四十蚊街市買餸大作戰

mar 20

平日到街市買餸身邊總有兩大護法, 哲哲時不時會幫手揀靚菜靚魚, 又會幫手夾凍肉, 細佬會負責將揀好既食材拿去給姨姨磅重, 這天心血來潮, 決定給哲哲來個小b大任務, 用四十蚊全權負責今晚的飯菜

「四十蚊街市買餸大作戰」, lets go!

一開始的時候哲哲好興奮:「真係? 今日真係可以比我自己決定買咩野?」

「係呀, 嗱, 四十蚊比左你, 你自己決定今晚食咩餸, 需要買什麼食材同買幾多, 去邊間買d乜你都熟晒路唔洗我講, 我地今晚食咩就靠你喇」 

「咁今晚洗唔洗煮爸爸飯呀?」

「唔洗, 今晚得我地三個人食, 你買三人份量就好了」

「唔...我決定今晚食四季豆, 四季豆炒排骨! 」「唔該, 要廿蚊飛排」

哲哲好快就下了決定今晚食四季豆炒排骨, 第一件事去相熟既豬肉檔買新鮮既飛排先, 因為遲左就賣晒飛排無得食架喇

「細路, 廿四蚊飛排得唔得呀?」

豬肉佬手鬆斬多了, 哲哲一時不知道如何反應, 第一時間話唔好, 唔要, 隨即望向我求救點算好. 我說斬多了沒辦法, 照要吧. 買完排骨, 哲哲去了菜檔買四季豆...

「唔...平時媽咪間間都有幫襯過, 邊間好呢?」

因為不知道買那間好, 於是哲哲走向其中一間, 細檔那間沒有四季豆只有豆角; 於是哲哲走向另一間, 終於找到四季豆了!

「媽咪, 個牌寫九蚊一扎, 邊扎多d呢? 睇下先...」

轉個頭哲哲突然又放下扎豆, 走向第三間菜檔, 找到四季豆卻找不到牌子寫住多少錢. 於是哲哲開口問:「四季豆點賣呀?」

菜檔阿姐說十蚊一包, 哲哲想了想決定買這家, 揀了兩揀之後, 給了阿姐廿蚊, 一時心急買了豆就走, 完全忘了找錢這回事! 好在阿姐提醒哲哲, 不過因為哲哲唔記得問阿姐買菜搭條蔥, 所以是晚蒸魚無蔥食...

好喇, 四季豆炒排骨買齊料了, 看看手上還餘下多少錢. 咦? 得返六蚊, 買咩好呢?

哲哲想吃魚, 但明顯沒有六蚊的魚賣, 哲哲說想吃十五蚊的紅友, 我問哲哲還欠多少錢才可以買到, 哲哲心算了一會知道還欠九蚊就可以, 所以我就多拿九蚊出來給哲哲

「唔該, 要呢條紅友丫」

哲哲揀了一條還在動而且是最大條的紅友, 兩眼望到實一實不肯離開視線, 那是因為之前試過買了條黃立倉給其他客仔換掉了, 哲哲心有不甘覺得自己比了一樣的價錢但換了條細魚回來, 自此是自己揀上的會看得很緊

有菜有魚有肉, 今晚餐餸終於買完, 事後哲哲檢討豬肉佬要不是多斬了四蚊, 那就可以更控制在預算之中 (其實我是專登不給哲哲足夠的錢去買餸的, 哈哈, 就是要哲哲感受一下百物騰貴, 平常亂買無聊野亂花錢, 是真的會不夠錢買餸開飯, 吃自己想吃的東西啊. 由哲哲親身試過, 體會才來得深刻及有說服力)

相比以前, 哲哲勇敢多了, 敢於開口發問, 也學懂了如何問; 手執一堆散銀又學會如何湊夠數比錢(生活化的加減應用, 哲哲做得很好呢); 買餸既過程學懂如何安排及組織先後次序, 買多買少份量也要控制, 食材是否新鮮又要憑眼鼻手和經驗去體會, 更學懂了做財政預算. 這次哲哲做得很好, 這些年跟著我出出入入學到的受用不少

事後哲哲話好好玩, 更說明天的餸也要由他負責構思同購買, 我說遲下屋企裝修好, 廚房整齊安全了, 就可以完全放手讓哲哲做準備功夫, 再大d可以教埋煮飯, 由頭到尾一手包辦做給我們吃呢~