【裝修】灣仔。旺角睇磚記

feb 16

呢一個月去了灣仔, 旺角集中睇磚. 選擇地磚既原因是木板太煩了, 要打蠟, 感覺上比較易花同難打理; 而石材價錢比較貴, 而且我們家用上來也不是太適合

參考了書藉及網站圖片, 在灣仔旺角走了一圈之後, 大約也知道自己喜歡的是什麼款式. 我和哲爸在家居的佈置風格上頗一致, 所以沒有很大的分歧

我們先專攻大廳用的木紋磚, 但越行就越無方向: 大陸磚, 西班牙磚, 意大利磚, 價錢由幾十到幾百, 紋理顏色大同小異, 睇落好似隻隻差不多, 但價錢又可以由數千到萬多, 相距很遠;

廚房浴室除了揀地磚, 仲要睇埋牆身既磚, 顏色由淺至深, 質感粗獷光滑, 和哲爸完全沒有心水, 基於沒有什麼熟識既牌子可做reference, 揀上來都頗困難, 因為不像其他家電潔具, 可以先決定牌子, 再在牌子內挑選最適合自己的, 簡單得多

坊間有很多木紋磚, 除了色調主觀地要我和哲爸要喜歡外, 我自己偏好啞身, 有自然歲月斑駁既痕跡紋路, 色對了, 還要摸上去有手感, 最後木紋磚很講究每一個批次的變化, 如果每一塊都太一式一樣, 鋪上來整體效果就不自然了, 這一點在display出來是不會看到的, 因為鋪頭一定會將最直最靚既一塊show出來給人看

先由灣仔開始, 走了好多間, 因為大多數鋪頭都不準影相, 但為怕自己忘記邊間邊隻磚, 只能襯有機會落手就靜雞雞影幾張...

呢隻外國磚好特別, 除了喜歡它的顏色, 最特別是有車軑凹凸既痕跡, 摸上去很有手感

另一隻意大利磚都好特別, 是樹心的連紋來的, 很有歲月感, 不過和我們原先考慮的長條磚成了大方磚, 不知道鋪上來好不好看

呢間個sales哥哥真好人, 講左好多選購磚既心得比我地知, 又願意給我們拍照做紀錄, 睇得太多木紋磚, 見到呢兩塊帶點金屬感既大陸磚作為浴室地磚都唔錯bor

好靚既花磚仔丫~~ 某次在ikea見到個廚房地下鋪滿呢d復古花磚, 真係好靚好靚; 就算唔鋪地下, 將d花磚仔鋪在廚房牆身當border都會幾靚. 不過一聽價錢真係唔洗諗, 而且我們多煮食, 要是積了油跡污跡亦難以清潔, 再諗諗先

旺角比灣仔更難影相, 我們只影到一間, 所以其他鋪頭睇完就算有心水都已經好快唔記得晒...orz...

我們去了一間樓上鋪, 睇中了這一隻牌子既意大利磚, 望實物會覺得natural隻色比較岩心水, 不過看官方圖片, 加上鋪頭放在地上既效果, 又會覺得太過淺色, 反而較深色既sunset好似更合心水

sunset既紋理色調變化比較多, natural比較偏白, 兩者都難以選擇呢~

哲哲好乖坐定定畫圖案無打攪我地, 乖仔~

印象比較深還有另一間轉角路口的賣大陸名牌「樓蘭牌」木紋磚, 難得睇中有隻大陸磚既色同紋理以數十蚊既價錢係可以接受, 正所謂一分錢一分貨, 外國進口既磚真係靚仔好多, 真係要返屋企督督盤數先知道全屋計外國磚同大陸磚價錢差幾遠

睇中磚, 可以問鋪頭拎個版返屋企拼拼, 大部份鋪頭有版都樂於提供. 我們取了很多, 當中比較喜歡有印象的有以上(有d磚都好喜歡無奈鋪頭沒有版給我們拎走, 所以我已經忘記了):

灰色馬毛(西班牙): 單塊看上去可能特顯唔到個紋理, 但大大塊拼埋一齊個pattern真係好靚, 手感亦好, 預算用於浴室地磚, 價錢600x600m $278

樹心連紋(意大利): 呢個一見又係好喜歡, 和馬毛一樣, 各自有不同的紋理, 拼埋一齊卻又好看, 預計用於...?(未諗到, 純喜歡, 不過價錢又係貴, 得個睇字), 價錢600x600m $298 

木紋(意大利): 單獨睇一大幅時覺得很合心意, 價錢亦較便宜, 但對比樹心連紋同馬毛即時被比下去, 預計都係用於大廳, 價錢150x900m $92

車軑凹凸(產地忘記了): 第一次睇覺得很特別, 再看卻又談不上很喜歡, 這個有兩個size之分, 90x22.5 $145或90x15 $70

金磚仔(大陸磚): 一見鐘情! 我和哲爸無意中看到這款金磚仔, 幾款色當中喜歡這種香檳色, 打算用於淋浴間三面牆身, 價錢是800x800 $528

金屬感暗紋(大陸磚): 我和哲爸本來想浴室走型格暗黑路線, 後來發現廁所空間不大, 整間房都黑黑的會很壓迫感, 視覺上肯定不如網上型格酒店的淋浴房般酷, 不過哲爸未死心放棄, 唯有影落黎再慢慢研究下. 金屬磚 300x600 $68; 暗啡300x600 $54, 兩者打算用於浴室地下

心水有了, 只是價錢實在太貴, 聽朋友說深圳家合居既磚抵好多, 要搵日安排好兩位劉生既照顧問題, 抽一天和哲爸殺上去, 早去早回先得