【裝修】我們的家。我們的風格

看著之前借回來的書籍及網上的website, 去了ikea走幾轉, 和哲爸落落實了我們家的佈置風格. 可能有人說: 一間三百餘呎的蝸居, 還學人談什麼佈置風格? 要慳就岩呎吋岩價錢就買架喇...可是事前沒能好好和哲爸共識一下, 到選購的時候很大機會有意見分歧而拖延裝修進度傷感情, 所以還是先好好傾一下, 正式開工後才好辦事

我和哲爸比較一致, 大家都喜歡比較復古簡約既風格, 暫時得出屋企個裝修方向會是這樣(遲下或許會因應實際情況而有所更改):

牆身會用米白色, 現在的家全屋都是藍, 平常在家影相總是影到人面色藍藍, 想製造空間感大d光猛d, 又想影相望落順眼d舒服d, 所以會選用米白色/米黃色

地板會用木紋磚. 色澤方面傾向淺啡, 淺啡好似靚d, 睇顏色之餘仲比較注意個紋理是否自然多變化

傢私方面傾向用白色木材配以一兩件彩色傢俱, 不喜歡令身有光澤的傢俱. 淺啡木紋地磚, 白色木櫃用上復古的手柄, 啡色飯檯加草綠色/橙色不織布沙發, 顏色配搭上應該好舒服 (說到底就是喜歡鄉村風的風格和用色嘛~)

廁所暫時沒有想法; 廚房則想法過多, 究竟做白色木櫃還是木紋櫃好呢? 做白色最靚, 但唔襟污糟; 木紋櫃就比較大路款式, 不過全屋地下已經係木紋, 會唔會太過撞色撞款唔好睇呢? 易於清潔應該要做光面磚, 但我又好喜歡鵝蛋黃既格仔磚, 花磚仔復古圖案更是我的大愛, 還有時間, 都係再諗真d先...