某日哲哲又說想做大人了...
「媽咪, 我想做爸爸丫」
「好丫. 點解你想做爸爸既?」
(我滿心期待以為哲爸是哲哲內心敬重的對象, 所以想仿效哲爸做個好爸爸, 可是我錯了...)
「因為可以做爸爸食好多雪糕同朱古力囉」
(...... 難道爸爸給你的印象就只有貪吃兼獨食嗎?)
「咁你大個仔搵個你鐘意既女仔結婚, 之後生bb咪可以做爸爸囉」
「但係我鐘意男仔, 我想同男仔結婚喎」
(我諗哲哲係因為鐘意同男仔玩, 所以先咁講)
「男仔同男仔唔結得婚, 結婚係要一個男仔同一個女仔架」
「咁丫...咁我同你結婚啦」
「但係我同爸爸結左婚啦喎」
「咁同我結多一次啦」
(本來這個是結婚的唯一版本, 聽到個心都幾甜, 誰知幾日後又來另個結婚宣言, 而且是很爆點的! )
哲爸出差公幹數天, 如常和哲哲在床上談心, 本來的話題是哲哲說很掛住爸爸, 之後唔記得左點解後來演變為結婚話題
「媽咪, 我好想結婚喲~~」
「好想結婚? 你仲係小朋友喎, 點結婚丫?」
「媽咪, 我仲未結婚, 我好想變大人丫...」(又係結婚? 又係大人? 搞咩咁老積?)
「咁你想同邊個結婚呀? 男仔要同女仔結婚, 你鐘意邊個女仔丫?」
(為免哲哲再一次話同男仔結婚, 所以提佢一定係同女仔既)
「我...我鐘意mavis, 我想同佢結婚」
「下? mavis? 咁你揀左mavis, 你要對佢好好, 你要讓佢, 同佢分享野食同玩具, 好似爸爸咁同我分享所有野, 好似爸爸咁錫我先得架bor」
「咁丫...我想同兩個人結婚」
「下? 唔得! 結婚只可以係一個男仔同一個女仔, 唔可以有其他人架」
「我想同埋toto姨姨結婚」
「下?!?!?! toto姨姨結左婚架啦, 你同佢結婚智叔會好唔開心, 智叔係toto姨姨個老公黎架嘛」
「我知, 不過同toto姨姨結婚, 佢會好鍚mavis架嘛, 咁我咪唔洗分享我d野食囉...」
(究竟哲哲當結婚係咩一回事? 點解人仔細細個腦筋可以轉得咁快識咁諗架?!?!)
又某日...
「rico rico rico rico...」哲哲正在唱rico之歌
「媽咪, 我好鐘意rico, 我成日同佢爆車架」
「媽咪, 我想同rico一齊行山喲」
「媽咪, 我想去rico屋企玩」
「媽咪, 我想同rico...」(下刪一萬個請求)
唔理哲哲之後佢自個兒繼續尋樂
「rico rico rico rico...」又再唱rico之歌了~~
(點解我聽落覺得咁似求偶歌既? 天啊!!!)
沒有留言:
張貼留言