呢一日, 洗完碗, 入房抖陣腰骨, 轉個頭望落哲個樣好似有d 唔同左, 再望真d...
What?! 點解無左條眉架? 發生左咩事?!?!
當事人閃閃縮縮, 一開始十問九唔應, 再問真d, 有人話係廁所發現左d 好新奇既野, 於是乎放在額頭度亂刮, 錯手之下連眉毛都刮掉. 唔洗問, 一定係手多多拎左把剃刀黎玩, 怪唔得剛才去洗手間時在洗手盤發現毛毛喇=.=
唉, 聽日仲要返學, 黎緊聖誕又咁多聚會, 依個樣點見人?? 隻衰豬手勢仲鬼咁好, 剃到咁乾淨, 連dd 毛囊都睇唔到, 都唔知幾時先生返出黎? 明明諗住呢個星期去剪頭髮, 咁既款睇怕靠d 蔭遮遮醜, keep 住呢個冬菇頭, 有排都唔剪得了...
眉又無, 牙又甩, 望住呢個樣真係好好笑, 好似老左幾十年既老公公咁. 竟然可以看到哲哲變老的樣子, 夠晒神奇 XDDD
我女最近都做咗一樣嘅事！哩兩個星期我日日幫佢畫眉返學同出街，暫未有人發覺！
回覆刪除你個囡做咩事又咁傻豬呀? 哈哈哈, 真係比d 人仔笑屎呀!
刪除冇見血真係萬幸。唯有希望佢吸取教訓，知道有啲頑皮事既嚴重後果。
回覆刪除真係好好彩佢手勢好, 亂刮之下都無受傷, 希望佢知道教訓, 無下次啦
刪除