在等爸爸回來吃飯之前, 預先和哲哲製冰
由水變冰的過程哲哲都知道了, 這晚和哲哲溫故知新. 準備食材哲哲試得多, 一起沖調飲品卻是第一次, 哲哲開心到不停咁傻笑, 呵呵~~
個多小時後冰就凝固了. 我們也晚飯完畢, 可以開始做凍檸水啦~ 先來說一下做凍檸水的材料:
因為我們家中沒用砂糖, 所以用大家樂的白砂糖來代替, 不用砂糖用蜜糖也可以的
「哲哲, 小心把刀好利架!」
檸檬一分為二之後, 哲哲頻說檸檬好香, 明知道檸檬是酸的, 還是忍不住伸條脷仔吃一口; 之後仲好得戚話學校教過點搾橙汁, 隻手要點扭扭扭
哲哲手仔細, 搾檸檬比橙搾得比較輕鬆, 不過這個搾汁器不好用, 容量太細, 他日榨橙汁肯定要分好幾次, 有點麻煩...
一齊用力壓多兩下, 整個檸檬肉同汁都出來了, 用小匙盛起檸檬核先~
將檸檬水連肉慢慢倒入準備好的杯子裡, 然後就開糖水啦!
砂糖和水的份量是1:1, 沖凍檸茶奶茶沖既糖水做法係先將一份砂糖放在煲中, 放一份水, 開火不停攪拌直至砂糖全都溶化. 不過因為我地用既份量好細, 而且不想哲哲飲太甜, 所以直接將兩包砂糖放入杯中加少少熱水不停攪拌直至溶化
甜味可以自己調較, 不過我們喜歡酸一點的味道, 所以兩小包就夠了~ 哲哲在呢個步驟好專心咁, 每攪兩下就望下d砂糖溶晒未
接下來將檸檬水和糖水倒在一起, 在雪櫃取出冰粒放入杯子, 再加凍滾水就飲得啦~~~
登登~~ 一杯透心涼既凍檸水就沖好啦, 等我飲啖檸檬水幫助消化先~~~
哲哲飲第一啖說好酸, 正想問他要不要再加點糖, 就見哲哲一口氣喝了一大杯, 飲得咁快即係唔酸啦~~~ 於是又加了點凍滾水, 這次哲哲將裝飾用的檸檬片也放入杯子不停督督督, 務求令杯檸檬水有咁酸得咁酸~
一杯凍檸水就係咁簡單, 下次可以試下整紅豆冰~~~
沒有留言:
張貼留言