jan 2
自從哲爸在哲哲出世那年轉工後, 很多個週末紅假都沒能陪伴我們, 那時是新手媽媽, 得自己一個照顧哲哲, 想起那時屋企附近的環境設施還是很爛地不完善, 由家裡到商場車站要走十級樓梯, 要遠行推bb車的話, 一個人又如何連人帶車抽起上落呢? (依家手瓜粗過腳瓜緊係得啦!) 要獨自出街是一件很大的挑戰
然而這些年來, 和哲哲出街得多也習以為常, 細佬滿月以後, 一拖二出街更是沒有問題. 平時是沒特別的要記下一拖二的生活, 這一篇例外, 因為當日真係好。辛。苦!
這天不用上課, 哲哲突然說想去ikea, 還在心大心細時, 哲哲說因為這個十二月假爸爸都在忙, 就連聖誕除夕元旦也沒一日陪伴到, 見哲哲怪可憐的模樣, 即時廿四孝媽媽上身, 執好幾件隨身用品就出門
為什麼說當日很辛苦? 因為我們的bb車是不能單手收摺, 一定要用兩手摺疊扣實. 由家裡出發, 搭巴士是最快, 但巴士要收車, 當我抱住細佬時, 又何來多對手收車呢? 哲哲又未夠力去抱細佬, 所以是不可行; 搭火車的話, 要轉馬鐵再轉火車多個站又會很累人, 不帶車和哲哲在ikea消磨一整天, 揹著細佬是會腰骨斷的
怎樣好呢?
結果決定兩樣都帶晒!
先用揹帶背住細佬, 手拉著摺好了的bb車, 巴士到就一仆一碌狼狽的上車, 下車的時候甩難了! 放細佬落回bb車收好揹帶, 終於可以舒舒服服推bb車行ikea了!
第一站先走捷徑到波波池拎飛仔先! 因為是平日中午關係, 場內甚少人, 不用等就可以即場入去, 哲哲玩了兩節, 見人少不好玩就走了
走到兒童天地, 兩兄弟各有各玩, 這是難得的一刻在玩同一件玩具呢~
不知道是心理作用還是全職湊細佬的關係, 總覺得細佬比哲哲bb時學習能力較好, 好像這天我示範給細佬看入圖型, 才做了一次, 細佬就明白將手上的圖型放入洞洞裡, 從前的哲哲可是要一歲後才懂得
每次來ikea, 哲哲都是念念不忘這張路軌小地毯. 這張地毯其實一百幾十, 不是買不起, 只是小朋友想要的東西有很多, 要知道所有東西都是得來不易, 既然可以這樣近就玩到, 不用買回家, 喜歡的就隨時來玩好了
不說不知, 原來的款式賣光了, 圖中的那張是新款來, 哲哲不是太喜歡, 不過一場來到, 即刻拎出私伙車仔來模擬一下. 哲哲常常問細佬幾時大個可以陪佢玩, 看到呢一幕, 其實細佬再多半年就已經可以喇~
剛吃完lunch不夠的哲哲又雀仔肚上身, 話肚餓要食肉丸. 最怕到ikea cafe, 人很多, 又要自助, 帶住兩個仔買野又搵唔到位, 搵好位要佢地坐低, 又怕排隊買野太遠離開視線範圍不安心. 最後隨處找了個位, 請同檯的一家人幫忙看著哲哲, 趕快出去排隊買東西吃. 邊抱著細佬邊托食物盤是件痛苦事, 呢隻臭豬出手極快, 單手抱著, 單手顧著托盤上的食物, 又要付錢找續, 更怕細佬出手掃低盤上的食物
呢件貨值幾錢呀?
唔知細佬唔鐘意呢隻蛋轉來轉去, 還是不喜歡哲哲抱太實唔舒服呢?
玩左大半日, 回程時在火車站外的檔口買了點咸濕野食(為食既哲最喜歡試食), 怕放工時間太多人迫火車, 於是又痛苦的揹著細佬, 拖著bb車上巴士, 兩隻臭豬累極在巴士睡了, 天啊...落車的時候暫不用顧揹帶上的細佬, 還要拉哲哲同bb車落車, 果一刻覺得自己耳仔軟真係搵自己笨, 不過聽到哲哲第二早上學時和爸爸說這天很高興, 算是值得了吧
沒有留言:
張貼留言