上年的二月十九日, 早上哲哲如常拖著舊白豆爬上我們床, 我爸哲爸睡到胡裡胡塗, 哲哲在床上說著捲來捲去, 我們也不以為然. 依稍記得他在床上自說自話(其實是我們睡了沒理他)個多小時後就沒再上來
後來我和哲爸一整天都奇怪怎麼不見舊白豆的蹤影, 因為平常哲哲總是帶在身邊, 稍一離開就會四圍搵白豆的. 晚上出外吃過飯後, 爸爸問起白豆, 哲哲才說: 我有新白豆得啦, 唔洗搵舊白豆啦. 我們問: 唔洗? 哲哲說: 我搵唔到佢丫, 佢唔見左, 頭先落街見唔到白豆, 再問, 原來今早不小心甩手跌左白豆落街, 但沒有第一時間通知我們 (回想起, 怪不得回家路上時哲哲四處張望)
午睡時我也奇怪為何哲哲不找白豆陪睡, 只說不要舊白豆, 今日想試下要新白豆, 又說舊白豆在床上所以不用了, 那時床上很亂, 我也很倦, 也懶得找白豆就不當一回事, 現在易醒起怪不得今早之後哲伏在廳的沙發默不作聲眼濕濕, 原來是出事了, 難為我們由得哲獨自承受三個鐘, 之後還要故作無事咩都話唔緊要的當左新白豆係舊白豆
我們引導哲哲一五一十的說出來, 可能怕比我地話, 又或者想淡化件事不令自己想起: 我第一次跌左落去, 唔知道可以點做, 唔識同媽咪講, 哭著問: 仲可唔可以執返舊白豆? 好掛住...看到哲哲心痛的哭, 我都好心痛, 意想不到我們和白豆這形式道別
其實我最唔開心係因為我無第一時間發現, 明知哲哲性格同習慣無白豆不行, 我傷心哲哲沒有最愛的白豆卻要獨自去忍, 睇佢反應要當無事發生過但其實自己唔開心
當我們刑樓下問完看更姨姨後, 每一次電話響起, 哲都會好緊張的問: 係咪清潔姨姨執得返...過了幾天, 清潔姨姨打比我執到舊白豆了, 只是變得好dirty, 原來爛爛的更因這幾天的天雨變得又濕又爛, 這樣子是肯定的不能留了
給哲哲看過舊白豆最後的樣子, 哲哲就和它告別, 我們要哲哲親手將舊白豆丟在垃圾桶, 然後我靜靜的替他洗乾淨, 取走所有棉花, 留來紀念
沒有留言:
張貼留言