沙田柚皮好好玩

mar 20

九月號的巧虎有介紹中秋節的應節食物, 哲哲看到書中的小朋友戴住頂帽覺得好好玩, 好想試一下. 哲哲口中的那頂帽, 其實是沙田柚皮來的, 既然哲哲想試, 一於同佢去街市買個黎玩玩吃吃

印象中哲哲沒吃過沙田柚, 中秋節沒吃, 平常更不會買個回來. 見到咁大個沙田柚, 哲哲好好奇究竟點食呢? 摸落又厚又硬, 完全想像不到入面是什麼樣子什麼味道, 細佬則好奇的當波拍

嘩!!! 切開的一刻, 兩位劉生好似發現新大陸咁, 好奇非常! 一路翻開陣皮, 不小心弄斷了兩片, 哲哲好緊張叫我輕輕力, 再斷就無得戴帽=.=

如你所願喇, 一人一假髮, 又幾襯你地bor XDDDD. 事後想起很久之前我電腦有張wallpaper是貓貓戴沙田柚皮的樣子, 拿出來對比一下, 噢...買錯色tim XDDDD

咩叫打完齋唔要和尚? 咪就係好似哲哲咁, 一玩完個柚皮就收工喊睇漫畫, 留返比全屋最為食最黑洞既細佬黎解決個沙田柚. 切好一小件比細佬自己弄走d皮同核

自己動手吃得特別滋味! 哲哲勉強試了一兩口就說不喜歡吃, 結果買了個大大的沙田柚要和細佬分兩日才吃得完=.=

至於沙田柚皮...我們影完相後沒有把它忘記, 柚皮有陣自然淡香, 放進雪櫃可以吸走雪櫃異味, 效果比橙皮檸檬皮更好啊~