超神奇糖果鋪

我們很喜歡逛圖書館, 一星期有一兩天放學後, 去完公園會到圖書館坐上個多小時才買餸回家. 試過星期六日到圖書館, 但人太多太吵, 書又亂又缺, 哲哲找不到他最近愛看的漫畫及天文書, 所以我們都頗享受平日安安靜靜到圖書館慢慢揀的寫意

早個星期在圖書館架上看到這本「超神奇糖果鋪」, 未看已經好奇究竟這間糖果鋪賣咩糖? 有幾神奇? 即場在圖書館和哲哲讀一次, 劇情幽默惹得引來一兩位小朋友一齊坐低聽, 聽完未夠喉, 哲哲說要借返屋企聽多幾次

究竟「超神奇糖果鋪」有幾得意幾神奇? 現在和大家分享一下~

故事一開始講小豬走到森林, 看到有一間糖果鋪賣神奇的糖果, 貍貓大叔給小豬介紹了幾款糖. 第一款是黃色的大力糖, 吃完力大無窮

第二款是藍色的獅吼糖, 吃了之後可發出威猛既獅吼

第三款是綠色的隱型糖, 吃下了會隱型啊~

最後一款是紅色的糖, 可以變成大野狼呢~

不過糖一吃完, 神奇的效力就會消失. 小豬見這些糖很神奇, 於是向貍貓大叔買了三粒紅色和一粒綠色, 貍貓大叔也送了一粒白色的平安糖給小豬. 小豬貪玩, 決定一次過吃下三粒紅色糖去戲弄森林中的小朋友. 大家還記得紅色的糖有什麼神奇效果嗎?

當小豬吃了紅色的糖化身成大野狼, 四圍戲弄小朋友之時, 真正的大野狼出現了, 出於好心大野狼要教小豬如何捕捉動物, 小豬驚慌之餘, 只能乖乖聽命跟住大野狼走...

這下慘了, 大野狼將小豬帶到野狼鎮, 到處都是野狼, 呢個時候糖快吃完, 小豬漸漸露出原來的身體來!

糟了! 狼群終於發現小豬是假冒的, 牠們一齊撲上去, 活捉小豬, 眼看小豬就要被吃, 突然想起貍貓大叔給的白色平安糖, 究竟小豬之後點呢? 想知道既朋友記得去借/買黎睇喇~~~

呢本書真係好有趣, 用上誇張既演繹手法哲哲初一更喜歡, 講到小豬買糖的時候, 反問返哲哲紅色的糖是什麼功用, 哲哲都好好記性記得係變身成大野狼. 有時簡簡單單睇完笑下輕鬆下都幾好, 唔一定下下睇既書要好有教育意義, 最緊要引起小朋友閱讀既興趣, 否則意義深遠既書小朋友都無心機坐低聽呢~