吃飽後要勞動了! 來到這次旅程最期待既活動 - 拔蔥做蔥油餅吃~
這天的天氣不是太好, 都有點擔心中途下雨會很狼狽, 幸好天黑黑還未下出雨, 趕快拔蔥去囉~~
我們的民宿位於三星鄉, 附近有個蔥仔寮體驗農場, 平日不需預約, 揸車去到好多空位可以泊, 免收費. 這次我們參與了最基本的行程, NT150一人拔蔥洗蔥做蔥油餅
入場後, 有職員略略為我們講解一下今日流程, 然後襯未下雨前去拔蔥. 嬸嬸教要反手抓實蔥既根部, 搖兩搖, 然後用力一抽就會成支完整的拔出來. 聽上去很容易, 唔知哲哲同竣竣做唔做到呢?
戴上斗笠, 準備落田囉~~
哲哲掌握到技巧, 拔了第二次就成功了, 越拔越起勁. 細佬手仔未夠力, 要哲爸幫手搖鬆先抽得起, 出術成功, 皆大歡喜XDDD
拔完蔥, 然後去到洗蔥池. 哲哲好好奇, 點解洗蔥池d池水咁黑炆炆. 嬸嬸話洗蔥池d水有唔知xxx, 所以其實係最能保持到蔥既鮮嫩同營養
哲哲洗得好認真好仔細, 真係一條一條慢慢洗. 細佬洗得仲乾淨, 唔要頭唔要尾, meet下meet下, 洗到成條蔥得返dd咁多, 為免做成浪費, 都係要我出手幫洗
來到最後一part, 學做蔥油餅. 做之前先要洗洗手, 自己食返架XDDD
職員示範一次後, 到哲哲親手做. 麵團一早準備好, 步驟亦很簡單, 完全零失手
「好似蝸牛咁丫~」
一人一份, 特別多蔥既緊係哲爸喇~~
嬸嬸一路煎, 蔥既香氣一路飄出黎....油滋滋既聲聽落好有快感, 好想快d有得食丫~~~~
煎好喇! 隔隔油先! 望落好香口, 食落唔知點呢?
唔吃蔥既哲哲同細佬話好好吃, 哲爸塊蔥油餅加了豆瓣醬就更惹味, 三星蔥比平常在家吃的更香同爽脆. 坐在一大片青田下吃蔥油餅, 真係好寫意
蔥仔寮體驗農場很推介大家去, 建議大家先預約, 穿輕便鞋(田有濕泥), 多帶一套衣服以便替換, 仲要帶多d水免得蔥油餅太好吃唔夠水飲~~
謝謝分享呀！
回覆刪除