夏日炎炎, 今天重頭節目到馬拉灣水上樂園玩. 大玩特玩之前先要醫肚, 我們打算吃在台中一致讚好的梨子咖啡館, 襯餐廳提供午餐之前, 先到台中美術館的兒童遊戲室放放電, 見識一下這個免費又極受小朋友歡迎的遊戲區有多好玩
這個遊戲室要事前網上預約, 現場排的話很大機會輪侯不到, 我們預約了第一時段, 未到九時已經有人在排隊了
(預約網址: http://child.ntmofa.gov.tw/content_70.html)
又曬又熱, 影完張相即衝入美術館嘆冷氣, 哈哈
在美術館閒逛, 趕到遊戲室睇下有咩玩先
平時又唔見兩兄弟畫畫, 黎到遊戲室竟然畫左好耐好耐
遊戲室佔地頗大, 分開了幾部份, 每節可以玩兩小時, 作為一個免費的親子遊戲區我覺得很不錯啊
不說不知, 原來玩積木的好處有有這麼多
基於兩兄弟對藝術不太感興趣, 我們玩了個半小時就離開, 出發去食梨子咖啡館
梨子咖啡館有很多分店, 每一間的佈置及親子區都很不同, 我們這次去的是祟德店, 是有繪本區的一間分店呢~
時間尚早, 所以沒有人, 喜歡看書的哲哲第一時間拎起書就看, 安靜舒適的閱讀環境, 書都覺得好睇d XDDDD
室外景觀很開揚, 不過大熱天時還是在冷氣地方好, 否則會熱死XDDD
一陣要去玩水, 要食飽d先有力玩
兒童餐好吸引丫~~~ 其實兩兄弟邊係為食, 只係為左個車車餐盤咋. 個美祿最濃郁, 見到咁厚既美祿粉, 真心覺得出手好闊綽XDDD
有車車餐盤陪住, 食都食得特別開心
我點的是青草醬海鮮意大利粉, 份量大得完全吃不下. 南瓜濃湯配芝士軟包好好吃, 最後的甜品小巧可愛, 一啖實在太唔夠喉了
哲爸的是牛小排, 配上咖啡及精美的甜點, 頓時覺得自己點意粉後悔了...
以為飽晒走得? 未完, 人家說女人吃甜品有第二個胃, 我說哲爸也同樣有兩個胃. 胃口極好的他又點了個肉桂紅酒蘋果熱鬆餅, 有忌廉和雪糕伴著吃, 好邪惡但真係好好食!
在台中黎講今餐消費應該是最貴的了, 但整個用餐氣氛及味道真的很好, 值得再來
館外門前有個沙池, 保養得很乾淨, 可是陽光太猛烈了, 沙子太熱見到都玩唔到, 傍晚來的話應該會很盡興
沒有留言:
張貼留言