jan 17
全球最大既圖書船「望道號logos hope」黎左香港, 停泊在海港城對出海域. 海上既圖書館, 更是一艘福音船,對我們來說實在非常新奇, 聞說船內有超過五千本中英圖書, 這天放學後和哲哲即興趕出尖沙嘴見識一下
為怕哲哲中途肚儀嚷著走, 買了麵包帶了水, 食飽飽上船打書釘!
走到碼頭, 原來要繞過商場, 上上落落才正式來到甲艘, 揹住細佬挽著大包細包的東西, 重死人喇!
入場費$10, 小童免費. 也許這天是平日黃昏, 人不多, 不會太局促太擠擁, 可以慢慢的看過夠
這次是望道號第一次來港, 睇下牆上既照片, 它曾經到過不少地方呢
「媽咪, 呢d咩黎架?」
照片中右手面有個陀螺的東東, 入面有貼紙寫住投錢看看會發生什麼事. 哲哲不停的嚷著要個硬幣, 想看看入個銀仔會發生什麼奇怪的事, 我們給了他一個五蚊, 硬幣投了, 還期待會有什麼機關新奇野出現, 點知只是「噗通」一聲, 清脆俐落的跌了入黑洞=.= (根本就是呃錢嘛~)
船上有幻燈片同真人解說, 不過都是說英文, 哲哲不會明白喇
呢個是什麼來的? 忘了...
船上的職員很友善啊, 主動的替我們拍張合照~
這裡是一個聖經劇場, 講一個男仔迷失於金錢與物質之中, 幸好最後知錯能改, 一路的向哲哲解說, 哲哲都聽到咬牙切齒, 好肉緊!
走到船的盡頭, 就是令人驚嘆既書城啦! 果然好大好多書, 書既種類有好多, 部份英文書售價仲好抵買tim! 打個例子, 某本硬本書平常在page two度買要過百元, 呢度就一百元有找
場內很靜, 而且很寬敞, 哲哲睇睇下索性坐到地上, 而這天我們巧遇blog友, 幸會啊~
好幾本書見便宜哲哲又喜歡, 忍不住買了數本, 不過袋子不夠大, 袋重細佬更重, 唯有急call哲爸放工上船來接我們走. 望道號有個kids corner, 比小朋友休息下玩下, 好讓爸爸媽媽們可以安心睇書
kids corner有兩三個不同國藉既外國人陪小朋友玩, 起初這裡只有我們一家. 哲哲獨佔三位外國船員玩了一個多小時, 我們都笑說$10既native english playgroup邊度搵? XDDDDD
細佬都玩得好開心架~
玩到好夜都唔捨得走, 好在我早有準備, 帶埋粥出黎船上食, 唔係邊得哲哲睇得咁投入 (重死我啦!)
睇到差唔多10p.m., 哲哲才捨得離開, 走時看到這個特大行李箱, 好得意呀! 原來呢個行李箱好有意思, 望道號既義工們將自己既故事同經驗紀錄為相片加到行李箱入面, 帶到各處, 成為一個環遊世界既行李箱, 做到薪火相傳
寫這篇文的時候, 聽說望道號再次來港, 這次停泊在西環一帶, 不知道是不是真的呢?
沒有留言:
張貼留言