【裝修】樓蘭磚都鋪好了 (day 32)

jul 10

都忘了什麼原因, 等了差不多兩星期師傅才鋪地下既木紋磚. 好心急想睇下樓蘭磚鋪成點...

一入屋, 原來師傅正在鋪磚, 好奇睇下師傅點鋪先. 咦, 呢個好似mini robot咁, 幾得意bor

其實係一個水平儀黎, 不過係點睇架呢?

廳已經盪好地台鋪緊磚, 兩房師傅繼續用木條盪平個地, 師傅咁快手, 睇怕一兩日會鋪好全屋磚了

師傅正在浸磚, 據說低溫磚先要浸, 高溫磚如廚房用果款就唔需要. 據說浸磚係令塊磚充分吸收水份之後, 再鋪落地貼d同日後無咁易谷起爆磚

師傅混好水泥沙後就塗上磚背, 再平平的鋪落地, 不時見師傅刮走多餘的泥漿, 有時又會用個批鏟用力敲塊磚, 盡量對齊排磚

就咁睇d磚都幾唔錯, 樓蘭磚果然質量好又靚仔, 無咩聽到師傅話d磚有問題, 都係見佢隨手拎起就鋪

為怕阻住師傅, 放低下午茶就走了. 第日再上, 全屋磚已經鋪好, 師傅開始做保護工序了

亂工咁鋪, 看上去不會太工整死板, 效果唔錯

細佬睇黎好滿意咁wor~

同色的地腳線, 其實地腳線有咩實質作用呢? 刨文說地磚鋪到牆腳時要預留空位, 好讓日後冷縮熱脹, 所以要用地腳線去遮, 亦有說因為拖地(會拖濕牆角?)昤不方便, 計我話最大既原因應該係美觀d全廳感覺一致d同埋劉氏兄弟爆車時唔洗咁易撞花d牆

廚房的一邊

咦? 點解個去水位係正正中咁樣衰既? 洗衣機條去水喉有咁出嗎? 咁咪次次行過見到又會踩到囉? 呢樣要問問師傅咩解究先得!

廁所都盪好地台鋪好磚了, 略嫌廁地磚款式太重覆, 幸好當時無訂晒鋪埋牆身姐

鋪晒磚, 師傅計實有幾多塊磚需要補貨, 我地打個電話比馬可波羅落order, 葉小姐好醒目甘計少幾塊錢, 當係補返上次有幾塊崩左既磚錢, 算佢幾識做喇! 屋內既防潮油都吹得七七八八, 唔知下個工程整d咩呢?