是日拍拖唔知幾多週年, 比個藉口出城去銅鑼灣飲茶吃得意點心. 平時好少同兩個仔飲茶, 一黎覺得飲茶需時比較長, 兩個仔無耐性坐咁耐, 二黎茶樓既點心比較悶, 就算幾好食, 賣相都很普通, 無咩特別
早陣子在雜誌看到幾間精緻酒樓有得意公仔造型點心吃, 想同兩兄弟見識一下, 等佢地打破「飲茶等於悶」既固有想法. 這天下午在灣仔有活動, 所以今天去銅鑼灣的酒鍋吃午餐
酒鍋環境不俗, 平日晚是打邊爐, 只有在午市的時候才有點心吃
茶壺古色古香, 我們點了鐵觀音, 淡淡的茶味易於入口, 不像平時喝的壽眉普洱, 果然兩兄弟肯多喝幾杯
來到這幢當然要叫得意點心, 有炸芋茸的天鵝, 流沙奶黃得戚包, 四色蝦餃, 魷魚狀既豆苗餃, 同埋企鵝蓮茸包, 全部都好得意好精緻
小企鵝: 我地咁可愛, 你地忍心食我地咩? 嗚嗚....XDDD
咁精緻既點心, 我地欣賞左好耐...好耐, 又影左相好耐...好耐...先捨得食XDDD
「我要同企鵝鍚鍚!」「我要一啖食左佢個pat pat!」
兩兄弟果然好開心, 異口同聲話第一次飲茶飲得咁開心, 點心味道雖然一般, 價錢有點小貴, 但閒來輕鬆下嘆下茶, 又可以同兩兄弟見識一下, 都唔錯丫~~
Book檯的時候特別要求坐窗邊, 高居臨下, 感覺很光猛開揚, 不過一家三口都話唔鐘意坐窗邊, 畏高驚跌喎=.=
吃飽後, 見時間差不多, 準備到下一場活動喇~
沒有留言:
張貼留言