小一開學用品準備當中...

仲有一個星期哲哲就係正式既小一生, 聽日亦開始模擬半天既上學情況. 由幼稚園升小學無論上課時間, 學習模式, 課程及要開學準備的東西都完全不同, 深怕自己買漏東西, 網上隨處看看就找到「開學三十七件事」的購物清單, 聽落好似好誇張, 不過對我們這些「新鮮人」來說, 絕對有個參考價值~

未來六年都會在這所學校學習上課, 這年報了學校舉辦為期兩星期的小一預備班. 每天都會有不同的課上(科學實驗, 小食試做, 中文英文數學, 人際關係, 美術及普通話等科別), 也會有兩個小息, 正好可以讓哲哲熟習這所學校及模擬小一生的課程上的轉變

校服! 要捉隻兩隻馬餾乖乖地試校服真係唔容易, 走黎走去, 兩位小朋友實在太興奮了. 做家長通常都係將件校服有咁大買咁大, 唔見仔大見衣短嘛, 嘻嘻. 小學的校服有皮帶, 要預早讓哲哲熟習除同扣, 如果唔係內急搞唔掂就醜死鬼了

最期待就係買書包! 因為有婆婆送, 哈哈!

上年聽朋友介紹lego書包又輕又有護脊功能, 其他牌子有些太貴(咁貴比哲用, 用野咁粗睇怕一年唔洗就爛肉赤死), 有些拎上手又太重, 感覺lego就是最適合哲哲. 平常sogo書局同書展都係八五折, 適逢大眾書局限定某三天有會員優惠, 所有開學文具用品有八折, 於是請朋友幫手買, 原價$590, 最後折實$472買了個容量24L的書包回來 

孖住好朋友一齊買返學鞋~

開學要買新返學鞋是指定動作, 為怕無碼無款揀, 所以要早少少同哲哲去買鞋. 不過劉少隻腳天生利如刀片, 未到學期完對鞋就著到「開口笑」, 所以買對普普通通白波鞋唔肉赤就算. 黑皮鞋第一次買, 哲哲問點解返學要著黑又要著白咁奇怪喎...

上星期第一次著全套校服出席新生家長日, 湊巧地好朋友也是同一班, 慘囉, 第日一開學兩隻馬餾有排嘈有排比人罰XDDD

一班廿六七人, 男女各佔一半, 希望各位同學仔都能學習愉快

用開既小筆盒裝唔晒d文具, 於是帶哲哲去買新筆盒, 筆袋款睇唔岩心水, 竟然揀著蠟筆小新既筆盒, 咩你識蠟筆小新架咩?!?!

丟低左十幾廿年既包書行動又黎啦! 去書店買包書膠, 原來依家有種叫超輕透明包書膠, 拎上手時比起傳統既包書膠真係輕好多, 貪新鮮買左卷返黎試試. 五碼包到廿本書, 夠晒囉~

雖然d家長話包晒全部書會好重, 建議包中英數三科就夠, 不過第一次點都要包晒全部書, 睇下劉少用成點, 唔係未夠半個學期成本書甩皮甩骨就唔知點算

哲哲學校既午飯餐單有幾日真係好難揀得落手...好在午飯時間得半個鐘, 唔岩食d時間都好快過!

還有要為哲哲及自己做好心理建設

特意推介「一年級鮮事多」, 書入面主角就好似哲哲咁, 由第一天上學發生的事, 一個單元簡簡單單的寫出來. 每天發生的新鮮有趣事, 編成一段歡樂又難忘既回憶. 文字簡單, 和哲哲一起伴讀, 可以預告哲哲將會遇到的事, 打定個底, 而我讀落也回想起當年小一生的事, 同哲哲一齊分享下嘻嘻哈哈, 小一生唔一定辛苦又沉重既~

要準備的東西大致上都差不多, 最後一星期要收拾好心情, 少d出街玩同慢慢提早上床訓, 好快, 六年小學雞既生涯即將開始~ 

*************************************************************************************  

「開學三十七件事」的購物清單 (source: 蘋果日報)

《衣服鞋襪類》

□　1.黑鞋
□　2.白色運動鞋
□　3.校服（兩至三套供替換）
□　4.體育衫（一至兩套供替換）
□　5.冷氣外套
□　6.黑色皮帶（只限男生）
□　7.白色底衫/內褲/底裙（三至四件供替換）
□　8.白襪
□　9.手帕/口罩
□　10.紙巾及濕紙巾

《文具及常用物品類》

□　11.穿校服證件相（12張）
□　12.書包（不要有轆以免太重）
□　13.手挽袋（存放食物盒、水壺及美術用品等）
□　14.筆袋/筆盒
□　15.雨具（雨傘外，輕便雨衣長期放書包，應考慮能否同時遮蓋書包）
□　16.保暖水壼（冬天時用）
□　17.水壺/水樽（約500至700毫升）
□　18.原子筆及改錯帶
□　19.擦膠（準備半打，極易遺失）
□　20.鉛筆（兩打）
□　21.圓頭剪刀
□　22.木顏色筆/蠟筆
□　23.長間尺（兩把）
□　24.白膠漿/膠水/漿糊筆
□　25.粉彩（可能學校會代為訂購）
□　26. F4透明文件夾（多幾款顏色，科目分顏色存放）
□　27.大型手攪鉛筆刨（家中用）
□　28.小型鉛筆刨（每天準備七支鉛筆已足夠，避免帶筆刨返學以免分心）
□　29.美勞用圍裙手袖
□　30.家課套（即透明公文袋，用作存放功課及家課冊）
□　31.包書膠（家長經驗之談：不包書，兩星期後，書不似書）
□　32.掛頸八達通套（可放埋學生證）

《午膳用品類》

□　33.餐墊（午餐用，可買尺碼大一點的）
□　34.食物盒（盒蓋要易開關而不易翻開）
□　35.匙羹及叉（不建議用筷子，因容易夾不穩丟掉食物）
□　36.飯壺（如帶飯）
□　37.飯壺袋（如帶飯）

書包

書包有轆定冇轆好，要視乎上學路徑及方法，有轆的較重，如要上落交通工具會增加負荷；若只需走路上學，有轆的較輕鬆。

筆袋

避免又重又嘈的鐵筆盒，也不要選有太多機關的，免孩子分心。

水壺

家長們強調水樽容量大概500至700毫升，不太重又夠用，其實最重要是不漏水，款式吸引他們願意取出來飲用。

文具

色彩豐富的文具可增強小朋友學習的興趣。