西九野餐

nov 22

秋高氣爽, 同朋友仔去郊外野餐最開心, 今日又同戰隊去西九文化區, 貪呢度地方大, 玩咩都得, 滿足晒大人中童細路~

點解咁講呢? 之前一眾戰母苦惱左好耐, 要找一撻大空地可以比大果班飆車之餘, 大人可以視線範圍內看得到唔擔心安全, 細果班又可以玩公園遊樂設施, 大人又可以安心傾計, 考慮埋地點因素, 除左西九真係別無他選.




對於我地呢d 無車人仕, 無可能下下坐的士抬屋企架單車黎, 西九另一好處就係可以在入口度租單車 ($20/小時), 真係一個很周到既服務.

地方之大, 真係想點玩就點玩.

今日仲有雜藝表演, 湊巧遇到小時的村友輝哥, 哲哲似乎對這些傳統雜藝好有興趣, 樂此不疲樣樣試.

睇輝哥玩就易, 到我們拎上手真係一點都不簡單

今日既重點黎啦! 睇下野餐食物幾豐富! 平時哲哲掛住玩甚少幫襯d食物, 今日難得由頭食到落尾, 只因食物好美味, 哲哲話koko姨姨整既飯團同grace姨姨個辣年糕最正~~

細佬生果怪上身, 成盒提子同香蕉差唔多比佢食晒咁滯!

由日曬玩到日落, 花費又少, 西九野餐玩樂真係一處relax又經濟既活動, 岩晒我呢d節儉靚太~