最近我們真的和醫生特別有緣, 一個病完又一個, 細佬兩歲生日更慘豬豬發燒流鼻水, 吃藥時總是扭扭擰擰(當然! 有誰會喜歡吃藥?!), 想起這一期巧虎的主題正是睇醫生吃藥, 於是拆下來和細佬玩下醫生病人遊戲, 希望餵藥時會順利一點
戴上口罩的姑娘醫生, 一片白朦朦的診所, 還有充斥著藥水味道的診所, 很多小朋友都會不喜歡看醫生吧. 細佬也不例外, 去到診所抓得我實實, 醫生未開口佢就開口喊定先...巧虎正在教小朋友睇醫生既流程, 細佬同哲哲好似好明白咁, 未讀到下一頁哲哲已經搶先答了
今期巧虎特別吸引, 除左有貼紙貼外, 今期既摺紙玩具特別多, 哲哲和細佬玩得很起勁, 一人拿耳筒探熱, 一人拿雪條棍睇喉嚨有無發炎, 小心整親巧虎呀!
確診完就餵藥啦, 細佬好細心bor...
仲有仲有, 今期有講家居電器, 細佬都認得好多, 每指一樣細佬都講得出個名, 加埋d摺紙機關真係好好玩
仲有個轉轉洗衣機, 轉呀...轉呀, 好得意呀!
睇返今期parenting guide, 兩至三歲小朋友喜歡四圍搞到處碰, 除左要注意家居安全之外, 還要教小朋友注意安全. 讓孩子好好知道家裡的東西勿亂碰, 認識家中的電器. 遊戲書利用清晰好玩的插圖, 介紹了「風扇會吹出涼氣, 但小心手指勿亂放」「焗爐可以煮出美味的食物, 但要小心燙傷」, 同時也有一些生活常識的問答可以考考小朋友「雪糕吃不完, 應放在雪櫃還是微波爐裡?」「煮飯要用洗衣機還是電飯煲?」
頭先既紙板醫生病人未夠好玩? 好戲在後頭! 當我拎出個「我係小醫生」套裝出黎時, 兩隻豬開心到震~~~
哲哲在學校玩過, 第一時間戴聽筒揭起細佬件衫聽肚仔, 細佬未知發生咩事, 呆呆的任由哲哲擺佈. 揭多兩次就識得拎起藥水同針筒扮食藥水, 哈哈, 因為細佬最近常常喝藥水, 所以呢個動作最熟識XDDD
起初哲哲同細佬輪住扮醫生病人, 玩玩下竟然要我做病人, 仲要係住院要訓床既病人. 結果兩位醫生護士不停將我既衫揭高揭低, 探熱打針食藥乜都齊, 然後又重覆將我既衫揭高揭低, 探熱打針食藥...救命呀~~~我要出院呀~~~
呢套玩具真係好精美, 完全同tb既貨色無得比, 聽筒每接一下有唔同既病症顯示, 連探熱器都有正常, 微燒同高燒, 可以教導小朋友幾多度即係發燒要食藥睇醫生呢~
睇下細佬餵得幾細心, 相信第日細佬可能係個好醫生黎wor!
「媽咪, 仲有無野玩呀?」「有, 玩bubble紙喇! 訓練下你d手指仔丫!」
暫時睇了三期巧虎, 欣賞巧虎不會太側重學術層面, 和我在育兒的睇法非常相近, 兩至三歲其實應該是培養小朋友對身邊事物既好奇心, 和他們一起去發掘有趣既事, 幫助佢地學習自理, 透過幾期既巧虎細佬詞彙豐富了, 自理方面越來越有自發性, 這真的是之前沒有想過能有這樣的效果
沒有留言:
張貼留言