之所以叫 4小k
並不是 4位 bb的英文名是 k字頭 (雖然哲哲同天朗是 k字頭)
而是因為這 4 pair families都是 k型的
自從 上次 7月後都沒有再聚會 (sorry, 我都知係我同哲爸的問題)
原先今次不想打擾 bowbow一家
打算叫到會方便就好了
但鐘意搞呢樣果樣既 bowbow決定自己整自己煮會抵好多又好味好多
咁我呢 d又懶又貪吃既人當然舉腳贊成啦
乘火車途中哲哲累得罕有地吊直來睡也睡得正甜
小睡數十分鐘, 話咁快搭 kat順風車到 bowbow家, 睇哲哲個樣, 條魚都好生猛下喎
靖天尋日同哲哲有好多埋身搏擊, 原來 9個月大的 bb有意無意地識得爭野玩啦
哲爸先用波波引靖天同哲哲, 一放手佢兩個就疊埋一齊爭啦喂!
靖天: 鬼影變幻球, 我變, 我變, 我變變變! 問你暈未?!
(哲哲只能目定口呆的驚嘆...)
哲哲: 靖天姐姐, 借黎玩下都得掛?
靖天: 搶得快, 好世界, 你搶我唔到既
哲哲: 今次仲唔輪到我搶贏?
那邊廂靖天同哲哲搶過不停, 這邊的天朗就隔岸觀火, 好一副事不關己的樣子, 哈哈哈
睇書睇到本書都打側晒既? 哲哲你咪扮文化界啦~
哲哲和靖天當天除了爭波波之外, 還有多場激戰, 睇到我地班爸媽們笑到碌地
靖天呢個樣好兇狠, 好強既殺氣, 哲哲, 小心啊 (但哲哲個樣都未驚過咁喎, 黎咪黎!)
哲哲不甘示弱, 出手扯頭髮!
仲出埋口術添!
睇到呢度仲未知誰勝誰負, 白痴既我以為呢刻開始轉拍 video成功仲坐到個靚位拍完整個過程, 誰知原來相機反應太慢, click左個制都未反應得切, 一秒都影唔到....激死我, 幸好 bowbow拍到部份片段
彤彤駕到! 哲哲除了沒有和天朗正面交鋒外, 和彤彤都過了幾招, 由玩具檯上面鬥到地面, 哲哲唔準蝦女仔 ga
要拍下這個小霸王的衰衰樣!
玩到呢個時候, 體力消耗戰生效. 4小 k開始謝謝地睡魔急 call, 咁就好啦, 因為我地可以開餐啦~~ (其實我地班大人陪佢地玩都比佢地搞到好鬼倦)
晚餐非常豐富, 特別要提有大閘蟹凍蟹及鮮芒果肉布甸 (bowbow, 聽我講, 個布甸真係好得!), 而 benny整既瑞典雞翼同瑞典肉丸我都好欣賞 (唔通 benny係瑞典人? 整兩款瑞典菜式咁掂既?) 最最最最神奇的是這碟西蘭花, 多得這棵西蘭花令哲哲由扭計變為笑到卡卡聲定定地坐o係 high chair睇住我地食, 等我同哲爸可以食足全程, 夠神奇吧?!
原先想 4小k拍春日花花圖為每次拍定動作, 可惜哲哲睡著了, 唯有下次吧. 大合照總少不了, 123, cheers~
又一天玩得盡興
最開心的應該是哲爸吧
難得這麼多人陪他玩 wii之餘
仲比佢隻 "骨精強" 以半個馬鼻位贏了 bowbow
玩飽食飽
唔怪得之昨晚倦到扯晒鼻鼾踢極都唔醒啦~
沒有留言:
張貼留言