上年去過青衣公園睇紅葉, 今年第一次去大棠郊野公園. 感覺上大棠的比青衣的更美, 更紅, 沿路有零零星星的紅葉未算驚艷, 走到盡頭一大片紅海, 實在太美了. 不管紅葉底下的人群, 不聽說普通話的大媽們, 還真的以為自己去了日本呢~
平安夜去了馬鞍山公園玩, 影聖誕佈置, 以往每年的冬天總會一家人在樹下自拍張家庭照, 哲爸自從轉了工之後, 這兩年都抽不到時間到公園和我們一起影相, 希望2016年會影到啦...
聖誕正日去了雪窩BBQ, 嘩, 都真係唔知有幾耐無去白雪屋企. 當我同哲哲講去白雪姨姨家燒野食, 哲哲開心到不得了. 食物豐盛唔在講, 大人食得自在安心, 小朋友又有自己小天地去玩. 事後竣竣話好鐘意去白雪姨姨屋企, 逐件玩具數出黎, 數到最後就係話白雪姨姨屋企d 玩具多到數唔到XDDD
Boxing day提早同哲公公慶祝生日, 大時大節出街食又限時又貴, 所以在家打邊爐, 大家坐得舒舒服服, 準備左超多野食都食唔晒丫!
又一年一度同朋友仔開xmas party! 照舊好抵玩, 一部夾糖機, 一個彈床加幾個汽球, 小朋友們已經玩得好開心, party完繼續上會所玩, 玩足六粒鐘!
兩隻豬每逢星期日一定追看妖怪手錶卡通片, 聖誕檔期有電影上畫, 緊係要同好朋友一齊睇喇
睇完戲, 去左泥涌放風箏, 擲石仔拾貝殼. 雖然無咩風放唔到風箏, 但兩隻豬拉住隻風箏跑來跑去, 見到風箏飛到半空一陣仔都已經好開心, 簡簡單單唔洗太花費, 已經可以玩足大半天
奇妙既旅程仲未完, 朋友仔突然有disney free ticket, 於是一拖二帶兩隻豬來過閃亮的聖誕. 聖誕節中既迪士尼佈置得好有氣氛, 竣竣大個仔, 可以玩到更多機動遊戲了
第一次入迷離莊園, 竣竣見到古靈精怪野, 入過一次猛話驚唔想再入, 哲哲反而好感興趣, 入完一次又一次, 難為竣竣掩住對眼陪入場, 認真唔話得XDDD
細膽既竣竣連米奇狂想曲都驚, 咁有咩先唔驚呀? 馳車天地同巴斯光年射壞蛋細佬就最鐘意, 咪住, 我有無睇錯? 竣竣射左d 咩可以爆分既?? XDDD
新一年要食好d! 假期最後一波, 同家族們吃lunch buffet, 再去玩具街閒逛, 早點回家執書包準備明天返學lu
玩左咁多日其實真係無咩溫過書, 就算安排左時間留係屋企, 個心依然向住窗外, 想玩既心情太強烈了, 星期尾就考試, 呢幾晚真係要收心養性, 好好溫習先得~
p.s. 聖誕節早上, 哲哲竣竣收到聖誕老人的禮物, 口裡說不相信聖誕老人的存在, 身體卻很誠實. 哲哲那句: 「我唔係發緊夢丫嘛!?」真係好真實好好笑XDDD
沒有留言:
張貼留言