K1學校旅行 @獅子會自然教育中心

dec 12

竣竣學校旅行日, 學校安排到西貢的獅子會自然教育中心參觀. 對上一次來的時候是哲哲N班學校旅行, 轉眼間四年已過, 想起當日和哲哲一起活動的情景像是不久之前.

我們沒有回校搭校車, 選擇自行到地點集合, 早到了, 四圍看看拍拍照~

有人好興奮四圍跑, 當見到同學到時就突然怕羞, 厘厘埋埋話個個都唔識, 唔敢叫人~

 


SFC 既老師好有心, 準備了熱身操和很多集體遊戲和小朋友一齊玩, 家長又可以參與, 見到細佬由木頭人慢慢warm up到玩得投入開心, 老師既功勞真的不少啊~

平常問竣竣和哪些同學一起玩, 他總是說不知道; 問其他同學仔, 他們似乎也不太清楚竣竣的存在, 這方面老師也說過竣竣是比較觀察型, 平常都很守規矩很安靜, 是不用擔心的類型. 本來還在擔心細佬是否太靜太沒存在感, 在學校有沒有朋友之類.

這天看到竣竣和同學們都有不同的交集, 看上去挺融洽, 竣竣會找朋友仔玩, 和同學相處也不見爭執, 同學們都很照顧和禮讓竣竣呢~

最好笑是竣竣這天和某位同學以「孖公仔」姿態結伴四處去, 玩完一整天, 我問竣竣這個同學是什麼名字, 大家是不是好朋友, 竣竣竟然答:「我唔識佢架喎.」

「吓? 你唔識佢? 佢同你同班架喎. 你唔識佢咁你又同佢咁friend咁既?」

「我都唔知丫...」

咁都得? 小朋友既友誼認真有趣奇妙! XDDD