jul 3
無論你事前做幾多research又或者計畫得幾好, 裝修果然總會發生突發的事情要處理. 先是樓上廁所同廚房地台漏水不肯維修(太長篇, 遲點出文再說), 再來是馬桶同分體冷氣的問題
先前都知道廁所會特別窄, 特別是座廁與淋浴間的空位超小. 本來打算為了房間大一點, 迫住將廁所縮細, 忍耐下就好. 當師傅間好淋浴的位置後, 實地看看果然是超窄! 考慮到廁所的使用率其實很高, 每天出出入入都要四五次, 一屋四人, 即是每天共廿多次, 超窄的廁所真的沒問題嗎?
迫住洗手無問題, 打橫像隻蟹沖涼都還可以接受, 可是每次交水費/練功的時候, 座廁窄到雙腿膝頭都頂住, 諗起都覺得辛苦
闊度固然迫, 長度的話, 標準座廁哲爸坐上去膝頭會頂腳(淋浴房的玻璃門), 揀個迷你座廁哲爸大太高腳太長又會坐得不舒服, 最重要是市面也沒多少牌子的座廁有超短的型號可以選擇, 不知名的牌子我們又不放心使用
如果將條屎渠轉向左邊幅牆, 空間就會大很多, 可是要扑爛d磚再做過, 而且關乎屎渠要轉個彎又真係唔敢亂郁...
點抉擇好呢?
除左呢樣野要諗之外, 之前一早同師傅講好左廳要裝部大金兩匹既分體冷氣, 點知呢日師傅話部冷氣太大, 個窗唔夠位入, 叫我地揀過其他牌子, 又或者轉部匹半細d既冷氣
思前想後, 廳連廚房裝匹半真係驚唔夠凍, 而且大金比較有信譽, 轉其他牌子成日壞要整要搭棚就煩, 最後堅持用返大金兩匹
師傅聽到自然牙痛咁聲, 不過都肯妥協, 幫我地諗辦法, 大概要拆左個鋁窗, 其中一邊唔分上下框, 換過一個大窗框, 應該就可以解決問題. 這筆數同這翻功夫, 應該師傅自負掛...
除左呢兩件事要煩之外, 全屋既喉同電制都做好了, 廁所的確係六分喉, 全屋就係四分喉, 完全正確, 係咁易影幾張相做個紀錄先, 過兩日師傅開始盪地台鋪地磚就影唔到架喇
暫時進度順利, 希望唔會因為樓上漏水而延誤工程
沒有留言:
張貼留言