, 只是喜歡影自己的兒子(那當然囉!). 對別人也許是一幅爛照片, 可是自己拍的, 自己喜歡的, 就可以樂上一整天

除了幫哲哲初一影相之外, 最近萌起了想替其他小朋友影相的念頭, 這個念頭絕對不是為鋪路做攝影師要賺錢, 單純的是想試試, 除左影自己個仔之外, 究竟影其他小朋友自己會影成點

終於, 有了第一次的機會

幼稚園愛的故事 (一)

畢業禮之後, 哲哲常常問:「媽咪, 點先可以識到新朋友?」

「點解咁問呢?」

「成日都無人同我玩, 所以我要諗方法識多d新朋友囉」

又某日...

「媽咪丫, 你知唔知我今日上堂發夢呀? 我係度諗緊, 點先可以多d朋友同我玩丫」

「咁你諗到方法未丫?」

「我諗到架啦, d男仔又唔同我玩喇, 咁我唯有同女仔玩啦」

小一適應週

還有一星期就畢業了, 最近學校開始融入小一要學的東西給k3生, 先是學寫備忘錄:

看黑板抄寫方面, 還算過得去吧, 總算沒有抄漏

【裝修】落實全屋電制插蘇位 (day 15)

jun 14

今日約左裝修師傅傾實全屋電制插蘇位, mark位前諗住早d上舊屋, 實地咁傾會清楚d, 點知幾位師傅已經準時開工

哲房門上的分體式冷氣位也做好了, 師傅正在做喉嗎?

產品試用: Electrolux全新第五代Ergorapido二合一無線吸塵機 (上)

上星期好興奮的收到Electrolux伊萊克斯既邀請, 出席全新第五代Ergorapido二合一無線吸塵機既發佈會及產品試用

最近家裡大裝修, 即將要添置不少新的家電, 稍為網上搜尋一下都已經知道Electrolux的大名, 現在可以率先試用, 想也不想就答應了

【裝修】砌牆完成 (day 14)

jun 11

今日出席哲哲畢業禮無時間去舊屋望望, 早兩日明明仲未有野睇, 今晚上去原來已經砌好兩間房中間既牆, 而廁所牆都砌得七七八八了!

眼見磚與磚之間都填得幾密, 只係有少少窿, 即晚問師傅點解填唔滿係咪有咩原因, 師傅都有解釋同叮囑班兄弟補補返d英泥 

3rd studio album @FACE Lifestyle Icon

jun 17

又團購影相了! 孩子大得快, 所以想九個月至一年都影家庭照留來紀念, 看看孩子成長的變化, 這次我們又到FACE studio影相

先來家庭照:

防曬推介: Elta MD有色防曬

春夏轉季的時候, 一時懶惰, 有天洗完面後發現臉上又出了幾顆斑, 真可惡! 試過搽其他牌子的防曬, 不是太焗身生粒粒, 就是太水狀不夠保護, 搽了還是繼續出斑

有位對美容很有心得的朋友介紹一隻醫學美容的防曬產品 - Elta MD, 還說她五歲的女兒也有一起使用, 見價錢不貴($190/85g), 於是也買一支來試試

【裝修】落實全屋牆地磚 @田貝四路家合居

may 31 

多翻考慮, 最後決定餘下既磁磚在家合居的馬可波羅買, 網上既評論大多說馬可波羅既磚質素有保證, 而葉小姐給我們既感覺對磚很熟悉, 而且選擇多價錢平, 所以也不想考慮其他鋪頭/牌子了

廁所

喜歡這隻流水磚的花紋, 打算用作廁所的地/牆磚

【裝修】樓上廚廁漏水。準備砌牆 (day 9)

jun 6

幾日紅日後, 一早就收到裝修師傅電話, 廁所同廚房更花又滲水, 今日上返舊屋度睇下咩情況

師傅話呢個位滲水, 估計係樓上去水位積水後慢慢滲漏到我們單位

明顯睇到滲水滴到下面塊木板有水漬