兒童驚慄故事。突然!

自從哲哲愛上看漫畫之後, 已經很少會主動說要看繪本, 不過只要我陪他一起讀的話, 還是會乖乖放低手上的多啦A夢漫畫的. 這本書哲哲和細佬都很喜歡, 少有的製造驚慄懸疑的情節, 想打個尖先介紹給大家

故事一開始就已經表明, 大野狼想吃小豬...

好幾次差一點就吃到小豬了, 然而小豬每次都逢凶化吉. 哲哲同細佬的反應各異, 哲哲好好奇想知道小豬點走得甩, 細佬就次次都好肉緊大叫「唔好呀, 唔好食豬豬呀」

呢一幕最精彩, 之前故事既鋪排, 加上圖畫既隱喻, 哲哲話今鋪小豬肯定走唔甩喇...

好在最後都係happy ending, 嚇得我丫! 真係無幾何童書會有咁驚嚇既情節嘛

至於大野狼作惡多端, 次次撞板吃了不少苦頭, 還是乖乖入院接受醫治吧

呢本真係一本好有趣既童書, 文字顯淺易讀, 作者刻意製造緊張情節氣氛, 卻又一步步幫小豬化解危機. 每次看到小豬有危險會齊齊緊張, 脫險的時候又會齊齊鬆口氣, 這個類別的童書比較少看, 很特別呢~